കാഞ്ഞങ്ങാട്: കെപിഎസ്ടിഎ റവന്യു ജില്ലാ കമ്മിറ്റിയുടെ ആഭിമുഖ്യത്തില്‍ സര്‍വീസില്‍ നിന്നു വിരമിക്കുന്ന അധ്യാപകരെ ആദരിച്ചു. ഹൊസ്ദുര്‍ഗ് സര്‍വീസ് സഹകരണ ബാങ്ക് ഹാളില്‍ സംഘടിപ്പിച്ച ഗുരുവന്ദനം 2024 യാത്രയയപ്പ് സമ്മേളനം സംസ്ഥാന പ്രസിഡന്‍റ് കെ.അബ്ദുള്‍ മജീദ് ഉദ്ഘാടനം ചെയ്തു. റവന്യു ജില്ലാ പ്രസിഡന്‍റ് കെ.വി.വാസുദേവന്‍ നമ്പൂതിരി അധ്യക്ഷതവഹിച്ചു. സംസ്ഥാന ജനറല്‍ സെക്രട്ടറി പി.കെ.അരവിന്ദന്‍ മുഖ്യപ്രഭാഷണം നടത്തി. സംസ്ഥാന ട്രഷറര്‍ വട്ടപ്പാറ അനില്‍കുമാര്‍ ഉപഹാര സമര്‍പ്പണം നടത്തി.
സര്‍വീസില്‍ നിന്ന് വിരമിക്കുന്ന സംസ്ഥാന വൈസ്പ്രസിഡന്‍റ് വി.മണികണ്ഠന്‍, സംസ്ഥാന സെക്രട്ടറി ജി.കെ.ഗിരിജ, സംസ്ഥാന നിര്‍വാഹകസമിതി അംഗം എ.വി.ഗിരീശന്‍, വിദ്യാഭ്യാസ ഉപഡയറക്ടര്‍ എന്‍. നന്ദികേശന്‍, എ. ശോഭന, ജോസ് മാത്യു, എം.അശോകന്‍, സി.കെ. വേണു, കെ. സുരേന്ദ്രന്‍ എന്നിവര്‍ ഉപഹാരം ഏറ്റുവാങ്ങി. റവന്യു ജില്ലാ സെക്രട്ടറി പി.ടി.ബെന്നി, കെ.രമേശന്‍, ജി.കെ.ഗിരീഷ്, കെ.അനില്‍കുമാര്‍, പ്രശാന്ത് കാനത്തൂര്‍, കെ.ശ്രീനിവാസന്‍, അശോകന്‍ കോടോത്ത്, യൂസഫ് കൊട്ട്യാടി, സ്വപ്ന ജോര്‍ജ്, ടി. രാജേഷ് കുമാര്‍, ജോമി ടി.ജോസ് എന്നിവര്‍ സംസാരിച്ചു.