ഫ​ണ്ടി​ല്ല, ഇ​ഴ​ഞ്ഞു​നീ​ങ്ങി ഹൈ​ടെ​ക് ആ​ട് ഫാം
Monday, April 29, 2024 1:55 AM IST
കാ​സ​ര്‍​ഗോ​ഡ്: ദ​ക്ഷി​ണേ​ന്ത്യ​യി​ലെ സ​ര്‍​ക്കാ​ര്‍ ഉ​ട​മ​സ്ഥ​ത​യി​ലു​ള്ള ഏ​റ്റ​വും വ​ലി​യ ആ​ട് ഫാം ​എ​ന്ന വി​ശേ​ഷ​ണ​ത്തോ​ടെ നി​ര്‍​മാ​ണം തു​ട​ങ്ങി​യ ബേ​ഡ​ക​ത്തെ ഹൈ​ടെ​ക് ആ​ട് ഫാം ​പ​ദ്ധ​തി, ഫ​ണ്ടി​ല്ലാ​ത്ത​തി​നാ​ല്‍ ഇ​ഴ​ഞ്ഞു​നീ​ങ്ങു​ന്നു.

സാ​മ്പ​ത്തി​ക പ്ര​തി​സ​ന്ധി മൂ​ലം പ​ദ്ധ​തി വെ​ട്ടി​ച്ചു​രു​ക്കി​യി​ട്ടും ഇ​തു യാ​ഥാ​ര്‍​ഥ്യ​മാ​ക്ക​ണ​മെ​ന്ന യാ​തൊ​രു ഉ​ദ്ദേ​ശ​വു​മി​ല്ലാ​തെ​യാ​ണ് മൃ​ഗ​സം​ര​ക്ഷ​ണ​വ​കു​പ്പി​ന്‍റെ പ്ര​വ​ര്‍​ത്ത​നം.

പ്ലാ​ന്‍ ഗം​ഭീ​രം

2021 ഫെ​ബ്രു​വ​രി മൂ​ന്നി​നാ​ണ് കൊ​ള​ത്തൂ​ര്‍ ക​ല്ല​ളി കു​മ്പ​ളം​പാ​റ​യി​ലെ 22.74 ഏ​ക്ക​ര്‍ സ്ഥ​ല​ത്ത് അ​ന്ന​ത്തെ മൃ​ഗ​സം​ര​ക്ഷ​ണ​വ​കു​പ്പ് മ​ന്ത്രി കെ.​രാ​ജു പ​ദ്ധ​തി ഉ​ദ്ഘാ​ട​നം ചെ​യ്യു​ന്ന​ത്. ന​ല്ല​യി​നം മ​ല​ബാ​റി ആ​ടു​ക​ളു​ടെ ഉ​ത്പാ​ദ​നം, പാ​ലു​ത്പാ​ദ​നം, മാം​സോ​ത്പാ​ദ​നം, ജൈ​വ​വ​ളം ഉ​ത്പാ​ദ​നം എ​ന്നി​വ​യാ​യി​രു​ന്നു ല​ക്ഷ്യ​ങ്ങ​ൾ. സ​ര്‍​ക്കാ​രി​ന്‍റെ വി​വി​ധ പ​ദ്ധ​തി​ക​ളി​ലേ​ക്കു​ള്ള ആ​ട്ടി​ന്‍ കു​ഞ്ഞു​ങ്ങ​ളെ ന​ല്‍​കു​ക എ​ന്ന​താ​ണ് ആ​ദ്യ ല​ക്ഷ്യം. പി​ന്നീ​ട് സ്വ​കാ​ര്യ വ്യ​ക്തി​ക​ള്‍​ക്കും ന​ല്‍​കും. ആ​ദ്യ ഘ​ട്ട​ത്തി​ല്‍ 900 പെ​ണ്ണാ​ടു​ക​ളെ​യും 100 ആ​ണാ​ടു​ക​ളേ​യും ജി​ല്ല​യി​ലെ ആ​ട് ക​ര്‍​ഷ​ക​രി​ല്‍ നി​ന്നു​ത​ന്നെ വാ​ങ്ങി​ക്കാ​നാ​ണ് പ​ദ്ധ​തി.

200 ആ​ടു​ക​ള്‍​ക്ക് താ​മ​സി​ക്കാ​ന്‍ ക​ഴി​യു​ന്ന അ​ഞ്ചു ഷെ​ഡു​ക​ള്‍ നി​ര്‍​മി​ക്കും. ആ​ദ്യ വ​ര്‍​ഷം ഉ​ത്പാ​ദി​പ്പി​ക്കു​ന്ന പെ​ണ്ണാ​ടി​ന്‍ കു​ഞ്ഞു​ങ്ങ​ളെ ബേ​ഡ​ഡു​ക്ക​യി​ലെ ക​ര്‍​ഷ​ക​ര്‍​ക്ക് സൗ​ജ​ന്യ​മാ​യി ന​ല്‍​കി ഒ​രു പ്ര​സ​വ​ത്തി​ന് ശേ​ഷം കു​ഞ്ഞി​നെ അ​വ​ര്‍​ക്ക് ന​ല്‍​കി അ​മ്മ​യെ തി​രി​കെ വാ​ങ്ങാ​നു​ള്ള പ​ദ്ധ​തി​യും വ​കു​പ്പി​ന്‍റെ ആ​ലോ​ച​ന​യി​ലു​ണ്ട്.

ഇ​ങ്ങ​നെ തി​രി​ച്ചെ​ടു​ക്കു​ന്ന​വ​യെ ഫാ​മി​ല്‍ ല​ഭ്യ​മാ​വു​ന്ന മു​റ​യ്ക്ക് ജി​ല്ല​യ്ക്ക് പു​റ​ത്തേ​ക്ക് കൂ​ടി ന​ല്‍​കാ​ന്‍ സാ​ധി​ക്കും. കേ​ന്ദ്ര​സ​ര്‍​ക്കാ​ര്‍ പ​ദ്ധ​തി​യാ​യ രാ​ഷ്ട്രീ​യ കൃ​ഷി വി​കാ​സ് യോ​ജ​നം വി​ഹി​ത​മാ​യ 1.78 കോ​ടി രൂ​പ, കാ​സ​ര്‍​ഗോ​ഡ് വി​ക​സ​ന പാ​ക്കേ​ജി​ല്‍​നി​ന്ന് 1.54 കോ​ടി രൂ​പ, വ​കു​പ്പ് വി​ഹി​തം 63 ല​ക്ഷം എ​ന്നി​വ​യ​ട​ക്കം 3.95 കോ​ടി രൂ​പ​യു​ടേ​താ​ണ് പ​ദ്ധ​തി.

പ​ക്ഷേ ന​ട​ന്ന​ത്...

ഒ​രു വ​ര്‍​ഷം കൊ​ണ്ട് ആ​രം​ഭി​ക്കു​മെ​ന്ന് പ​റ​ഞ്ഞ പ​ദ്ധ​തി മൂ​ന്നു​വ​ര്‍​ഷം ക​ഴി​ഞ്ഞി​ട്ടും യാ​ഥാ​ര്‍​ഥ്യ​മാ​യി​ല്ല. ക​രാ​ര്‍ കാ​ലാ​വ​ധി​ക്കു​ള്ളി​ല്‍ നി​ര്‍​മാ​ണം ന​ട​ക്കാ​തെ വ​രി​ക​യും ഫാ​മി​ന്‍റെ പ്ര​വ​ര്‍​ത്ത​നം തു​ട​ങ്ങാ​ൻ വൈ​കു​ക​യും ചെ​യ്ത​തോ​ടെ കേ​ന്ദ്ര​വി​ഹി​തം ന​ഷ്ട​മാ​യി. സം​സ്ഥാ​ന സ​ര്‍​ക്കാ​ര്‍ വി​ഹി​ത​മാ​യി കാ​സ​ര്‍​ഗോ​ഡ് വി​ക​സ​ന​പാ​ക്കേ​ജി​ല്‍ 1.53 കോ​ടി രൂ​പ മാ​ത്ര​മാ​ണ് അ​നു​വ​ദി​ച്ച​ത്. ഫ​ണ്ട് കു​റ​ഞ്ഞ​തോ​ടെ ആ​യി​രം ആ​ടു​ക​ളു​ടെ പ​ദ്ധ​തി 200 ആ​യി കു​റ​ഞ്ഞു. അ​ഞ്ചു ഷെ​ഡ്ഡു​ക​ള്‍ എ​ന്ന​ത് ഒ​റ്റ ഷെ​ഡ്ഡ് മാ​ത്ര​മാ​യി ചു​രു​ങ്ങി.

ആ​കെ​യു​ള്ള​ത് ഓ​ഫീ​സ് കെ​ട്ടി​ടം

55 ല​ക്ഷം രൂ​പ ചെ​ല​വി​ല്‍ ഓ​ഫീ​സ് നി​ര്‍​മി​ച്ച ഒ​രു ഓ​ഫീ​സ് കെ​ട്ടി​ടം മാ​ത്ര​മാ​ണ് ഇ​വി​ടെ​യു​ള്ള​ത്. എ​ന്നാ​ല്‍ ഇ​വി​ടെ വൈ​ദ്യു​തി ക​ണ​ക്ഷ​ന്‍ ഇ​തു​വ​രെ എ​ടു​ത്തി​ട്ടി​ല്ല. ഷെ​ഡി​ന്‍റെ നി​ര്‍​മാ​ണം പു​ന​രാ​രം​ഭി​ച്ചി​ട്ടു​ണ്ട്. ഒ​രു കു​ഴ​ല്‍​കി​ണ​ര്‍ കു​ഴി​ച്ചെ​ങ്കി​ലും ഇ​തി​ന് മോ​ട്ട​ര്‍ പി​ടി​പ്പി​ച്ചി​ട്ടി​ല്ല. അ​തി​നാ​ല്‍ ത​ന്നെ എ​ത്ര വെ​ള്ളം ഇ​തി​ല്‍ നി​ന്ന് ല​ഭി​ക്കു​മെ​ന്നും പ​റ​യാ​റാ​യി​ട്ടി​ല്ല. ഒ​രു കു​ഴ​ല്‍​കി​ണ​റി​ലെ വെ​ള്ളം മ​തി​യാ​കി​ല്ലെ​ന്നും മ​റ്റൊ​രു കി​ണ​ര്‍ കു​ഴി​ക്കേ​ണ്ടി​വ​രു​മെ​ന്നും അ​ധി​കൃ​ത​ര്‍ പ​റ​യു​ന്നു​ണ്ടെ​ങ്കി​ലും അ​തി​നു​ള്ള യാ​തൊ​രു ന​ട​പ​ടി​യും ആ​രം​ഭി​ച്ചി​ട്ടി​ല്ല.

ആ​ടി​ന് തീ​റ്റ​യ്ക്കാ​യി മു​മ്പ് നൂ​റു​ക​ണ​ക്കി​ന് പ്ലാ​വി​ന്‍​തൈ​ക​ള്‍ ന​ട്ടെ​ങ്കി​ലും പി​ന്നീ​ട് അ​ങ്ങോ​ട്ട് തി​രി​ഞ്ഞു​നോ​ക്കാ​ത്ത​തി​നാ​ല്‍ അ​വ​യെ​ല്ലാം കാ​ടു​ക​യ​റി ന​ശി​ച്ചു​പോ​യി. വ​ര​ള്‍​ച്ച രൂ​ക്ഷ​മാ​യ​തി​നാ​ല്‍ ഈ ​സ​മ​യ​ത്ത് പു​തി​യ​ത് വ​ച്ചു​പി​ടി​പ്പി​ച്ചി​ട്ടും കാ​ര്യ​മി​ല്ല. ഫാം ​ഓ​ഗ​സ്റ്റി​ൽ ആ​ര​ഭി​ക്ക​ണ​മെ​ന്നാ​ണ് സി.​എ​ച്ച്.​കു​ഞ്ഞ​മ്പു എം​എ​ല്‍​എ ഉ​ദ്യോ​ഗ​സ്ഥ​ര്‍​ക്ക് നി​ര്‍​ദേ​ശം ന​ല്‍​കി​യി​ട്ടു​ള്ള​ത്. ഷെ​ഡ് നി​ര്‍​മാ​ണം ജൂ​ലൈ​യോ​ടെ പൂ​ര്‍​ത്തി​യാ​യാ​ലും ആ​ടു​ക​ളെ എ​വി​ടെ നി​ന്നു കൊ​ണ്ടു​വ​രു​മെ​ന്നോ കൊ​ണ്ടു​വ​ന്നാ​ല്‍ ത​ന്നെ അ​വ​യ്ക്കു​ള്ള തീ​റ്റ എ​ങ്ങ​നെ ക​ണ്ടെ​ത്തു​മെ​ന്നോ എ​ത്ര ജീ​വ​ന​ക്കാ​രെ ഇ​വി​ടെ നി​യ​മി​ക്ക​ണ​മെ​ന്നോ എ​ന്ന​തു സം​ബ​ന്ധി​ച്ച് യാ​തൊ​രു ധാ​ര​ണ​യും ഇ​തു​വ​രെ​യും ഉ​ദ്യോ​ഗ​സ്ഥ​ര്‍​ക്കി​ല്ല.

അ​ന​വ​ധി മീ​റ്റിം​ഗു​ക​ള്‍

കേ​ന്ദ്ര​സ​ഹാ​യം നി​ഷേ​ധി​ക്ക​പ്പെ​ട്ട​തോ​ടെ​യാ​ണ് സി.​എ​ച്ച്.​കു​ഞ്ഞ​മ്പു എം​എ​ല്‍​എ മു​ന്‍​കൈ​യെ​ടു​ത്ത് 2023 മാ​ര്‍​ച്ച് ര​ണ്ടി​ന് മൃ​ഗ​സം​ര​ക്ഷ​ണ​വ​കു​പ്പ് മ​ന്ത്രി ജെ.​ചി​ഞ്ചു​റാ​ണി​യു​ടെ ചേം​ബ​റി​ല്‍ യോ​ഗം ചേ​ര്‍​ന്ന​ത്.

സെ​പ്റ്റം​ബ​റി​ല്‍ പ​ദ്ധ​തി ആ​രം​ഭി​ക്കു​മെ​ന്നാ​ണ് അ​ന്നു മ​ന്ത്രി അ​റി​യി​ച്ച​തെ​ങ്കി​ലും മു​ട​ങ്ങി​യ നി​ര്‍​മാ​ണ​പ്ര​വൃ​ത്തി പു​ന​രാ​രം​ഭി​ക്കാ​ന്‍ പോ​ലും സാ​ധി​ച്ചി​ല്ല. ന​വം​ബ​ര്‍ ഒ​ന്നി​ന് എം​എ​ല്‍​എ​യു​ടെ അ​ധ്യ​ക്ഷ​ത​യി​ല്‍ അ​വ​ലോ​ക​ന​യോ​ഗം ചേ​ര്‍​ന്ന് അ​ഞ്ചു​മാ​സ​ത്തി​നു​ള്ളി​ല്‍ നി​ര്‍​മാ​ണം പൂ​ര്‍​ത്തി​യാ​ക്കാ​ന്‍ ആ​വ​ശ്യ​പ്പെ​ട്ടെ​ങ്കി​ലും ഒ​ന്നും ന​ട​ന്നി​ല്ല.

പി​ന്നീ​ട് ഒ​രു അ​സി.​പ്രോ​ജ​ക്ട് ഓ​ഫീ​സ​ര്‍​ക്ക് സ്‌​പെ​ഷ​ല്‍ ഓ​ഫീ​സ​റു​ടെ അ​ധി​ക​ചു​മ​ത​ല ന​ല്‍​കി മൃ​ഗ​സം​ര​ക്ഷ​ണ​വ​കു​പ്പ് ത​ടി​ത​പ്പു​ക​യാ​യി​രു​ന്നു. ഉ​ള്‍​പ്ര​ദേ​ശ​മാ​യ ക​ല്ല​ളി കു​മ്പ​ളം​പാ​റ​യി​ല്‍ നേ​രി​ട്ട് പോ​യി പ​ദ്ധ​തി​യു​ടെ പു​രോ​ഗ​തി വി​ല​യി​രു​ത്തു​ന്ന​തി​ന് വാ​ഹ​ന​സൗ​ക​ര്യം പോ​ലും ഈ ​ഓ​ഫീ​സ​ര്‍​ക്ക് ഏ​ര്‍​പ്പെ​ടു​ത്താ​ന്‍ വ​കു​പ്പി​ന് ക​ഴി​ഞ്ഞി​ട്ടി​ല്ല.

മാം​സ സം​സ്‌​ക​ര​ണ കോ​ള​ജ്, ഹാ​ച്ച​റി യൂ​ണി​റ്റ് എ​ന്നി​വ പോ​ലെ മൃ​ഗ​സം​ര​ക്ഷ​ണ​വ​കു​പ്പി​ന്‍റെ മ​റ്റൊ​രു വ​മ്പ​ന്‍ പ​ദ്ധ​തി​യാ​ണ് കെ​ടു​കാ​ര്യ​സ്ഥ​ത​യും അ​ല​സ​ത​യും മൂ​ലം എ​ങ്ങു​മെ​ത്താ​തി​രി​ക്കു​ന്ന​ത്.
Copyright @ 2018 , Rashtra Deepika Ltd.