കൊ​ടും​ചൂ​ടി​ൽ വെ​ന്തു​രു​കി ക്ഷീ​ര​മേ​ഖ​ല
Saturday, May 4, 2024 1:20 AM IST
കാ​ഞ്ഞ​ങ്ങാ​ട്: കാ​ർ​ഷി​ക​മേ​ഖ​ല​യി​ൽ പ​ല​വി​ധ പ്ര​ശ്ന​ങ്ങ​ളു​ണ്ടാ​യ​പ്പോ​ഴും ഒ​രു​വി​ധം സ്ഥി​ര​വ​രു​മാ​നം ഉ​റ​പ്പു​വ​രു​ത്തി​യി​രു​ന്ന ക്ഷീ​ര​മേ​ഖ​ല​യു​ടെ താ​ളം​തെ​റ്റി​ത്തു​ട​ങ്ങി‍​യ​ത് കോ​വി​ഡ് കാ​ല​ത്ത് ക്ഷീ​ര​സം​ഘ​ങ്ങ​ൾ പാ​ലെ​ടു​ക്കു​ന്ന​തി​ന്‍റെ അ​ള​വ് കു​റ​ച്ച​പ്പോ​ഴാ​ണ്.

അ​തി​നു​ശേ​ഷം ച​ർ​മ​മു​ഴ പോ​ലു​ള്ള പു​തി​യ രോ​ഗ​ങ്ങ​ളും ഉ​ത്പാ​ദ​ന​ക്കു​റ​വു​മു​ണ്ടാ​യി. കാ​ലി​ത്തീ​റ്റ​യു​ടെ വി​ല​യും അ​നു​ബ​ന്ധ​ച്ചെ​ല​വു​ക​ളും കു​ത്ത​നെ ഉ​യ​ർ​ന്ന​തോ​ടെ ചെ​റു​കി​ട ക്ഷീ​ര​ക​ർ​ഷ​ക​ർ ന​ഷ്ട​ത്തി​ലാ​യി. ഇ​തി​നെ​ല്ലാം പി​ന്നാ​ലെ ഇ​പ്പോ​ൾ കൊ​ടും​ചൂ​ടി​ൽ ക്ഷീ​ര​മേ​ഖ​ല അ​ക്ഷ​രാ​ർ​ത്ഥ​ത്തി​ൽ വെ​ന്തു​രു​കു​ക​യാ​ണ്.

ചൂ​ടു​കാ​ല​ത്ത് പാ​ലു​ത്പാ​ദ​നം കു​റ​യു​ന്ന​ത് മു​ൻ​വ​ർ​ഷ​ങ്ങ​ളി​ലു​മു​ണ്ടാ​യി​രു​ന്നു. പ​ക്ഷേ ചൂ​ട് സ​ഹി​ക്കാ​നാ​കാ​തെ പ​ശു​ക്ക​ൾ ത​ള​ർ​ന്നു​വീ​ഴു​ന്ന​തും മ​ര​ണം ത​ന്നെ സം​ഭ​വി​ക്കു​ന്ന​തും പ​തി​വാ​യ​ത് ഈ ​വ​ർ​ഷ​മാ​ണ്. ആ​യി​ര​ത്തോ​ളം ക്ഷീ​ര​ക​ർ​ഷ​ക​രു​ള്ള കി​നാ​നൂ​ർ-​ക​രി​ന്ത​ളം പ​ഞ്ചാ​യ​ത്തി​ൽ ഇ​തി​ന​കം ര​ണ്ടു പ​ശു​ക്ക​ളാ​ണ് ചൂ​ടി​ൽ ത​ള​ർ​ന്നു​വീ​ണ് ച​ത്ത​ത്.

അ​ത്യു​ത്പാ​ദ​ന ശേ​ഷി​യു​ള്ള വി​ദേ​ശ, ഹൈ​ബ്രി​ഡ് ഇ​ന​ങ്ങ​ൾ​ക്കാ​ണ് ചൂ​ട് തീ​രെ താ​ങ്ങാ​നാ​കാ​ത്ത​ത്. വ​ൻ​കി​ട, ഇ​ട​ത്ത​രം ഫാ​മു​ക​ളി​ൽ ഫാ​നും കൂ​ള​റു​മ​ട​ക്ക​മു​ള്ള സം​വി​ധാ​ന​ങ്ങ​ൾ 24 മ​ണി​ക്കൂ​റും പ്ര​വ​ർ​ത്തി​പ്പി​ച്ചാ​ണ് പ​ശു​ക്ക​ളു​ടെ ശ​രീ​ര താ​പ​നി​ല പി​ടി​ച്ചു​നി​ർ​ത്തു​ന്ന​ത്. ഒ​ന്നോ ര​ണ്ടോ പ​ശു​ക്ക​ൾ മാ​ത്ര​മു​ള്ള ചെ​റു​കി​ട ക​ർ​ഷ​ക​ർ​ക്ക് ഇ​തി​നു ക​ഴി​യാ​ത്ത നി​ല​യാ​ണ്.

തോ​ടു​ക​ളും നീ​ർ​ച്ചാ​ലു​ക​ളു​മെ​ല്ലാം വ​ര​ണ്ടു​കി​ട​ക്കു​ന്ന​തി​നാ​ൽ വെ​ള്ള​വും കി​ട്ടാ​നി​ല്ല. നാ​ടെ​ങ്ങും കു​ടി​വെ​ള്ള​ക്ഷാ​മ​മു​ള്ള​പ്പോ​ൾ ക​ന്നു​കാ​ലി​ക​ൾ​ക്ക് കു​ടി​വെ​ള്ള​മെ​ത്തി​ച്ചു​ന​ല്കാ​ൻ ജി​ല്ല​യി​ലെ ത​ദ്ദേ​ശ​സ്ഥാ​പ​ന​ങ്ങ​ളോ ക്ഷീ​ര​വി​ക​സ​ന വ​കു​പ്പോ പ​ദ്ധ​തി​ക​ളൊ​ന്നും ന​ട​പ്പാ​ക്കി​യി​ട്ടി​ല്ല.്ല ഇ​ട​യ്ക്കി​ടെ ശ​രീ​രം ന​ന​ച്ചു​കൊ​ടു​ക്കാ​നും വെ​ള്ളം വേ​ണം.

ഇ​തി​നെ​ല്ലാം ക​ർ​ഷ​ക​ർ ത​ന്നെ എ​വി​ടെ​നി​ന്നെ​ങ്കി​ലും വെ​ള്ളം ചു​മ​ന്നു കൊ​ണ്ടു​വ​രി​ക​യേ നി​ർ​വാ​ഹ​മു​ള്ളൂ എ​ന്ന നി​ല​യാ​ണ്. മൃ​ഗ​സം​ര​ക്ഷ​ണ, ക്ഷീ​ര​വി​ക​സ​ന വ​കു​പ്പു​ക​ളു​ടെ​യും പ​ഞ്ചാ​യ​ത്തി​ന്‍റെ​യും വി​വി​ധ ക്ഷീ​ര​സം​ഘ​ങ്ങ​ളു​ടെ​യും പ്ര​തി​നി​ധി​ക​ളെ ഉ​ൾ​പ്പെ​ടു​ത്തി യോ​ഗ​വും വി​ളി​ച്ചി​രു​ന്നു.

ക്ഷീ​ര​മേ​ഖ​ല നേ​രി​ടു​ന്ന അ​തീ​വ ഗു​രു​ത​ര​മാ​യ പ്ര​ശ്ന​ത്തി​ൽ സ​ർ​ക്കാ​രും ബ​ന്ധ​പ്പെ​ട്ട വ​കു​പ്പു​ക​ളും ഇ​ട​പെ​ട്ട് ജി​ല്ലാ ഭ​ര​ണ​കൂ​ട​ത്തി​നു കീ​ഴി​ൽ​ത​ന്നെ അ​ടി​യ​ന്തി​ര​മാ​യ ആ​ശ്വാ​സ​ന​ട​പ​ടി​ക​ളു​ണ്ടാ​ക്ക​ണ​മെ​ന്നാ​ണ് ക്ഷീ​ര​ക​ർ​ഷ​ക​രു​ടെ ആ​വ​ശ്യം.
Copyright @ 2018 , Rashtra Deepika Ltd.