മാ​ലി​ന്യം ത​ള്ളി​യ​ത് കാ​മ​റ​യി​ൽ പ​തി​ഞ്ഞു; മാ​ലി​ന്യം വീ​ട്ടി​ലെ​ത്തി​ച്ച് പഞ്ചായത്ത്
Tuesday, April 30, 2024 2:05 AM IST
കോ​ത​മം​ഗ​ലം: ചാ​ക്കി​ൽ കൊ​ണ്ടു​വ​ന്ന് മാ​ലി​ന്യം ത​ള്ളി​യ​വ​രെ കാ​മ​റ​യു​ടെ സ​ഹാ​യ​ത്തോ​ടെ പി​ടി​കൂ​ടി. നി​ക്ഷേ​പി​ച്ച മാ​ലി​ന്യം തി​രി​കെ വീ​ട്ടി​ലെ​ത്തി​ച്ചു. ആ​യ​ക്കാ​ട് മ​രോ​ട്ടി​ച്ചോ​ടി​ന് സ​മീ​പം മി​നി എം​സി​എ​ഫി​ന് സ​മീ​പ​ത്ത് മാ​ലി​ന്യം കു​മി​ഞ്ഞു കൂ​ടി​യ​ത് സം​ബ​ന്ധി​ച്ച് ക​ഴി​ഞ്ഞ ദി​വ​സം ദീ​പി​ക വാ​ർ​ത്ത പ്ര​സി​ദ്ധീ​ക​രി​ച്ചി​രു​ന്നു.

ഇ​തേ തു​ട​ർ​ന്ന് പ​ഞ്ചാ​യ​ത്ത് അ​ധി​കൃ​ത​ർ ഇ​ട​പെ​ടു​ക​യും മാ​ലി​ന്യം നീ​ക്കി ശു​ചീ​ക​ര​ണ പ്ര​വ​ർ​ത്ത​നം ന​ട​ത്തു​ക​യും ചെ​യ്തു. തു​ട​ർ​ന്ന് മാ​ലി​ന്യം ത​ള്ളു​ന്ന​വ​രെ ക​ണ്ടെ​ത്താ​ൻ കാ​മ​റ സ്ഥാ​പി​ച്ചു. മാ​ത്ര​മ​ല്ല മു​ന്ന​റി​യി​പ്പ് ബോ​ർ​ഡ് സ്ഥാ​പി​ക്കു​ക​യും ചെ​യ്തു. ഇ​തി​നു പി​ന്നാ​ലെ​യാ​ണ് വീ​ണ്ടും ഇ​തേ സ്ഥ​ല​ത്ത് മാ​ലി​ന്യം ത​ള്ളി​യ​ത്.

മാ​ലി​ന്യം ത​ള്ളി​യ ര​ണ്ടു​പേ​രു​ടെ ചി​ത്ര​ങ്ങ​ൾ കാ​മ​റ​യി​ൽ പ​തി​ഞ്ഞ​തോ​ടെ ഇ​വ​രെ പ​ഞ്ചാ​യ​ത്ത് അ​ധി​കൃ​ത​ർ തി​രി​ച്ച​റി​യു​ക​യും അ​വ​രു​ടെ വീ​ടു​ക​ളി​ൽ നി​ക്ഷേ​പി​ച്ച മാ​ലി​ന്യം തി​രി​ച്ചെ​ത്തി​ക്കു​ക​യും ചെ​യ്യു​ക​യാ​യി​രു​ന്നു. പ്ര​സി​ഡ​ന്‍റ് ജെ​സി സാ​ജു​വി​ന്‍റെ നേ​തൃ​ത്വ​ത്തി​ലാ​യി​രു​ന്നു ന​ട​പ​ടി. ജീ​വ​ന​ക്കാ​രും ഹ​രി​ത​ക​ർ​മ സേ​നാം​ഗ​ങ്ങ​ളും ഒ​പ്പ​മു​ണ്ടാ​യി​രു​ന്നു.
Copyright @ 2018 , Rashtra Deepika Ltd.