ചന്ദനക്കാംപാറ: ചന്ദനഗിരി സെന്‍റ് ജൂഡ് തീർഥാടന പള്ളിയിൽ തിരുനാളിന് തുടക്കമായി. തിരുനാൾ മേയ് അഞ്ചിന് സമാപിക്കും. ചന്ദനക്കാംപാറ ചെറുപുഷ്പ പള്ളി സഹവികാരി ഫാ. ജോസ് കടലായിൽ കൊടിയേറ്റി. തുടർന്ന് ആഘോഷമായ വിശുദ്ധ കുർബാന, വചന പ്രഘോഷണം, നൊവേന എന്നിവയ്ക്ക് ഫാ. ജിബിൻ വട്ടംകണ്ടം കാർമികത്വം വഹിച്ചു. മേയ് നാലു വരെ എല്ലാ ദിവസവും വൈകുന്നേരം നാലിന് ആഘോഷമായ വിശുദ്ധ കുർബാന, വചന പ്രഘോഷണം, നൊവേന എന്നിവ നടക്കും.
വിവിധ ദിവസങ്ങളിലെ തിരുക്കർമങ്ങൾക്ക് ഫാ. സെബാസ്റ്റ്യൻ മരയ്ക്കാശേരി, ഫാ. ജോസ് കടലായിൽ, ഫാ. വിപിൻ ആനചാരിൽ, ഫാ. ഡെന്നീസ് നെല്ലിത്താനത്ത്, ഫാ. ലിബിൻ എഴുപറ, ഫാ. മാത്യു പൂവശേരിൽ, ഫാ. സെബാസ്റ്റ്യൻ തെക്കേടത്ത്, ഫാ. ലാസർ വരമ്പകത്ത് എന്നിവർ നേതൃത്വം നൽകും.
നാലിന് വൈകുന്നേരം ആറിന് വാദ്യമേളങ്ങളുടെ അകമ്പടിയോടെ ചാപ്പക്കടവ് ടൗണിലേക്ക് ആഘോഷമായ തിരുനാൾ പ്രദക്ഷിണം, 7.30 ന് സമാപനാശീർവാദം. അഞ്ചിന് രാവിലെ 9.30 ന് ആഘോഷമായ വിശുദ്ധ കുർബാന, വചന പ്രഘോഷണം, നൊവേന എന്നിവക്ക് ഫാ. ഷൈജു ജോർജ് താനപ്പനാൽ മുഖ്യകാർമികനാകും. 11.30 ന് സ്നേഹവിരുന്ന്, 12ന് സമാപനാശീർവാദം എന്നിവയോടെ തിരുനാളിന് കൊടിയിറങ്ങും.