Deepika.com Career News :സൗത്ത് ഈസ്റ്റേണ്‍ കോൾ ഫീൽഡ്സിൽ സിർദാർ/ സർവേയർ.......

സൗത്ത് ഈസ്റ്റേണ്‍ കോൾ ഫീൽഡ്സിൽ സിർദാർ/ സർവേയർ

സൗത്ത് ഈസ്റ്റണ്‍ കോൾ ഫീൽഡ്സ് ലിമിറ്റഡിനു കീഴിൽ ഛത്തീസ്ഗഡ്, മധ്യപ്രദേശ് എന്നിവിടങ്ങളിൽ 350 മൈനിംഗ് സിർദാർ, 55 ഡെപ്യൂട്ടി സർവേയർ തസ്തികകളിലേക്ക് അപേക്ഷ ക്ഷണിച്ചു. ഓണ്‍ലൈനായി ഫെബ്രുവരി 23 വരെ അപേക്ഷ സമർപ്പിക്കാം.

യോഗ്യത: മൈനിംഗ് സിർദാർ (ടെക്നിക്കൽ ആൻഡ് സൂപ്പർവൈസറി ഗ്രേഡ് സി) പത്താംക്ലാസ് ജയം/ തത്തുല്യം. ഡിജിഎംഎസ് ധൻബാദ് നൽകുന്ന മൈനിംഗ് സിർദാർഷിപ്പ് സർട്ടിഫിക്കറ്റ് ഓഫ് കോംപീറ്റൻസി, ഫസ്റ്റ് എയ്ഡ് ആൻഡ് ഗ്യാസ് ടെസ്റ്റിംഗ് സർട്ടിഫിക്കറ്റ്.

അല്ലെങ്കിൽ പത്താം ക്ലാസം ജയം/ തത്തുല്യം. മൂന്നു വർഷത്തെ മൈനിംഗ് എൻജിനിയറിംഗ് ഡിപ്ലോമ. ഡിജിഎംഎസ് ധൻബാദ് നൽകുന്ന ഓവർമാൻ സർട്ടിഫിക്കറ്റ് ഓഫ് കോംപീറ്റൻസി, തത്തുല്യം ഗ്യാസ് ടെസ്റ്റിംഗ് സർട്ടിഫിക്കറ്റ്, ഫസ്റ്റ് എയ്ഡ് സർട്ടിഫിക്കറ്റ്.

ഡെപ്യൂട്ടി സർവേയർ (ടെക്നിക്കൽ ആൻഡ് സൂപ്പർവൈസറി ഗ്രേഡ് സി). പത്താംക്ലാസ് ജയം/ തത്തുല്യം. ഡിജിഎംഎസ് നൽകുന്ന സർവേ സർട്ടിഫിക്കറ്റ് ഓഫ് കോംപീറ്റൻസി.
യോഗ്യത സംബന്ധിച്ച കൂടുതൽ വിവരങ്ങൾക്കു വെബ്സൈറ്റ് സന്ദർശിക്കുക.
ശന്പളം: 31,852 രൂപ

പ്രായം: 18- 30 വയസ്. സംവരണ വിഭാഗക്കാർക്ക് ഉയർന്ന പ്രായത്തിൽ ഇളവ് ലഭിക്കും.
ഫീസ്: 1180 രൂപ. പട്ടികവിഭാഗം, വിമുക്തഭടൻമാർ, ഭിന്നശേഷിക്കാർ, സ്ത്രീകൾ, കോൾ ഇന്ത്യയിലെയും സബ്സിഡിയറി കന്പനികളിലെയും ജീവനക്കാർ എന്നിവർക്കു ഫീസില്ല.
വെബ്സൈറ്റ്:www.secl-cil.in