അങ്ങനെ ചങ്ങനാശേരിയും ഹോളിവുഡിലെത്തി. നിരവധി വിദേശ ചിത്രങ്ങൾ മുന്പും ഇന്ത്യയിൽ ചിത്രീകരിച്ചിട്ടുണ്ട്. കോട്ടൺമേരി എന്ന ചിത്രത്തിന്‍റെ നല്ലൊരു ഭാഗവും ചിത്രീകരിച്ചത് കേരളത്തിലായിരുന്നു. വർഷങ്ങൾക്കു ശേഷം കേരളം പശ്ചാത്തലമാകുന്ന ഒരു വിദേശ ചിത്രം റിലീസിനൊരുങ്ങുന്നു.
ഡാൻ ബാരൻ സംവിധാനം ചെയ്ത ബസ്മതി ബ്ലൂസ് എന്ന ചിത്രമാണ് നല്ലൊരു പങ്കും കേരളത്തിൽ ഷൂട്ട് ചെയ്തത്. ചങ്ങനാശേരിയും പരിസരപ്രദേശങ്ങളുമാണ് ചിത്രത്തിന്‍റെ പ്രധാന ലൊക്കേഷൻ. ജനിതക മാറ്റം വരുത്തിയ നെൽവിത്തുമായി ഇന്ത്യയിലെത്തുന്ന ശാസ്ത്രജ്ഞയുടെ കഥയാണ് ബസ്മതി ബ്ലൂസ്. ഓസ്കർ ജേതാവായ ബ്രീ ലാർസൺ ആണ് ചിത്രത്തിൽ ശാസ്ത്രജ്ഞയുടെ വേഷം ചെയ്യുന്നത്. 2013ലാണ് ചിത്രത്തിന്‍റെ ഷൂട്ടിംഗ് ആരംഭിച്ചത്. ഫെബ്രുവരി 9നാണ് ചിത്രത്തിന്‍റെ അമേരിക്കയിലെ റിലീസ്. നിരവധി ഇന്ത്യൻ താരങ്ങളും ബസ്മതി ബ്ലൂസിൽ അഭിനയിക്കുന്നുണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.