മെഗാസ്റ്റാർ മമ്മൂട്ടിയെ നായകനാക്കി വൈശാഖ് ഒരുക്കുന്ന മധുരരാജ വിഷുവിനെത്തും. 2010ൽ റിലീസ് ചെയ്ത സൂപ്പർഹിറ്റ് ചിത്രം പോക്കിരിരാജയുടെ രണ്ടാം ഭാഗമാണ് മധുരരാജ. പുലി മുരുകനു ശേഷം വൈശാഖ് സംവിധാനം ചെയ്യുന്ന ചിത്രത്തിനായി തിരക്കഥ രചിക്കുന്നത് ഉദയകൃഷ്ണയാണ്.
മധുരയിലെ ഗുണ്ടാ നേതാവായ മധുരരാജ എന്ന കഥാപാത്രത്തെയാണ് ചിത്രത്തിൽ മമ്മൂട്ടി അവതരിപ്പിക്കുന്നത്. ചിത്രത്തിന്‍റെ ആദ്യ ഭാഗത്ത് പൃഥ്വിരാജ് ഒരു പ്രധാനകഥാപാത്രത്തെ അവതരിപ്പിച്ചിരുന്നു. എന്നാൽ മധുരരാജയിൽ പൃഥ്വിയുടെ സാന്നിധ്യമില്ല.
തമിഴ് നടൻ ജയ്, സിദ്ധിഖ്, സുരാജ് വെഞ്ഞാറമൂട്, സലീം കുമാർ, അന്നാ രേഷ്മ രാജൻ, അനുശ്രി, ഷംന കാസിം, നെടുമുടി വേണു, ജഗപതി ബാബു, വിജയരാഘവൻ തുടങ്ങിയവർ ചിത്രത്തിൽ മറ്റ് പ്രധാനകഥാപാത്രങ്ങളെ അവതരിപ്പിക്കുന്നു. ബോളിവുഡ് താരം സണ്ണി ലിയോണിയും ചിത്രത്തിലെ ഒരു ഗാനരംഗത്ത് പ്രത്യക്ഷപ്പെടുന്നുണ്ട്.
മലയാളം, തമിഴ്, തെലുങ്ക് ഭാഷകളിൽ റിലീസ് ചെയ്യുന്ന ചിത്രം നിർമിക്കുന്നത് നെൽസണ്‍ ഐപ്പ് സിനിമാസിന്‍റെ ബാനറിൽ നെൽസണ്‍ ഐപ്പാണ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.