അമർ അക്ബർ ആന്‍റണി, കട്ടപ്പനയിലെ ഋത്വിക് റോഷൻ എന്നീ സുപ്പർഹിറ്റ് ചിത്രങ്ങൾക്കു ശേഷം നാദിർഷ സംവിധാനം ചെയ്യുന്ന മേരാ നാം ഷാജി റിലീസിനു തയാറാകുന്നു. ആസിഫ് അലി, ബിജു മേനോൻ, ബൈജു എന്നിവർ ഷാജി എന്ന കഥാപാത്രങ്ങളായി എത്തുന്ന ചിത്രം ഒരു കോമഡി ഫാമിലി എന്‍റർടെയ്നറായാണ് ഒരുക്കിയിരിക്കുന്നത്. ദിലീഷ് പൊന്നൻ, ഷാനി ഖാദർ എന്നിവരുടെ കഥയ്ക്കു ദിലീഷ് പൊന്നൻ തിരക്കഥ ഒരുക്കുന്നു.
കേരളത്തിന്‍റെ വിവിധ ഇടങ്ങളിലുള്ള മൂന്നു ഷാജിമാർ കൊച്ചിയിൽ ഒത്തു ചേരുന്പോഴുള്ള സംഭവങ്ങൾ നർമ്മത്തിൽ അവതരിപ്പിച്ചിരിക്കുകയാണ് ചിത്രത്തിൽ. നിഖില വിമൽ നായികയാകുന്ന ചിത്രത്തിൽ ശ്രീനിവാസൻ, ടിനി ടോം, ഗണേഷ് കുമാർ, ധർമ്മജൻ, രഞ്ജിനി ഹരിദാസ്, ജി സുരേഷ് കുമാർ തുടങ്ങിയ വലിയ താരനിരയും ഒപ്പമെത്തുന്നു.
സന്തോഷ് വർമമയുടെ ഗാനങ്ങൾക്ക് എമിൽ മുഹമ്മദ് സംഗീതം പകരുന്നു. വിനോദ് ഇല്ലംപള്ളി ഛായാഗ്രഹണവും ജോൺ കുട്ടി എഡിറ്റിംഗും നിർവഹിക്കുന്നു. യൂണിവേഴ്സൽ സിനിമാസിന്‍റെ ബാനറിൽ ബി.രാകേഷാണ് ചിത്രം നിർമിക്കുന്നത്. ഉർവശി തിയറ്റേഴ്സ് ചിത്രം തിയറ്ററിലെത്തിക്കുന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.