ആലപ്പുഴ: മുൻ കെപിസിസി പ്രസിഡന്റും മുതിർന്ന നേതാവുമായ വി.എം. സുധീരനെ കടുത്ത ഭാഷയിൽ വിമർശിച്ച് എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ. വി.എം. സുധീരൻ തന്നെ നിരന്തരം വേട്ടയാടുകയാണെന്നും അദ്ദേഹം കട്ടപ്പുറത്തിരിക്കുന്ന ഓടാത്ത വണ്ടിയാണെന്നും വെള്ളാപ്പള്ളി പരിഹസിച്ചു.
കഴിഞ്ഞ 30 കൊല്ലമായി സാക്ഷാൽ വി.എം. സുധീരൻ തന്നെ വ്യക്തിപരമായി വേട്ടയാടിക്കൊണ്ടിരിക്കുകയാണെന്ന് വെള്ളാപ്പള്ളി നടേശൻ ആരോപിച്ചു. സുധീരനെ ആലപ്പുഴയുടെ രാഷ്ട്രീയ മണ്ഡലത്തിൽ നിന്നും കെട്ടുകെട്ടിച്ചതിൽ തനിക്ക് പങ്കുണ്ടെന്നും അതിന്റെ വൈരാഗ്യമാണ് ഇപ്പോൾ തീർക്കുന്നതെന്നും വെള്ളാപ്പള്ളി തുറന്നടിച്ചു.
അന്ന് കട്ടപ്പുറത്ത് കയറിയ സുധീരൻ ഇപ്പോഴും അവിടെത്തന്നെ ഇരിക്കുകയാണെന്നും അദ്ദേഹം പരിഹാസരൂപേണ കൂട്ടിച്ചേർത്തു.
Tags : Vellappally Natesan SNDP V.M. Sudheeran Congress leader KPCC