വി​ഴി​ഞ്ഞം : ശ​ക്ത​മാ​യ മ​ഴ​യി​ൽ പ​ഞ്ചാ​യ​ത്ത് കി​ണ​ർ ഇ​ടി​ഞ്ഞു താ ഴ്ന്നു. ഇതോടെ നൂറുക​ണ​ക്കി​നു പേ​രു​ടെ കു​ടി​വെ​ള്ള​വും മു​ട്ടി.​

ഏ​റെ ജ​ന​ത്തി​ര​ക്കു​ള്ള വെ​ങ്ങാ​നൂ​ർ ജം​ഗ​്ഷ​നി​ൽ വെ​ങ്ങാ​നൂ​ർ പ​ഞ്ചാ​യ​ത്ത് നി​ർ​മി​ച്ച പ​ത്ത​ടി​യോ​ളം വീ​തി​യും അ​ൻ​പ​ത​ടി​യോ​ളം താ​ഴ്ച​യു​മു​ള്ള കി​ണ​റാ​ണ് ഇ​ന്ന​ലെ പു​ല​ർ​ച്ചെ​യോ​ടെ​ ഇ​ടി​ഞ്ഞു താ​ഴ്ന്നത്. കൈ​വ​രി​ക​ളും തൂ​ണു​ക​ളും പു​റ​ത്തി​ട്ടി​രു​ന്ന ഇ​രു​മ്പ് മു​ടി​യും എ​ല്ലാം ഉ​ള്ളി​ലാ​യ​തോ​ടെ വെ​ള്ള​വും ഉ​പയോ​ഗ ശൂ​ന്യ​മാ​യി. ഇ​വി​ടെനി​ന്നു പന്പു ചെ​യ്യു​ന്ന വെ​ള്ളം തൊ​ട്ട​ടു​ത്ത ടാ​ങ്കി​ൽ നി​റ​ച്ചിരുന്നതും വി​ത​ര​ണം ചെയ്തിരുന്നു. കി​ണ​ർ ഇ​ടി​ഞ്ഞു താഴ്ന്നതോടെ പ​മ്പിം​ഗും ഇ​ല്ലാ​താ​യി. സ​മീ​പ​ത്തു നി​ര​വ​ധി ക​ച്ച​വ​ട സ്ഥാ​പ​ന​ങ്ങ​ൾ ഉ​ള്ള​തി​നാ​ൽ ആ​ൾ​ക്കാ​ർ അ​ടു​ക്കാ​തി​രി​ക്കാ​ൻ വി​ഴി​ഞ്ഞ​ത്തുനി​ന്നു ഫ​യ​ർ​ഫോ​ഴ്സ് അ​ധി​കൃ​ത​രെത്തി ക​യ​ർ കെ​ട്ടി​ത്തി​രി​ച്ച് അ​പ​ക​ട മു​ന്ന​റി​യി​പ്പ് ബോ​ർ​ഡും സ്ഥാ​പി​ച്ചു.

ദി​നം​പ്ര​തി നൂ​റു ക​ണ​ക്കി​നു വാ​ഹ​ന​ങ്ങ​ൾ ക​ട​ന്നു​പോ​കു​ന്ന വി​ഴി​ഞ്ഞം -പ​ള്ളി​ച്ച​ൽ റോ​ഡി​ൽ നി​ന്ന് ക​ഷ്ടി​ച്ച് ര​ണ്ടു മീ​റ്റ​ർ മാ​റി​യാ​ണ് കി​ണ​റി​ന്‍റെ സ്ഥാ​നം. കി​ണ​ർ ഇ​ടി​ഞ്ഞ​തോ​ടെ തൊ​ട്ട​ടു​ത്ത വാ​ട്ട​ർ ടാ​ങ്കും അ​പ​ക​ടാ​വ​സ്ഥ​യി​ലാ​യി. ശ​ക്ത​മാ​യ മ​ഴ​യും റോ​ഡി​ലൂ​ടെ ഓ​ടു​ന്ന വാ​ഹ​ന​ങ്ങ​ളു​ടെ കു​ലു​ക്ക​വും കൂ​ടി​യാ​ൽ കി​ണ​ർ കൂ​ടു​ത​ൽ വി​സ്താ​ര​ത്തി​ൽ ഇ​ടി​യാ​ൻ സാ​ധ്യ​ത​യു​ണ്ടെ​ന്നും അ​ധി​കൃ​ത​ർ പ​റ​യു​ന്നു. ഇതു ഗതാഗത്തെയും ബാധിച്ചേക്കും.