ഇ​ഴ​യു​ന്ന പ​ദ്ധ​തി​ക​ൾ
Saturday, June 10, 2023 1:00 AM IST
ജി​ജേ​ഷ് ചാ​വ​ശേ​രി
കണ്ണൂർ വി​മാ​ന​ത്താ​വ​ള​ത്തി​ലെ പ​ല വി​ക​സ​ന​പ​ദ്ധ​തി​ക​ളും ഇ​പ്പോ​ഴും ഇ​ഴ​യു​ക​യാ​ണ്. അ​ന്താ​രാ​ഷ്‌​ട്ര കാ​ർ​ഗോ കോം​പ്ല​ക്സി​ന്‍റെ​യും കി​യാ​ൽ ഓ​ഫീ​സ് അ​ഡ്മി​നി​സ്‌​ട്രേ​ഷ​ൻ ബ്ലോ​ക്കി​ന്‍റെ​യും നി​ർ​മാ​ണം നാ​ല് വ​ർ​ഷം ക​ഴി​ഞ്ഞി​ട്ടും പൂ​ർ​ത്തി​യാ​യി​ല്ല. എ​യ​ർ ട്രാ​ഫി​ക് ക​ൺ​ട്രോ​ൾ കെ​ട്ടി​ട​ത്തി​ന് സ​മീ​പ​ത്ത് 5800 ച​തു​ര​ശ്ര മീ​റ്റ​ർ വി​സ്തീ​ർ​ണ​ത്തി​ലാ​ണ് കാ​ർ​ഗോ കോം​പ്ല​ക്സ് നി​ർ​മി​ക്കു​ന്ന​ത്.
പാ​സ​ഞ്ച​ർ ടെ​ർ​മി​ന​ൽ കെ​ട്ടി​ട​ത്തി​ന് മു​ന്നി​ലാ​യാ​ണ് 3085 ച​തു​ര​ശ്ര മീ​റ്റ​റി​ൽ കി​യാ​ൽ ഓ​ഫീ​സി​നാ​യി നാ​ലു​നി​ല കെ​ട്ടി​ട നി​ർ​മാ​ണം. 2019 ലാ​ണ് അ​ന്ന​ത്തെ ആ​രോ​ഗ്യ​മ​ന്ത്രി കെ. ​കെ.​ശൈ​ല​ജ കാ​ർ​ഗോ കോം​പ്ല​ക്സി​ന്‍റെ​യും വ്യ​വ​സാ​യ​മ​ന്ത്രി ഇ.​പി. ജ​യ​രാ​ജ​ൻ അ​ഡ്മി​നി​സ്‌​ട്രേ​ഷ​ൻ ബ്ലോ​ക്കി​ന്‍റെ​യും നി​ർ​മാ​ണം ഉ​ദ്ഘാ​ട​നം ചെ​യ്ത​ത്. ദീ​ർ​ഘ​കാ​ല വി​ക​സ​ന സാ​ധ്യ​ത ക​ണ​ക്കി​ലെ​ടു​ത്താ​യി​രു​ന്നു 63,000 ട​ൺ ശേ​ഷി​യു​ള്ള കാ​ർ​ഗോ കോം​പ്ല​ക്‌​സി​ന്‍റെ നി​ർ​മാ​ണം.
ക​ണ്ണൂ​ർ, കാ​സ​ർ​ഗോ​ഡ്, കു​ട​ക് ജി​ല്ല​ക​ളി​ൽ നി​ന്നും വ​ട​ക​ര മേ​ഖ​ല​യി​ൽ നി​ന്നു​മാ​ണ് കാ​ർ​ഗോ വ​ഴി കാ​ർ​ഷി​കോ​ത്പ​ന്ന​ങ്ങ​ളു​ടെ ക​യ​റ്റു​മ​തി​ക്ക് സാ​ധ്യ​ത​യു​ള്ള​ത്. പ​ഴം, പ​ച്ച​ക്ക​റി ഉ​ൾ​പ്പെ​ടെ​യാ​ണ് ക​യ​റ്റി​റ​ക്കു​ണ്ടാ​കു​ക. ഭ​ക്ഷ്യ​വ​സ്തു​ക്ക​ൾ ഉ​ൾ​പ്പ​ടെ​യു​ള്ള​വ കേ​ടു​കൂ​ടാ​തെ സൂ​ക്ഷി​ക്കാ​നും ക​യ​റ്റി അ​യ​യ്ക്കാ​നും കോ​ൾ​ഡ് സ്‌​റ്റോ​റേ​ജ് ഉ​ൾ​പ്പ​ടെ അ​ത്യാ​ധു​നി​ക സൗ​ക​ര്യ​ങ്ങ​ളോ​ടെ​യാ​ണ് കാ​ർ​ഗോ കോം​പ്ല​ക്‌​സ് ഒ​രു​ങ്ങു​ന്ന​ത്.​ആ​ഭ്യ​ന്ത​ര ക​യ​റ്റു​മ​തി-​ഇ​റ​ക്കു​മ​തി​ക്കാ​യു​ള്ള പ്ര​ത്യേ​ക വി​ഭാ​ഗ​വും കോം​പ്ല​ക്‌​സി​ലു​ണ്ടാ​കും. കാ​ർ​ഗോ കോം​പ്ല​ക്സ് നി​ർ​മാ​ണം പൂ​ർ​ത്തി​യാ​യാ​ലും വി​ദേ​ശ വി​മാ​ന​ങ്ങ​ൾ സ​ർ​വീ​സ് തു​ട​ങ്ങി​യാ​ലേ കൂ​ടു​ത​ൽ ക​യ​റ്റു​മ​തി​ക്ക് സാ​ധ്യ​ത​യു​ണ്ടാ​കൂ.
കാ​ർ​ഗോ കോം​പ്ല​ക്സ് കെ​ട്ടി​ട​ത്തി​ന്‍റെ നി​ർ​മാ​ണ പ്ര​വൃ​ത്തി അ​വ​സാ​ന ഘ​ട്ട​ത്തി​ലെ​ത്തി​യ​തി​നാ​ൽ ഇ​വി​ടെ​യാ​ണ് ഹ​ജ്ജ് ക്യാ​മ്പ് ആ​രം​ഭി​ച്ച​ത്. ഹ​ജ്ജി​ന് പോ​കാ​നെ​ത്തു​ന്ന​വ​ർ​ക്ക് കാ​ർ​ഗോ കോം​പ്ല​ക്സി​ലാ​ണ് സൗ​ക​ര്യം ഒ​രു​ക്കി​യ​ത്.
5800 ച​തു​ര​ശ്ര മീ​റ്റ​ർ വി​സ്തൃ​തി​യി​ൽ നി​ർ​മി​ക്കു​ന്ന കാ​ർ​ഗോ കോം​പ്ല​ക്‌​സ് പൂ​ർ​ത്തി​യാ​കു​ന്ന​തോ​ടെ മ​ല​ബാ​റി​ലെ വാ​ണി​ജ്യ​കേ​ന്ദ്ര​മെ​ന്ന നി​ല​യി​ൽ ഉ​യ​രാ​ൻ ക​ണ്ണൂ​രി​ന് ക​ഴി​യു​മെ​ന്നാ​ണ് പ്ര​തീ​ക്ഷ. കാ​ർ​ഗോ കോം​പ്ല​ക്‌​സ് യാ​ഥാ​ർ​ഥ്യ​മാ​കു​ന്ന​തോ​ടൊ​പ്പം വി​ദേ​ശ വി​മാ​ന​ങ്ങ​ൾ​ക്ക് സ​ർ​വീ​സി​നു​ള്ള അ​നു​മ​തി കൂ​ടി ല​ഭി​ച്ചാ​ൽ വി​മാ​ന​ത്താ​വ​ള​ത്തി​ന്‍റെ വ​ള​ർ​ച്ച​യ്ക്കും വ​രു​മാ​ന വ​ർ​ധ​ന​വി​നും സ​ഹാ​യ​ക​മാ​കും.
കാ​ർ​ഗോ കൈ​കാ​ര്യം ചെ​യ്യു​ന്ന​തി​ന് താ​ത്കാ​ലി​ക സ​ജ്ജീ​ക​ര​ണ​ങ്ങ​ൾ നേ​ര​ത്തെ ഒ​രു​ക്കി​യി​രു​ന്നു. കാ​ർ​ഗോ കോം​പ്ല​ക്‌​സി​ന്‍റെ ആ​ദ്യ​ഘ​ട്ട​മെ​ന്ന നി​ല​യി​ൽ 1200 ച​തു​ര​ശ്ര മീ​റ്റ​ർ വി​സ്തൃ​തി​യു​ള്ള കെ​ട്ടി​ട​മാ​ണ് നി​ർ​മി​ച്ച​ത്. തു​ട​ക്ക​ത്തി​ൽ അ​ന്താ​രാ​ഷ്‌​ട്ര, ആ​ഭ്യ​ന്ത​ര ച​ര​ക്കു​ക​ൾ ഇ​വി​ടെ ഒ​ന്നി​ച്ചാ​ണ് കൈ​കാ​ര്യം ചെ​യ്യു​ന്ന​ത്. അ​ന്താ​രാ​ഷ്‌​ട്ര കാ​ർ​ഗോ കോം​പ്ല​ക്‌​സി​ന്‍റെ നി​ർ​മാ​ണം പൂ​ർ​ത്തി​യാ​കു​ന്ന​തോ​ടെ ഇ​ത് ആ​ഭ്യ​ന്ത​ര കാ​ർ​ഗോ കോം​പ്ല​ക്‌​സാ​ക്കി നി​ല​നി​ർ​ത്തും.
കി​യാ​ലി​ന്‍റെ ആ​സ്ഥാ​ന മ​ന്ദി​രം, സി​ഐ​എ​സ്എ​ഫ് ബാ​ര​ക്ക്, കാ​ർ​ഗോ കോം​പ്ല​ക്‌​സ് എ​ന്നി​വ ഉ​ൾ​പ്പ​ടെ 117 കോ​ടി രൂ​പ​യ്ക്കാ​ണ് ടെ​ൻ​ഡ​ർ ന​ൽ​കി​യി​രു​ന്ന​ത്. മോ​ണ്ടി കാ​ർ​ലോ ക​മ്പ​നി​യാ​ണ് പ്ര​വൃ​ത്തി ഏ​റ്റെ​ടു​ത്തു ന​ട​ത്തു​ന്ന​ത്. നി​ല​വി​ൽ ടെ​ർ​മി​ന​ൽ കെ​ട്ടി​ട​ത്തി​ൽ പ്ര​വ​ർ​ത്തി​ക്കു​ന്ന കി​യാ​ൽ ഓ​ഫീ​സ് അ​ഡ്മി​നി​സ്‌​ട്രേ​ഷ​ൻ ബ്ലോ​ക്ക് പൂ​ർ​ത്തി​യാ​കു​ന്ന​തോ​ടെ ഇ​വി​ടേ​ക്ക് മാ​റ്റും. വി​വി​ധ ഏ​ജ​ൻ​സി​ക​ൾ​ക്കു​ള്ള ഓ​ഫീ​സ് സൗ​ക​ര്യ​വും ഇ​വി​ടെ​യു​ണ്ടാ​കും.
ച​ര​ക്ക് നീ​ക്ക​വും
കു​റ​ഞ്ഞു
വി​മാ​ന​ങ്ങ​ളു​ടെ സ​ർ​വീ​സ് കു​റ​ഞ്ഞ​തോ​ടെ ച​ര​ക്ക് നീ​ക്ക​വും കു​റ​ഞ്ഞു. ക​ഴി​ഞ്ഞ മാ​സം 62 ട​ണ്ണാ​ണ് കു​റ​വു​ണ്ടാ​യ​ത്. അ​ന്താ​രാ​ഷ്‌​ട്ര കാ​ർ​ഗോ കോം​പ്ല​ക്‌​സ് പ്ര​വ​ർ​ത്ത​നം തു​ട​ങ്ങി ഒ​രു മാ​സ​ത്തി​നി​ടെ ക​ണ്ണൂ​ർ രാ​ജ്യാ​ന്ത​ര വി​മാ​ന​ത്താ​വ​ള​ത്തി​ൽ നി​ന്ന് 221 ട​ൺ ച​ര​ക്ക് ക​യ​റ്റി അ​യ​ച്ചി​രു​ന്നു.
ക​ഴി​ഞ്ഞ ഏ​പ്രി​ലി​ൽ 336 ട​ൺ ച​ര​ക്ക് ക​യ​റ്റി അ​യ​ച്ചി​രു​ന്നു​വെ​ങ്കി​ലും മേ​യി​ൽ 274 ട​ണ്ണാ​യി കു​റ​ഞ്ഞു. 62 ട​ണ്ണാ​ണ് കു​റ​വു​ണ്ടാ​യ​ത്. പ​ഴ​ങ്ങ​ളും പ​ച്ച​ക്ക​റി​ക​ളു​മ​ട​ക്ക​മാ​ണ് ക​യ​റ്റു​മ​തി ചെ​യ്ത​ത്. ദോ​ഹ, ഷാ​ർ​ജ, ദു​ബാ​യ്, മ​സ്‌​ക്ക​റ്റ്, കു​വൈ​റ്റ് തു​ട​ങ്ങി​യ വി​മാ​ന​ത്താ​വ​ള​ങ്ങ​ളി​ലേ​ക്കാ​ണ് ച​ര​ക്കു​ക​ൾ കൂ​ടു​ത​ലാ​യും ക​യ​റ്റി അ​യ​ച്ച​ത്.
കാ​ർ​ഗോ സ​ർ​വീ​സ് തു​ട​ങ്ങി​യ സാ​ഹ​ച​ര്യ​ത്തി​ൽ ച​ര​ക്കു​വി​മാ​ന​ങ്ങ​ളെ ക​ണ്ണൂ​രി​ലെ​ത്തി​ക്കാ​നു​ള്ള നീ​ക്ക​വും കി​യാ​ൽ ന​ട​ത്തി​യി​രു​ന്നു. മ​ല​ബാ​ർ മേ​ഖ​ല​യു​ടെ വ്യ​വ​സാ​യ വ​ള​ർ​ച്ച​യ്ക്ക് ക​യ​റ്റു​മ​തി നി​ർ​ണാ​യ​ക ഘ​ട​ക​മാ​ണ്. ഒ​രു മാ​സം ഗോ ​ഫ​സ്റ്റ് ന​ട​ത്തി​യി​രു​ന്ന 240 സ​ർ​വീ​സ് നി​ർ​ത്തി​യ​താ​ണ് ച​ര​ക്ക് നീ​ക്ക​ത്തെ​യും ബാ​ധി​ച്ച​ത്.

Copyright @ 2022 , Rashtra Deepika Ltd.