ശാന്തിഗിരി ആശ്രമം കൊട്ടാരക്കര ശാഖാവാർഷികം നടന്നു
1536669
Wednesday, March 26, 2025 6:34 AM IST
കൊട്ടാരക്കര: ശാന്തിഗിരി ആശ്രമത്തിന്റെ കൊട്ടാരക്കര ശാഖയുടെ 11-ാം വാർഷികാഘോഷങ്ങങ്ങളുടെ ഭാഗമായി നടന്ന വാർഷിക സമ്മേളനം ആശ്രമം ജനറൽ സെക്രട്ടറി സ്വാമി ഗുരുരത്നം ജ്ഞാന തപസ്വി ഉദ്ഘാടനം ചെയ്തു. കൊട്ടാരക്കര നഗരസഭ ചെയർമാൻ അഡ്വ.കെ.ഉണ്ണികൃഷ്ണൻ മേനോൻ അധ്യക്ഷത വഹിച്ചു.
ചടങ്ങിൽ വിവിധ മേഖലകളിൽ മികവ് തെളിയിച്ച വിദ്യാർഥികൾക്കുള്ള പുരസ്കാരം വെട്ടിക്കവല ബ്ലോക്ക്പഞ്ചായത്ത് പ്രസിഡന്റ് എസ്.രഞ്ജിത്ത് വിതരണം ചെയ്തു. ദേവിവിലാസം ഹൈന്ദവ സംഘടന പ്രസിഡന്റ് വി.സുരേഷ് കുമാർ, പ്ലാമൂട് ജമാഅത്ത് പ്രസിഡന്റ് സുബൈർ മുസലിയാർ തുട ങ്ങിയവർ പ്രസംഗിച്ചു.
വികാരി തങ്കച്ചൻ ജോർജ്, ശാന്തിഗിരി ആശ്രമം കൊട്ടാരക്കര ശാഖ ഇൻ-ചാർജ് സ്വാമി നിത്യചൈതന്യൻ, ആശ്രമം ഉപദേശക സമിതി ഹെൽത്ത് കെയർ പേട്രൺ ഡോ.കെ.വി.വിശ്വംഭരൻ, ഫിനാൻസ് അഡ്വൈസർ കെ.രമണൻ , മുൻ പഞ്ചായത്തംഗം കെ.വി. സന്തോഷ് ബാബു എന്നിവർ പ്രസംഗിച്ചു.