വി​ഴി​ഞ്ഞം: പൊ​തു​ജ​നാ​ഭി​പ്രാ​യ​ രൂ​പീ​ക​ര​ണ​മോ ച​ർ​ച്ച​യോ നടത്തി ജ​ന​ങ്ങ​ളു​ടെ ആ​ശ​ങ്ക പ​രി​ഹ​രി​ക്കാ​ൻ വിഴിഞ്ഞം പോർട്ട് അ​ധി​കൃ​ത​ർ ത​യാ​റാ​യി​ല്ലെ​ന്ന് ആ​ക്ഷേ​പം.​ വി​ഴി​ഞ്ഞം തു​റ​മു​ഖ​ത്തേ​ക്കു​ള്ള റെ​യി​ൽ ക​ണ​ക്‌​ടി​വി​റ്റി (തു​ര​ങ്ക​പാ​ത)യു​ടെ അ​ലൈ​ൻ​മെ​ന്‍റ് മാ​റ്റ​ണ​മെ​ന്നാ​വ​ശ്യ​പ്പെ​ട്ട് വി​ഴി​ഞ്ഞം ഇ​ട​വ​ക രംഗത്ത്.

കേ​ര​ള​ത്തി​ന്‍റെ വി​ക​സ​ന സ്വ​പ്ന​മാ​യ തു​റ​മു​ഖം യാ​ഥാ​ർഥ്യ​മാ​ക​ണ​മെന്നു തു​ട​ക്കം മു​ത​ൽ ഒ​റ്റ​കെ​ട്ടാ​യി ആ​ഗ്ര​ഹി​ച്ച വി​ഴി​ഞ്ഞ​ത്തുകാ​രാ​ണു റെ​യി​ൽ​വേ​യു​ടെ കാ​ര്യ​ത്തി​ൽ ആ​ശ​ങ്ക​യി​ലാ​യ​ത്. തു​റ​മു​ഖ നി​ർ​മാ​ണ​ത്തി​നു മു​ൻ​പ് പ​ദ്ധ​തി​യെ​ക്കു​റി​ച്ച് ജ​ന​ങ്ങ​ളെ ബോ​ധ്യ​പ്പെ​ടു​ത്താ​ൻ അ​ധി​കൃ​ത​ർ കാ​ണി​ച്ച ആ​ത്മാ​ർ​ഥ​ത റെ​യി​ൽ​വേ​യു​ടെ കാ​ര്യ​ത്തി​ൽ ഇ​ല്ലാ​തെ പോ​യ​തും പോ​രാ​യ്മ​യാ​യി ചൂ​ണ്ടി​ക്കാ​ണി​ക്ക​പ്പെ​ടു​ന്നു.

തു​ര​ങ്ക പാ​ത​ക്കാ​യി നാ​ലു സ്ഥ​ല​ത്തുകൂ​ടി ബ​ന്ധപ്പെ​ട്ട ഏ​ജ​ൻ​സി​ക​ൾ​ സ​ർ​വ്വേ​ന​ട​ത്തി​യി​രു​ന്നു. ഇ​തി​ൽ ജ​ന​ങ്ങ​ളെ കൂ​ടു​ത​ൽ ഒ​ഴി​പ്പി​ക്കാ​തെ​യും ന​ഷ്ടം കു​റ​ച്ചും ലാ​ഭ​ക​ര​മാ​യ മേ​ഖ​ല​യാ​ണ് തെ​ര​ഞ്ഞെ​ടു​ത്ത​തെ​ന്ന് അ​ധി​കൃ​ത​ർ പ​റ​യു​മ്പോ​ൾ ഒ​രു ഇ​ട​വ​ക​യെ കീ​റി​മു​റി​ക്കു​ന്ന​തും നൂ​റുക​ണ​ക്കി​നു കു​ടും​ബ​ങ്ങ​ളെ ബാ​ധി​ക്കു​ന്ന​തു​മാ​ണ് പു​തി​യ തീ​രു​മാ​ന​മെ​ന്ന് ഇ​ട​വ​ക ഭാ​ര​വാ​ഹി​ക​ൾ വാ​ദി​ക്കു​ന്നു.​

ഇ​തു സം​ബ​ന്ധി​ച്ച് മു​ഖ്യ​മ​ന്ത്രി​ക്കും ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ർ​ക്കും ഇ​ട​വ​ക ക​ഴി​ഞ്ഞ വ​ർ​ഷം ഡി​സം​ബ​റി​ൽ നി​വേ​ദ​നം ന​ൽ​കി​യെ​ങ്കി​ലും ച​ർ​ച്ച​യോ തീ​രു​മാ​ന​മോ ഉ​ണ്ടാ​യി​ല്ല. മു​പ്പ​തി​നാ​യി​ര​ത്തി​ലേ​റെ ജ​ന​ങ്ങ​ൾ തി​ങ്ങി​പ്പാ​ർ​ക്കു​ന്ന വി​ഴി​ഞ്ഞം കോ​ട്ട​പ്പു​റം പ്ര​ദേ​ശ​ത്ത് തൊ​ഴി​ൽ ചെ​യ്യാ​ൻ ആ​കെ അ​വ​ശേ​ഷി​ക്കു​ന്ന​തു വ​ലി​യ ക​ട​പ്പു​റം മാ​ത്ര​മാ​ണ്.

നി​ല​വി​ൽ ഇ​വി​ടെ കൂ​ടി തു​ര​ങ്ക പാ​ത നി​ർ​മിക്കാ​നാ​ണ് തീ​രു​മാ​ന​മെ​ന്നാ​ണു വി​വ​രം.​ റെ​യി​ൽ തു​ര​ങ്ക​പാ​ത ഈ ​ക​ട​പ്പു​റ​ത്തു​കൂ​ടെ വ​രു​മ്പോ​ൾ തൊ​ട്ട​ടു​ത്ത് സ്ഥി​തി ചെ​യ്യു​ന്ന ച​ർ​ച്ചി​നെ​യും ക​മ്മ്യൂ​ണി​റ്റി ഹാ​ളി​നെ​യും മൂ​വാ​യി​ര​ത്തി​ല​ധി​കം വി​ദ്യാ​ർ​ഥി​ക​ൾ പ​ഠി​ക്കു​ന്ന സെ​ന്‍റ് മേ​രീ​സ് എ​ച്ച്എ​സ്എ​സ് സ്‌​കൂ​ളി​നെ​യും സ​മീ​പ​ത്തെ ഭ​വ​ന​ങ്ങ​ളെ​യും യു​വ​ജ​ന​ങ്ങ​ളു​ടെ ക​ളി​സ്ഥ​ല​ത്തെ​യും നേ​രി​ട്ടു ബാ​ധി​ക്കു​മെ​ന്ന് ഇ​ട​വ​ക ക​മ്മി​റ്റി ഭാ​ര​വാ​ഹി​ക​ൾ വ്യക്തമാക്കുന്നു.

ഈ ​പ​ദ്ധ​തി ജ​ന​വാ​സ കേ​ന്ദ്ര​മാ​യ കോ​ട്ട​പ്പു​റം പ്ര​ദേ​ശ​ത്തുനി​ന്നു മ​റ്റു മേ​ഖ​ല​യി​ലേ​ക്ക് മാ​റ്റി രൂ​പക​ല്‌​പ​ന ചെ​യ്യ​ണ​മെ​ന്നാ​വ​ശ്യ​പ്പെ​ട്ടാ​ണ് മു​ഖ്യ മ​ന്ത്രി​ക്കും ബ​ന്ധ​പ്പെ​ട്ട അ​ധി​കാ​രി​ക​ൾ​ക്കും വി​ഴി​ഞ്ഞം ഇ​ട​വ​ക കൗ​ൺ​സി​ൽ നി​വേ​ദ​നം ന​ൽ​കി​യ​ത്. എ​ന്നി​ട്ടും ഈ ​വി​ഷ​യ​വു​മാ​യി ബ​ന്ധ​പ്പെ​ട്ട് യാ​തൊ​രു​വി​ധ ച​ർ​ച്ച​ക​ളോ അ​ഭി​പ്രാ​യ രൂ​പീ​ക​ര​ണ​മോ ന​ട​ത്താ​തെ പ്ലാ​ന​റ്റ് എ​ന്ന സ്വ​കാ​ര്യ ക​മ്പ​നി ഇ​വി​ടെ പ​ഠ​നം ന​ട​ത്താ​നെ​ത്തി​യത്.

ജ​ന​ങ്ങ​ൾ ആ​ശ​ങ്ക രേ​ഖ​പ്പെ​ടു​ത്തി​യ​പ്പോ​ൾ മ​റു​പ​ടി ന​ൽ​കാ​ൻ ക​ഴി​യാ​തെ അ​വ​ർ മ​ട​ങ്ങി​പോ​വു​ക​യാ​യി​രു​ന്നന്നും ഇ​ട​വ​ക ഭാ​ര​വാ​ഹി​ക​ൾ പ​റ​യു​ന്നു. തു​ര​ങ്ക പാ​ത ഈ ​മേ​ഖ​ല​യി​ൽനി​ന്നും മാ​റ്റി നി​ർ​മമിക്കാ​ൻ സ​ർ​ക്കാ​ർ​ ത​ല​ത്തി​ൽ ന​ട​പ​ടി കൈ​ക്കൊ​ള്ളണ​മെ​ന്നാണ് ഇ​ട​വ​ക കൗ​ൺ​സി​ൽ ആ​വ​ശ്യ​പ്പെ​ടു​ന്ന​തെന്ന് ഇ​ട​വ​ക വി​കാ​രി റ​വ. മോ​ൺ. ഡോ.​ ടി. നി​ക്കൊ​ള​സ്,​ ഇ​ട​വ​ക കൗ​ൺ​സി​ൽ സെ​ക്ര​ട്ട​റി ജോ​ൺ ഈ​സാ​ക്ക് എ​ന്നി​വ​ർ ആ​വ​ശ്യ​പ്പെ​ട്ടു.