പ​ത്ത​നം​തി​ട്ട: പേ​വി​ഷ​ത്തി​നെ​തി​രേ​യു​ള്ള പ്ര​തി​രോ​ധ കു​ത്തി​വ​യ്പ് സ്വീ​ക​രി​ച്ച ഭാ​ഗ്യ​ല​ക്ഷ്മി​യു​ടെ (13) മ​ര​ണം നാ​ടി​നെ ഞെ​ട്ടി​ച്ചു. നാ​ലു ഡോ​സ് വാ​ക്സി​നു​ക​ളും കൃ​ത്യ​മാ​യി സ്വീ​ക​രി​ച്ച കു​ട്ടി ക​ഴി​ഞ്ഞ ഏ​പ്രി​ൽ ഒ​ന്പ​തി​നു മ​രി​ച്ച​ത് പേ​വി​ഷ​ബാ​ധ മൂ​ല​മാ​ണെ​ന്ന പ​രി​ശോ​ധ​നാ​ഫ​ലം തി​രു​വ​ന​ന്ത​പു​രം പ​ബ്ലി​ക് ഹെ​ൽ​ത്ത് ലാ​ബി​ൽ നി​ന്നും പു​റ​ത്തു​വ​ന്നു.

നാ​ര​ങ്ങാ​നം മേ​ലേ റാ​ക്കൂ​ടു​ക്ക​യി​ൽ ബി​നോ​ജി - ശി​ൽ​പ ദ​മ്പ​തി​ക​ളു​ടെ മ​ക​ളാ​ണ് ഭാ​ഗ്യ​ല​ക്ഷ്മി. മാ​തൃ​ഗൃ​ഹ​മാ​യ നാ​ര​ങ്ങാ​ന​ത്തു​നി​ന്നാ​ണ് ഭാ​ഗ്യ​ല​ക്ഷ്മി സ്കൂ​ളി​ൽ പൊ​യ്ക്കൊ​ണ്ടി​രു​ന്ന​ത്. അ​ച്ഛ​ന്‍റെ നാ​ട് പു​ല്ലാ​ട്ടാ​ണ്. കൊ​ച്ചി​യി​ലെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യി​ലി​രി​ക്കെ ക​ഴി​ഞ്ഞ ഏ​പ്രി​ൽ ഒ​ന്പ​തി​നാ​ണ് ഭാ​ഗ്യ​ല​ക്ഷ്മി മ​രി​ച്ച​ത്.

കോ​ഴ​ഞ്ചേ​രി​യി​ലെ ജി​ല്ലാ ആ​ശു​പ​ത്രി​യി​ൽ​നി​ന്ന് കു​ത്തി​വ​യ്പ് സ്വീ​ക​രി​ച്ച് മൂ​ന്ന​ര​മാ​സ​ത്തി​നു ശേ​ഷ​മാ​ണ് മ​ര​ണ​മു​ണ്ടാ​യ​ത്. ഡി​സം​ബ​റി​ൽ നാ​ര​ങ്ങാ​ന​ത്ത് ഒ​രു വ​ള​ർ​ത്തു നാ​യ​യാ​ണ് കു​ട്ടി​യെ ക​ടി​ച്ച​ത്. കു​ട്ടി അ​വ​സാ​നം ചി​കി​ത്സ​യി​ൽ ക​ഴി​ഞ്ഞ സ്വ​കാ​ര്യ ആ​ശു​പ​ത്രി​യി​ൽ ശേ​ഖ​രി​ച്ച സാം​പി​ളു​ക​ൾ തി​രു​വ​ന​ന്ത​പു​ര​ത്തെ സ്റ്റേ​റ്റ് പ​ബ്ലി​ക് ഹെ​ൽ​ത്ത് ലാ​ബി​ൽ പ​രി​ശോ​ധി​ച്ച​പ്പോ​ഴാ​ണ് പേ​വി​ഷ​ബാ​ധ സ്ഥി​രീ​ക​രി​ച്ച​ത്.

വി​വ​രം പു​റ​ത്തു​വി​ടാ​തെ ആ​രോ​ഗ്യ​വ​കു​പ്പ്

ഭാ​ഗ്യ​ല​ക്ഷ്മി മ​രി​ച്ച് ഏ​താ​നും ദി​വ​സ​ത്തി​നു ശേ​ഷം ആ​രോ​ഗ്യ വ​കു​പ്പ് അ​ധി​കൃ​ത​ർ​ക്കു വി​വ​രം ല​ഭി​ച്ചെ​ങ്കി​ലും പു​റ​ത്ത​റി​യി​ച്ചി​ല്ല. ബ​ന്ധു​ക്ക​ൾ അ​ന്നു​ത​ന്നെ സം​ശ​യം പ്ര​ക​ട​പ്പി​ച്ചെ​ങ്കി​ലും പ​രി​ശോ​ധ​നാ ഫ​ലം അ​വ​രി​ൽ നി​ന്നും മ​റ​ച്ചു​വ​യ്ക്കു​ക​യാ​യി​രു​ന്നു.

ഡി​സം​ബ​ർ 13ന് ​രാ​വി​ലെ സ്കൂ​ൾ വാ​ഹ​നം കാ​ത്ത് ഭാ​ഗ്യ​ല​ക്ഷ്മി​യും അ​നു​ജ​ത്തി​യും അ​മ്മ വീ​ടാ​യ നാ​ര​ങ്ങാ​ന​ത്ത് റോ​ഡ​രി​കി​ൽ നി​ൽ​ക്കു​ന്ന​തി​നി​ടെ​യാ​ണ് അ​ടു​ത്തു​ള്ള വീ​ട്ടി​ൽ വ​ള​ർ​ത്തു​ന്ന നാ​യ ഇ​വ​രെ ആ​ക്ര​മി​ക്കു​ന്ന​ത്.

ഇ​ള​യ​കു​ട്ടി തൊ​ട്ട​ടു​ത്തു​ള്ള വീ​ട്ടി​ലേ​ക്ക് ഓ​ടി​ക്ക​യ​റി​യ​തി​നാ​ൽ അ​തി​നു ക​ടി​യേ​റ്റി​ല്ല. വി​വ​രം അ​റി​ഞ്ഞ് എ​ത്തി​യ ബ​ന്ധു കു​ട്ടി​യു​ടെ കൈ ​സോ​പ്പി​ട്ടു ക​ഴു​കി​യ ശേ​ഷം ഉ​ട​ൻ ത​ന്നെ കോ​ഴ​ഞ്ചേ​രി ജി​ല്ലാ ആ​ശു​പ​ത്രി​യി​ൽ എ​ത്തി​ച്ചു. തു​ട​ർ​ന്ന് കു​ട്ടി​ക്ക് കൃ​ത്യ​മാ​യി മു​ഴു​വ​ൻ വാ​ക്സി​നേ​ഷ​നും ഇ​വി​ടെനി​ന്നു ന​ൽ​കി. നാ​യ​യു​ടെ ക​ടി​യേ​റ്റ വി​വ​രം കൃ​ത്യ​മാ​യി നാ​ര​ങ്ങാ​നം പ്രാ​ഥ​മി​കാ​രോ​ഗ്യ കേ​ന്ദ്രം അ​ധി​കൃ​ത​രും അ​റി​ഞ്ഞു.

നാ​യ ച​ത്ത​പ്പോ​ഴും അധികൃതർക്കു മൗ​നം

ഭാ​ഗ്യ​ല​ക്ഷ്മി​യെ ക​ടി​ച്ച നാ​യ മൂ​ന്നു​ദി​വ​സം ക​ഴി​ഞ്ഞ് ച​ത്തു. ബ​ന്ധു​ക്ക​ളു​ടെ നി​ർ​ബ​ന്ധ​ത്തെ​ത്തു​ട​ർ​ന്ന് തി​രു​വ​ല്ല​യി​ലെ​ത്തി​ച്ചു പോ​സ്റ്റു​മോ​ർ​ട്ടം ന​ട​ത്തി. നാ​യ​യ്ക്കു പേ​വി​ഷ​ബാ​ധ സ്ഥി​രീ​ക​രി​ച്ച​പ്പോ​ൾ ബ​ന്ധു​ക്ക​ൾ​ക്ക് ആ​ധി​യാ​യി. ഇ​വ​ർ ഇ​ക്കാ​ര്യം ആ​രോ​ഗ്യ​വ​കു​പ്പ് അ​ധി​കൃ​ത​രെ അ​റി​യി​ച്ച​പ്പോ​ഴും മൗ​നം പാ​ലി​ച്ചു.

നാ​ര​ങ്ങാ​നം പ​ഞ്ചാ​യ​ത്തി​ലും ബ​ന്ധു​ക്ക​ൾ പ​രാ​തി ന​ൽ​കി​യി​രു​ന്നു. കു​ട്ടി​യെ ക​ടി​ച്ച നാ​യ​യ്ക്ക് പ്ര​തി​രോ​ധ കു​ത്തി​വ​യ്പെ​ടു​ത്തി​രു​ന്നി​ല്ല. ഇ​ക്കാ​ര്യ​ങ്ങ​ൾ ചൂ​ണ്ടി​ക്കാ​ട്ടി കു​ട്ടി​യു​ടെ അ​മ്മ പ​രാ​തി ന​ൽ​കു​ക​യും ചെ​യ്ത​താ​ണ്. എ​ന്നാ​ൽ, വ​ള​ർ​ത്തു​നാ​യ​യു​ടെ ഉ​ട​മ​യെ സം​ര​ക്ഷി​ക്കു​ന്ന നി​ല​പാ​ടാ​ണ് ചി​ല ജ​ന​പ്ര​തി​നി​ധി​ക​ള​ട​ക്കം സ്വീ​ക​രി​ച്ച​തെ​ന്നാ​ണ് ആ​ക്ഷേ​പം.

ആ​രോ​ഗ്യ പ്ര​ശ്ന​ങ്ങ​ൾ ഉ​ണ്ടാ​യ​ത് ഏ​പ്രി​ലി​ൽ

വാ​ക്സി​നേ​ഷ​നു​ക​ൾ പൂ​ർ‌​ത്തീ​ക​രി​ച്ചെ​ങ്കി​ലും ഏ​പ്രി​ൽ ഒ​ന്നി​നു രാ​ത്രി​യി​ലാ​ണ് ഭാ​ഗ്യ​ല​ക്ഷ്മി​ക്ക് പ​നി​യു​ടെ ല​ക്ഷ​ണ​ങ്ങ​ളു​ണ്ടാ​യ​ത്. പ്ര​തി​രോ​ധ കു​ത്തി​വ​യ്‌​പെ​ടു​ത്ത ജി​ല്ലാ ആ​ശു​പ​ത്രി​യി​ൽ ര​ണ്ടി​നു ത​ന്നെ പ്ര​വേ​ശി​പ്പി​ച്ചു.​അ​ന്നു രാ​ത്രി ഒ​ന്ന​ര​യോ​ടെ അ​വ​ശ​യാ​യ ഭാ​ഗ്യ​ല​ക്ഷ്മി​യെ കോ​ഴ​ഞ്ചേ​രി​യി​ലെ സ്വ​കാ​ര്യ ആ​ശു​പ​ത്രി​യി​ലും തു​ട​ർ​ന്നു തി​രു​വ​ല്ല​യി​ലെ സ്വ​കാ​ര്യ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലും പി​ന്നീ​ട് എ​റ​ണാ​കു​ള​ത്തെ ഒ​രു മ​ൾ​ട്ടി സ്പെ​ഷാ​ലി​റ്റി ആ​ശു​പ​ത്രി​യി​ലും എ​ത്തി​ച്ചു.

വി​ദേ​ശ​ത്തു ജോ​ലി നോ​ക്കി​യി​രു​ന്ന അ​ച്ഛ​ൻ ബി​നോ​ജി വി​വ​ര​മ​റി​ഞ്ഞ് ഏ​പ്രി​ൽ അ​ഞ്ചി​നു നാ​ട്ടി​ൽ എ​ത്തി. വെ​ന്‍റി​ലേ​റ്റ​റി​ൽ ക​ഴി​ഞ്ഞ സ​മ​യ​ത്ത് പ​രി​ശോ​ധ​ന​യ്ക്ക് ആ​വ​ശ്യ​മാ​യ സാം​പി​ളു​ക​ൾ ശേ​ഖ​രി​ച്ച​രു​ന്നു. എ​ട്ടി​ന് മ​ക​ൾ​ക്ക് ബ്രെ​യി​ൻ ഡ​ത്ത് സം​ഭ​വി​ച്ച​താ​യും വെ​ന്‍റിലേ​റ്റ​റി​ൽ കി​ട​ക്കു​ന്ന മ​ക​ളു​ടെ കാ​ര്യ​ത്തി​ൽ തീ​രു​മാ​നം എ​ടു​ക്ക​ണ​മെ​ന്നു കു​ടും​ബ​ത്തോ​ട് അ​വി​ടു​ത്തെ ഡോ​ക്ട​ർ​മാ​ർ ആ​വ​ശ്യ​പ്പെ​ട്ടു. തു​ട​ർ​ന്ന് വെ​ന്‍റിലേ​റ്റ​ർ സൗ​ക​ര്യം ഒ​ഴി​വാ​ക്കി​യ​തോ​ടെ ഒ​ന്പ​തി​നു രാ​വി​ലെ ഒ​ന്പ​തി​നു ഭാ​ഗ്യ​ല​ക്ഷ്മി മ​ര​ണം സ്ഥി​രീ​ക​രി​ച്ചു.

ഏ​പ്രി​ൽ 10ന് ​സം​സ്കാ​രം ന​ട​ക്കു​ക​യും പി​റ്റേ ദി​വ​സം എ​റ​ണാ​കു​ള​ത്തെ ആ​ശു​പ​ത്രി​യി​ൽ ന​ട​ത്തി​യ വി​ശ​ദ​മാ​യ പ​രി​ശോ​ധ​നാ​ഫ​ലം വാ​ട്സാ​പ്പി​ൽ അ​ധി​കൃ​ത​ർ അ​യ​ച്ചു ന​ൽ​കു​ക​യും ചെ​യ്തി​രു​ന്നു. കു​ട്ടി വെ​ന്‍റി​ലേ​റ്റ​റി​ൽ കി​ട​ക്കു​മ്പോ​ഴാ​ണ് പ​രി​ശോ​ധ​ന​യ്ക്ക് ആ​വ​ശ്യ​മാ​യ സ്ര​വം ര​ക്ഷി​താ​ക്ക​ളു​ടെ അ​നു​മ​തി​യോ​ടെ ആ​ശു​പ​ത്രി അ​ധി​കൃ​ത​ർ ശേ​ഖ​രി​ക്കു​ന്ന​ത്.

ര​ണ്ട് റി​സ​ൽ‌​ട്ടു​ക​ൾ ഉ​ണ്ടെ​ന്നു പ​റ​ഞ്ഞെ​ങ്കി​ലും ഒ​രെ​ണ്ണം മാ​ത്ര​മാ​ണ് ന​ൽ​കി​യ​തെ​ന്നും അ​ടു​ത്ത​ത് അ​യ​ച്ചു​ത​രാ​മെ​ന്നു പ​റ​ഞ്ഞ ആ​ശു​പ​ത്രി അ​ധി​കൃ​ത​ർ ഇ​പ്പോ​ൾ പ​റ​യു​ന്ന​ത് അ​ത് ഡി​എം​ഒ​യ്ക്ക് കൈ​മാ​റാ​മെ​ന്നു​മാ​ണെ​ന്നു വീ​ട്ടു​കാ​ർ പ​റ​യു​ന്നു.