‘മാ​ര്‍​ച്ച് ത​ട​ഞ്ഞ​ത് വെ​ള്ളാ​പ്പ​ള്ളി​യു​ടെ ത​ട്ടി​പ്പു​ക​ള്‍ മൂ​ടി​വ​യ്ക്കാ​ൻ’
Sunday, May 28, 2023 2:06 AM IST
ചേ​ര്‍​ത്ത​ല: എ​സ്എ​ന്‍​ഡി​പി യോ​ഗം ജ​ന​റ​ല്‍ സെ​ക്ര​ട്ട​റി വെ​ള്ളാ​പ്പ​ള്ളി​യു​ടെ സാ​മ്പ​ത്തി​ക അ​ഴി​മ​തി​ക​ള്‍ വെ​ളി​ച്ച​ത്തു​വ​രു​മെ​ന്ന് ഭ​യ​ന്നാ​ണ് വെ​ള്ളാ​പ്പ​ള്ളി രാ​ഷ്ട്രീ​യ​സ്വാ​ധീ​നം ഉ​പ​യോ​ഗി​ച്ച് ത​ന്‍റെ വ​സ​തി​യി​ലേ​ക്കു​ള്ള മാ​ര്‍​ച്ച് ത​ട​ഞ്ഞ​തെ​ന്ന് ശ്രീ​നാ​രാ​യ​ണ സ​ഹോ​ദ​ര ധ​ര്‍​മ​വേ​ദി സം​സ്ഥാ​ന നേ​തൃ​യോ​ഗം ആ​രോ​പി​ച്ചു. സ​മ​ര​ത്തി​നു ല​ഭി​ച്ച ശ്രീ​നാ​രാ​യ​ണീ​യ​രു​ടെ പി​ന്തു​ണ ക​ണ്ടാ​ണ് സ​മ​രം മാ​റ്റി​വ​പ്പി​ച്ച​തെ​ന്ന് ചെ​യ​ര്‍​മാ​ന്‍ ഗോ​കു​ലം ഗോ​പാ​ല​നും വ​ര്‍​ക്കിം​ഗ് ചെ​യ​ര്‍​മാ​ന്‍ അ​ഡ്വ.​സി.​കെ വി​ദ്യാ​സാ​ഗ​റും പറഞ്ഞു.

കോ​ടി​ക്ക​ണ​ക്കി​നു​രൂ​പ​യു​ടെ അ​ഴി​മ​തി ന​ട​ത്തി വെ​ള​ളാ​പ്പ​ള്ളി ഈ​ഴ​വ സ​മു​ദാ​യ​ത്തെ ഒ​ന്ന​ട​ങ്കം ക​ബ​ളി​പ്പി​ക്കു​ക​യാ​ണ്. എ​സ്എ​ന്‍ ട്ര​സ്റ്റി​ലെ ത​ന്‍റെ ഭാ​ര​വാ​ഹി​ത്വം ഇ​ല്ലാ​താ​കു​മെ​ന്ന് ക​ണ്ടാ​ണ് വെ​ള്ളാ​പ്പ​ള്ളി സു​പ്രീം കോ​ട​തി​യെ സ​മീ​പി​ച്ച് സ്റ്റേ ​വാ​ങ്ങി​യ​ത്. താത്കാ​ലി​ക​മാ​യി നി​ല്‍​ക്കു​ന്ന ഈ ​സ്റ്റേ ഇ​ല്ലാ​താ​കു​ന്ന​തോ​ടെ വെ​ള്ളാ​പ്പ​ള്ളി എ​സ്എ​ന്‍ ട്ര​സ്റ്റി​ല്‍നി​ന്ന് ഒ​ഴി​ഞ്ഞു​പോ​കേ​ണ്ടി​വ​രും. യോ​ഗ​നേ​താ​വി​നെ​തി​രെ ശ​ക്ത​മാ​യ സ​മ​രം തു​ട​രാ​നും ചേ​ര്‍​ത്ത​ല​യി​ല്‍ കൂ​ടി​യ ധ​ര്‍​മ​വേ​ദി സം​സ്ഥാ​ന നേ​തൃ​യോ​ഗം തീ​രു​മാ​നി​ച്ചു. സൗ​ത്ത് ഇ​ന്ത്യൻ‍ വി​നോ​ദ്, അ​ഡ്വ.​ആ​ര്‍.​അ​ജ​ന്ത​കു​മാ​ര്‍, കെ.​ജി. കു​ഞ്ഞി​ക്കു​ട്ട​ന്‍, ക​ണ്ട​ല്ലൂ​ര്‍ സു​ധീ​ര്‍​ തു​ട​ങ്ങി​യവ​ര്‍ പ​ങ്കെ​ടു​ത്തു.

Copyright @ 2022 , Rashtra Deepika Ltd.