തൊ​ടു​പു​ഴ: തെ​ക്കും​ഭാ​ഗം ക​ണി​യാം​മൂ​ഴി തോ​ട്ടി​ലെ ത​ട​യ​ണ​യി​ൽ മ​രം കു​ടു​ങ്ങി​യ​തോ​ടെ സ​മീ​പ​ത്തെ വീ​ടു​ക​ളി​ൽ വെ​ള്ളം ക​യ​റി. തൊ​ടു​പു​ഴ​യി​ൽ​നി​ന്ന് അ​ഗ്നി​ര​ക്ഷാ സേ​ന സ്ഥ​ല​ത്തെ​ത്തി മ​രം മു​റി​ച്ചു മാ​റ്റി​യ​തോ​ടെ​യാ​ണ് അ​പ​ക​ടാ​വ​സ്ഥ ഒ​ഴി​വാ​യ​ത്. ഇ​ന്ന​ലെ രാ​വി​ലെ പ​ത്ത​ര​യോ​ടെ​യാ​ണ് സം​ഭ​വം. മാ​രി​പ്പ​റ​ന്പി​ൽ ത​ങ്ക​ച്ച​ന്‍റെ പു​ര​യി​ട​ത്തി​ൽ​നി​ന്ന മ​രം കാ​റ്റി​ൽ മ​റി​ഞ്ഞ് ത​ട​യ​ണ​യി​ൽ വീ​ഴു​ക​യാ​യി​രു​ന്നു.

ഇ​തോ​ടെ നീ​രൊ​ഴു​ക്ക് ത​ട​സ​പ്പെ​ട്ട് സ​മീ​പ​വാ​സി​യാ​യ ചീ​ങ്ക​ല്ലു​ങ്ക​ൽ വ​ള്ളി​യ​മ്മാ​ളു​ടെ വീ​ട്ടി​ലേ​ക്ക് വെ​ള്ളം ക​യ​റു​ക​യാ​യി​രു​ന്നു. വി​വ​രം സ​മീ​പ​വാ​സി​ക​ൾ മു​നി​സി​പ്പ​ൽ ചെ​യ​ർ​മാ​ൻ കെ. ​ദീ​പ​കി​നെ അ​റി​യി​ക്കു​ക​യും അ​ദ്ദേ​ഹം ഫ​യ​ർ​ഫോ​ഴ്സി​ന്‍റെ സ​ഹാ​യം തേ​ടു​ക​യു​മാ​യി​രു​ന്നു. തു​ട​ർ​ന്ന് സ്കൂ​ബാ ടീ​മം​ഗ​ങ്ങ​ൾ ഉ​ൾ​പ്പെ​ടെ ഫ​യ​ർ​ഫോ​ഴ്സ് അം​ഗ​ങ്ങ​ൾ ത​ട​യ​ണ​യി​ൽ ഇ​റ​ങ്ങി മ​രം മു​റി​ച്ചു​മാ​റ്റി​യ​തോ​ടെ​യാ​ണ് നീ​രൊ​ഴു​ക്ക് പൂ​ർ​വ​സ്ഥി​തി​യി​ൽ ആ​യ​ത്. ഇ​തോ​ടെ വീ​ടു​ക​ളി​ൽ​നി​ന്ന് വെ​ള്ളം ഇ​റ​ങ്ങു​ക​യും ചെ​യ്തു.

അ​സി​സ്റ്റ​ന്‍റ് സ്റ്റേ​ഷ​ൻ ഓ​ഫീ​സ​ർ​മാ​രാ​യ കെ.​എ. ജാ​ഫ​ർ​ഖാ​ൻ, ബി​ജു പി. ​തോ​മ​സ് എ​ന്നി​വ​രു​ടെ നേ​തൃ​ത്വ​ത്തി​ൽ ഫ​യ​ർ​ഫോ​ഴ്സ് ഉ​ദ്യോ​ഗ​സ്ഥ​രാ​യ എം.​എ​ൻ. വി​നോ​ദ് കു​മാ​ർ, പി.​ജി.​സ​ജീ​വ്, എ​ൻ.​എ​സ്. അ​ജ​യ്കു​മാ​ർ, ജെ​യിം​സ് നോ​ബി​ൾ, ബി. ​ആ​ഷി​ഖ്, ഹോം ​ഗാ​ർ​ഡ് മാ​ത്യു ജോ​സ​ഫ് എ​ന്നി​വ​രാ​യി​രു​ന്നു സം​ഘ​ത്തി​ൽ ഉ​ണ്ടാ​യി​രു​ന്ന​ത്.

ക​ന​ത്ത മ​ഴ​യി​ൽ
ക​ലു​ങ്ക് ത​ക​ർ​ന്നു

കു​ട​യ​ത്തൂ​ർ: ക​ന​ത്ത മ​ഴ​യി​ൽ ക​ലു​ങ്കി​ന്‍റെ അ​ടി​ഭാ​ഗം ത​ക​ർ​ന്ന് അ​പ​ക​ടാ​വ​സ്ഥ​യി​ലാ​യി. കു​ട​യ​ത്തൂ​ർ പ​ഞ്ചാ​യ​ത്ത് ഒ​ന്നാം വാ​ർ​ഡി​ൽ ആ​ന​ക്ക​യം - കാ​ഞ്ഞാ​ർ റോ​ഡി​ൽ തെ​ങ്ങും​പി​ള്ളി ക​വ​ല ഭാ​ഗ​ത്തെ ക​ലു​ങ്കി​ന്‍റെ അ​ടി​ഭാ​ഗ​മാ​ണ് ഇ​ടി​ഞ്ഞു വീ​ണ​ത്. ടോ​റ​സ് ലോ​റി​ക​ൾ ഉ​ൾ​പ്പെ​ടെ ഒ​ട്ടേ​റെ വാ​ഹ​ന​ങ്ങ​ൾ സ​ഞ്ച​രി​ക്കു​ന്ന റോ​ഡാ​ണ് ഇ​ത്. ക​ലു​ങ്കി​ന്‍റെ അ​ടി​ഭാ​ഗം പ​കു​തി​യോ​ളം ത​ക​ർ​ന്ന നി​ല​യി​ലാ​ണ്. ശ​ക്ത​മാ​യ മ​ഴ പെ​യ്താ​ൽ കൂ​ടു​ത​ൽ ത​ക​രാ​ൻ സാ​ധ്യ​ത​യേ​റെ​യാ​ണ്. അ​പ​ക​ടാ​വ​സ്ഥ ക​ണ​ക്കി​ലെ​ടു​ത്ത് ഭാ​ര​വാ​ഹ​ന​ങ്ങ​ൾ ഇ​തു വ​ഴി സ​ഞ്ച​രി​ക്ക​രു​തെ​ന്ന് കു​ട​യ​ത്തൂ​ർ പ​ഞ്ചാ​യ​ത്ത് അ​ധി​കൃ​ത​ർ അ​റി​യി​ച്ചു.

വൈ​ദ്യു​തി ലൈ​നി​ൽ
മ​രം വീ​ണു

തൊ​ടു​പു​ഴ: കു​മാ​ര​മം​ഗ​ലം പാ​റ​യി​ൽ ക്ഷേ​ത്ര​ത്തി​നു സ​മീ​പം വൈ​ദ്യു​തി ലൈ​നി​ൽ മ​രം വീ​ണു. ഇ​ന്ന​ലെ രാ​വി​ലെ പ​ത്തോ​ടെ​യാ​യി​രു​ന്നു സം​ഭ​വം. കു​റൂ​ർ രാ​ജു​വി​ന്‍റെ പു​ര​യി​ട​ത്തി​ൽ നി​ന്നി​രു​ന്ന മ​ര​മാ​ണ് ശ​ക്ത​മാ​യ കാ​റ്റി​ൽ സ​മീ​പ​ത്തെ വൈ​ദ്യു​തി ലൈ​നി​ൽ വീ​ണ​ത്. അ​ഗ്നി ര​ക്ഷാ​സേ​ന​യെ അ​റി​യി​ച്ചതിനെത്തുടർന്ന് വൈ​ദ്യു​തി ബ​ന്ധം വി​ച്ഛേ​ദി​ച്ച ശേ​ഷം മ​രം മു​റി​ച്ചു​മാ​റ്റു​ക​യാ​യി​രു​ന്നു.