മൂവാറ്റുപുഴ : കെഎസ്ബിഎ ലേഡി ബ്യൂട്ടീഷ്യൻസ് മൂവാറ്റുപുഴ താലൂക്ക് കമ്മിറ്റി യോഗം ചേർന്നു. കെഎസ്ബിഎ ജില്ലാ ട്രഷറർ എം.ജെ. അനു യോഗം ഉദ്ഘാടനം ചെയ്തു. യോഗത്തിൽ താലൂക്ക് പ്രസിഡന്‍റ് ബീന അശോക് അധ്യക്ഷത വഹിച്ചു. സംസ്ഥാന സെക്രട്ടറി കെ.എൻ. അനിൽ ബിശ്വാസ് മുഖ്യ പ്രഭാഷണം നടത്തി. താലൂക്ക് വൈസ് പ്രസിഡന്‍റ് സുമ ബിജു, താലൂക്ക് ജോയിന്റ് സെക്രട്ടറി ഷീബ ഷാജി, ജില്ലാ ജോയിന്റ് സെക്രട്ടറി വി.എ. ഷക്കീർ, താലൂക്ക് സെക്രട്ടറി സാലി ഷിബു, ട്രഷറർ സ്മിത സാജു, താലൂക്ക് എക്സിക്യൂട്ടീവ് കമ്മിറ്റി അംഗങ്ങളായ ബിജി തങ്കൻ, ബീനാ സിയാദ്, താലൂക്ക് വൈസ് പ്രസിഡന്‍റ് ശങ്കർ ഗണേഷ്, ജില്ലാ കമ്മിറ്റിയംഗം എം.എം. അനസ്, താലൂക്ക് ജോയിന്റ് സെക്രട്ടറി വി.പി. മനോജ് എന്നിവർ പ്രസംഗിച്ചു.
പ്രതിഷേധ യോഗം
മൂവാറ്റുപുഴ : രാഹുൽ ഗാന്ധിക്ക് ഐക്യദാർഡ്യം പ്രഖ്യാപിച്ച്, കേന്ദ്ര സർക്കാരിനെതിരെ എൻജിഒഎ മുവാറ്റുപുഴ ബ്രാഞ്ച് സംഘടിപ്പിച്ച പ്രതിഷേധ യോഗം മിനി സിവിൽ സ്റ്റേഷനിൽ സംസ്ഥാന വൈസ് പ്രസിഡന്‍റ് തോമസ് ഹെർബിറ്റ് ഉദ്ഘാടനം ചെയ്തു. ബ്രാഞ്ച് പ്രസിഡന്‍റ് രാജീവൻ അധ്യക്ഷതവഹിച്ചു. യോഗത്തിൽ സംസ്ഥാന കമ്മറ്റിയംഗം ബേസിൽ വർഗീസ്, ജില്ലാ വൈസ് പ്രസിഡന്‍റ് നോബിൻ ബേബി, ജില്ലാ ജോയിന്റ് സെക്രട്ടറി അനിൽ വർഗീസ്, സംസ്ഥാന ഓഡിറ്റർ ജോമി ജോർജ്, ബ്രാഞ്ച് സെക്രട്ടറി സുരേഷ് ബാബു, ട്രഷറർ അബ്രഹാം തുടങ്ങിയവർ പ്രസംഗിച്ചു.