ആ​ലു​വ: കാ​ള​വ​ണ്ടി മു​ത​ൽ ബു​ള്ള​റ്റ് ടാ​ങ്ക​ർ ലോ​റി​ക​ളെ വ​രെ പെ​രി​യാ​റി​ന്‍റെ മ​റു​ക​ര​യി​ൽ എ​ത്തി​ച്ച് മ​ധ്യ​കേ​ര​ള​ത്തി​ന്‍റെ ഗ​താ​ഗ​ത വി​പ്ല​വ​ത്തി​ന് തി​രി​കൊ​ളു​ത്തി​യ മാ​ര്‍​ത്താ​ണ്ഡ​വ​ര്‍​മ്മ ആ​ർ​ച്ച് പാ​ല​ത്തി​ന് ഇ​ന്ന് 85 വ​യ​സ്. 1940 ജൂ​ണ്‍ 14ന് ​തി​രു​വി​താം​കൂ​ര്‍ ഇ​ള​യ​രാ​ജാ​വ് മാ​ര്‍​ത്താ​ണ്ഡ​വ​ര്‍​മ്മ​യാ​ണ് തി​രു​ക്കൊ​ച്ചി​യെ​യും മ​ല​ബാ​റി​നെ​യും പെ​രി​യാ​റി​ന് കു​റു​കെ ബ​ന്ധി​പ്പി​ക്കു​ന്ന പാ​ലം തു​റ​ന്നു​കൊ​ടു​ത്ത​ത്.

മൂ​ന്നു വ​ർ​ഷം നീ​ണ്ട നി​ർ​മാ​ണ​ത്തി​ന് മു​ൻ​കൈ എ​ടു​ത്ത​ത് വ​ലി​യ രാ​ജാ​വ് മാ​ര്‍​ത്താ​ണ്ഡ​വ​ര്‍​മ്മ​യാ​യ ശ്രീ​ചി​ത്തി​ര തി​രു​നാ​ൾ ബാ​ല​രാ​മ​ വ​ർ​മ്മ​യാ​ണെ​ന്നും ഇ​ള​യ​രാ​ജാ​വി​നെ​ക്കൊ​ണ്ട് ഉ​ദ്ഘാ​ട​നം ചെ​യ്യി​ക്കു​ക​യാ​യി​രു​ന്നെ​ന്നു​മാ​ണ് ച​രി​ത്രം.

ബ്രീ​ട്ടീ​ഷു​കാ​ര​നാ​യ ജി​ബി​എ​സ് ട്ര​സ്‌​കോ​ട്ടും എം.​എ​സ്. ദു​രൈ​സ്വാ​മി​യു​മാ​ണ് ചീ​ഫ് എ​ൻ​ജി​നീ​യ​ര്‍​മാ​ർ. പാ​ലം നി​ർ​മാ​ണ​ത്തി​നി​ടെ​യു​ണ്ടാ​യ മ​ണ്ണി​ടി​ച്ചി​ലി​ൽപ്പെ​ട്ട ഒ​രാ​ൾ ഒ​ഴി​കെ 11 പേ​ർ മ​രി​ച്ച​താ​യി രേ​ഖ​ക​ളു​ണ്ട്. തോ​ട്ട​യ്ക്കാ​ട്ടു​ക​ര താ​ണി​പ്പി​ള്ളി വീ​ട്ടി​ൽ തൊ​മ്മി​യാ​ണ് അ​ന്ന് ര​ക്ഷ​പ്പെ​ട്ട​ത്. പി​ന്നീ​ട് 2004ൽ ​തൊ​മ്മി മ​രി​ച്ചു.

141 മീ​റ്റ​ർ നീ​ള​വും അ​ഞ്ച​ര മീ​റ്റ​ർ വീ​തി​യു​മു​ള്ള ആ​ർ​ച്ച് പാ​ല​ത്തി​ൽ ഓ​രോ നി​മി​ഷ​വും ര​ണ്ടു വ​രി​യി​ൽ വാ​ഹ​ന​ങ്ങ​ൾ ക​ട​ന്നു പോ​കു​ന്നു​ണ്ട്. മാ​ര്‍​ത്താ​ണ്ഡ​വ​ര്‍​മ്മ പാ​ല​ത്തി​ന് മു​മ്പും പി​മ്പും നി​ർ​മി​ച്ച പാ​ല​ങ്ങ​ൾ പ​ല​തും ത​ക​ർ​ന്നു​പോ​യ​പ്പോ​ഴും 2018ലെ ​മ​ഹാ​പ്ര​ള​യ​ത്തി​ന് പോ​ലും ഒ​രു പോ​റ​ൽ ഏ​ൽ​പ്പി​ക്കാ​നാ​യി​ല്ല. ആ​ലു​വ​യു​ടെ പ​കു​തി വെ​ള്ള​ത്തി​ലാ​യി​ട്ടും ജ​ല​നി​ര​പ്പി​ന് പാ​ല​ത്തി​ൽ തൊ​ടാ​നാ​യി​ല്ല. പൗ​രാ​ണി​ക ന​ഗ​ര​മാ​യ ആ​ലു​വ​യു​ടെ തി​ല​ക​ക്കു​റി​യാ​യാ​ണ് രാ​ജ​കീ​യ പ്രൗ​ഢി​യോ​ടെ മാ​ർ​ത്താ​ണ്ഡ​വ​ർ​മ്മ​പ്പാ​ലം ഇ​പ്പോ​ഴും ത​ല​യു​യ​ർ​ത്തി നി​ൽ​ക്കു​ന്ന​ത്.

ഇ​രു​ഭാ​ഗ​ത്തു​മാ​യി മൂ​ന്ന് വീ​ത​മു​ള്ള ആ​ര്‍​ച്ചു​ക​ളാ​ണ് പാ​ല​ത്തി​ന് കൂ​ടു​ത​ൽ ആ​ക​ർ​ഷ​ണീ​യ​ത ന​ൽ​കു​ന്ന​ത്. ശി​വ​രാ​ത്രി നാ​ളി​ൽ പാ​ലം വൈ​ദ്യു​തി അ​ല​ങ്കാ​രം ചെ​യ്യു​ന്ന​തും പ​തി​വാ​യി​രു​ന്നു. തൊ​ട്ട​ടു​ത്ത് ആ​ധു​നി​ക​ത​യു​ടെ ചി​ഹ്ന​മാ​യി കൊ​ച്ചി മെ​ട്രോ സ്റ്റേ​ഷ​നും ഉ​യ​ർ​ന്നു.

പെ​രി​യാ​റി​ന്‍റെ കൈ​വ​ഴി​യാ​യ മം​ഗ​ല​പ്പു​ഴ ക​ട​ക്കാ​ൻ 12 വ​ർ​ഷം ക​ഴി​ഞ്ഞ് ര​ണ്ട് കി​ലോ​മീ​റ്റ​ർ ദൂ​ര​ത്തി​ൽ മം​ഗ​ല​പ്പു​ഴ​പ്പാ​ലം എ​ന്ന പേ​രി​ൽ മ​റ്റൊ​രു ആ​ർ​ച്ച്പാ​ലം വ​ന്നു.

വാ​ഹ​ന​പ്പെ​രു​പ്പം കൂ​ടി​യ​പ്പോ​ൾ മാ​ർ​ത്താ​ണ്ഡ​വ​ർ​മ്മ പാ​ല​ത്തി​ന് സ​മാ​ന്ത​ര​മാ​യി 2002 ജൂ​ൺ 22ന് ​മ​റ്റൊ​രു പാ​ലം നി​ർ​മി​ച്ചു. മാ​ർ​ത്താ​ണ്ഡ​വ​ർ​മ്മ പാ​ല​ത്തെ അ​തേ​പ​ടി പ​ക​ർ​ത്താ​ൻ ശ്ര​മി​ച്ച് ആ​ദ്യ ക​രാ​ർ ക​മ്പ​നി പ​രാ​ജ​യ​പ്പെ​ടു​ക​യും ചെ​യ്തി​രു​ന്നു. അ​വ​സാ​നം മാ​ർ​ത്താ​ണ്ഡ​വ​ർ​മ്മ പാ​ല​ത്തി​ന്‍റെ ആ​ര്‍​ച്ചു​ക​ളേ​ക്കാ​ള്‍ 1.1 മീ​റ്റ​ര്‍ ഉ​യ​രം വ​ർ​ധി​പ്പി​ച്ചാ​ണ് പു​തി​യ സ​മാ​ന്ത​ര പാ​ല​ത്തി​ന്‍റെ ആ​ര്‍​ച്ചു​ക​ള്‍ നി​ർ​മി​ച്ച​ത്.

എ​ട്ടു കോ​ടി രൂ​പ​യാ​ണ് പു​തി​യ പാ​ല​ത്തി​ന്‍റെ ചെ​ല​വ്. മാ​ർ​ത്താ​ണ്ഡ​വ​ർ​മ്മ പാ​ല​ത്തി​ന് എ​ട്ടു ല​ക്ഷം രൂ​പ​യാ​ണ് അ​ന്ന​ത്തെ ചെ​ല​വ്. പു​തി​യ പാ​ല​ത്തി​ന് 12.56 മീ​റ്റ​ര്‍ വീ​തി​യാ​ണു​ള്ള​ത്. ഗ​താ​ഗ​ത​ത്തി​ന് 7.5 മീ​റ്റ​റും ന​ട​പ്പാ​ത​യ്ക്ക് 1.5 മീ​റ്റ​റും ന​ൽ​കി​യി​ട്ടു​ണ്ട്. ര​ണ്ട് പാ​ലം വ​ന്നി​ട്ടും ഗ​താ​ഗ​ത​ക്കു​രു​ക്കി​ന് കു​റ​വി​ല്ലാ​ത്തി​നാ​ൽ മാ​ർ​ത്താ​ണ്ഡ​വ​ർ​മ്മ പാ​ല​ത്തി​ന്‍റെ പ​ടി​ഞ്ഞാ​റ് ഭാ​ഗ​ത്തും മൂ​ന്നാ​മ​തൊ​രു പാ​ലം വേ​ണ​മെ​ന്നാ​ണ് ദീ​ർ​ഘ​ദൂ​ര യാ​ത്ര​ക്കാ​രും ആ​ലു​വ ന​ഗ​ര​സ​ഭ​യും ആ​വ​ശ്യ​പ്പെ​ടു​ന്ന​ത്.

തയാ​റാ​ക്കി​യ​ത്:
ബോ​ബ​ൻ ബി. ​കി​ഴ​ക്കേ​ത്ത​റ