ഒ​റ്റ​പ്പാ​ലം: മ​ഴ ശ​ക്ത​മാ​യി, ഈ​സ്റ്റ് ഒ​റ്റ​പ്പാ​ലം പു​തി​യ പാ​ല​ത്തി​ന്‍റെ നി​ർ​മാ​ണം ന​ട​ക്കു​ന്ന തോ​ട്ടി​ൽ​നി​ന്ന് മ​ണ്ണ് നീ​ക്കാ​ത്ത​തു ഒ​ഴു​ക്കി​ന് ത​ട​സ​മാ​കും. പ​ഴ​യ പാ​ല​ത്തി​നു താ​ഴെ​യാ​യി തോ​ട്ടി​ൽ കി​ട​ക്കു​ന്ന ഇ​രു​വ​ശ​ങ്ങ​ളി​ലെ​യും മ​ണ്ണ് പൂ​ർ​ണ​മാ​യി നീ​ക്കാ​ത്ത​താ​ണ് പ്ര​ശ്നം.

പാ​ല​ത്തി​ന്‍റെ പ്രാ​രം​ഭ​പ്ര​വ​ർ​ത്ത​ന​ങ്ങ​ൾ ന​ട​ത്തു​ന്ന​തി​ന് വ​ശ​ങ്ങ​ൾ ഇ​ടി​ച്ചി​ട്ട മ​ണ്ണാ​ണ് തോ​ട്ടി​ൽ കി​ട​ക്കു​ന്ന​ത്. പാ​ലം​നി​ർ​മാ​ണം ന​ട​ക്കു​ന്ന ഭാ​ഗ​ത്തേ​ക്ക് വെ​ള്ളം എ​ത്താ​തി​രി​ക്കാ​ൻ മ​ണ്ണി​ട്ടും ത​ട​സം​സൃ​ഷ്ടി​ച്ചി​രു​ന്നു.

ദി​വ​സ​ങ്ങ​ൾ​ക്കു​മു​ൻ​പ് പൊ​തു​മ​രാ​മ​ത്ത് പാ​ലം വി​ഭാ​ഗ​ത്തി​ന്‍റെ നേ​തൃ​ത്വ​ത്തി​ൽ മ​ണ്ണു​മാ​ന്തി​യ​ന്ത്രം ഉ​പ​യോ​ഗി​ച്ച് മ​ണ്ണു​നീ​ക്കു​ന്ന പ്ര​വൃ​ത്തി ന​ട​ത്തി​യി​രു​ന്നു.

എ​ന്നാ​ൽ മു​ഴു​വ​നാ​യി നീ​ക്കി​യി​ല്ലെ​ന്നാ​ണാ​രോ​പ​ണം. കാ​ല​വ​ർ​ഷം ശ​ക്ത​മാ​കു​ന്ന​തി​നു മു​ൻ​പാ​യി ത​ട​സം​നീ​ക്കി​യി​ല്ലെ​ങ്കി​ൽ ക​ര​ക​ളി​ൽ വെ​ള്ളം​ക​യ​റു​മെ​ന്നാ​ണ് ആ​ശ​ങ്ക. ക​ഴി​ഞ്ഞ​വ​ർ​ഷം പെ​യ്ത ശ​ക്ത​മാ​യ​മ​ഴ​യി​ൽ തോ​ടി​നു സ​മീ​പ​ത്തെ പ്ര​ദേ​ശ​ങ്ങ​ളെ​ല്ലാം വെ​ള്ള​ത്തി​ൽ മു​ങ്ങി​യി​രു​ന്നു.

ഇ​രു​പ​തി​ലേ​റെ വീ​ടു​ക​ളി​ലാ​ണ് അ​ന്നു വെ​ള്ളം ക​യ​റി​യ​ത്. കു​ടും​ബ​ങ്ങ​ൾ​ക്ക് മാ​റി​ത്താ​മ​സി​ക്കേ​ണ്ടി​യും വ​ന്നി​രു​ന്നു. 2018, 19 വ​ർ​ഷ​ങ്ങ​ളി​ലു​ണ്ടാ​യ പ്ര​ള​യ​ങ്ങ​ളി​ലും വെ​ള്ളം​ക​യ​റി​യി​രു​ന്നു. മ​ണ്ണും ക​ല്ലു​ക​ളും നീ​ക്കി ആ​ശ​ങ്ക പ​രി​ഹ​രി​ക്ക​ണ​മെ​ന്നാ​വ​ശ്യ​പ്പെ​ട്ട് ന​ഗ​ര​സ​ഭാ ആ​രോ​ഗ്യ സ്ഥി​രം​സ​മി​തി അ​ധ്യ​ക്ഷ ഫൗ​സി​യ ഹ​നീ​ഫ ഒ​റ്റ​പ്പാ​ലം സ​ബ് ക​ള​ക്ട​ർ​ക്കു പ​രാ​തി ന​ൽ​കി.

ത​ട​സ​ങ്ങ​ൾ പൂ​ർ​ണ​മാ​യി നീ​ക്കി​യെ​ന്നാ​ണ് പൊ​തു​മ​രാ​മ​ത്ത് പാ​ലം​വി​ഭാ​ഗം അ​റി​യി​ച്ചി​രു​ന്ന​തെ​ന്നും ഇ​തു വ​സ്തു​താ​വി​രു​ദ്ധ​മാ​ണെ​ന്നും പ​രാ​തി​യി​ൽ ആ​രോ​പി​ക്കു​ന്നു.