ബ്രിസ്ബേനില്‍ മലങ്കര സഭക്ക് സ്വന്തം ദേവാലയം
Monday, February 18, 2019 6:06 PM IST
ബ്രിസ്ബേൻ: സെന്‍റ് ജോർജ് ഇന്ത്യൻ ഓർത്തഡോക്സ് ഇടവകയുടെ ചിരകാല അഭിലാഷമായ സ്വന്തമായ ദേവാലയം എന്ന സ്വപ്നത്തിന്‍റെയും പ്രാർത്ഥനയുടെയും ആദ്യ ഘട്ടം സഫലമായി.

7.89 ഏക്കർ വരുന്ന വിശാലമായ സ്ഥലം (479, Mount Petrie Road, Meckenzie) പാഴ്സണേജും ഹാളും മറ്റു സൗകര്യങ്ങളോടും കൂടി മലങ്കര സഭക്ക് സ്വന്തമായി കഴിഞ്ഞു. ഇടവക മെത്രാപ്പോലീത്ത ഡോ.യൂഹാനോൻ മാർ ദീയസ്കോറോസിന്‍റെ പിന്തുണയും വികാരി ഫാ. അജീഷ് വി. അലക്സിന്‍റെ അക്ഷീണമായ നേതൃത്വവും ട്രസ്റ്റിമാരായ . ബിനു പെരുമാള്‍ ജോണ്‍, ബോബി ഏബ്രഹാം വര്‍ഗീസ്, സെക്രട്ടറി എബി ജേക്കബ്, ദേവാലയ നിർമ്മാണ കമ്മിറ്റി കൺവീനർ ജിതിന്‍ തോമസ്, മാനേജിംഗ് കമ്മിറ്റി - ബിൽഡിംഗ് കമ്മിറ്റി അംഗങ്ങള്‍ എന്നിവരുടെ അക്ഷീണ പ്രയത്നവും ഇടവക ജനങ്ങളുടെ പൂർണമായ സഹകരണവും ആണ് ഇടവകക്ക് ഈ നേട്ടം കൈവരിക്കുവാന്‍ സാധിച്ചത്.

2008-ൽ ഇടവക മെത്രാപ്പോലീത്ത ആയിരുന്ന ഡോ.യാക്കൂബ് മാര്‍ ഐറേനിയോസിന്‍റെ അനുവാദത്തോടെ ബ്രിസ്ബേയ്നില്‍ ആരാധന ആരംഭിച്ചു. വിവിധ കാലയളവിൽ ഫാ. തോമസ് വര്‍ഗീസ്, ഫാ. വിനോദ് ജോർജ്, ഫാ. ജെയിംസ് ഫിലിപ്പ് എന്നിവർ വൈദീക ശുശ്രൂഷ നിർവഹിച്ചു. ഇടവകയുടെ മുൻനിര പ്രവർത്തകരായിരുന്ന സതീഷ് ബാബു സെക്രട്ടറി ആയും ഡോ. ജോര്‍ജ് വര്‍ഗീസ് ട്രസ്റ്റി ആയും സേവനം അനുഷ്ഠിച്ചു.

ഡോ.യൂഹാനോന്‍ മാര്‍ ദീയസ്കോറോസിന്‍റെ അനുവാദത്തോടെയും ഇടവകയുടെ സഹകരണത്തിലും ക്വീൻസ് ലാൻഡ് സ്റ്റേറ്റിൽ മൂന്ന് ഇന്ത്യൻ ഓർത്തഡോക്സ് കോൺഗ്രിഗേഷൻ പ്രവർത്തിച്ചു വരുന്നു.

റിപ്പോർട്ട്: ആഷിഷ് പൂന്നൂസ്
Copyright @ 2022 , Rashtra Deepika Ltd.