ഷിക്കാഗോ: ഷിക്കാഗോ മലയാളി അസോസിയേഷന്റെ 2021-23ലെ ഭാരവാഹികളുടെ തെരഞ്ഞെടുപ്പ് ഓഗസ്റ്റ് 22 ഞായറാഴ്ച രാവിലെ 9 മുതൽ വൈകുന്നേരം 8 വരെ നടത്തപ്പെടും. പോളിംഗ് സ്റ്റേഷൻ സിഎംഎ ഹാൾ, 834 Rand Rd, mount prospect, IL60056 തെരഞ്ഞെടുപ്പിന്റെ മുന്നോടിയായി നോമിനേഷൻ സ്വീകരണത്തിനും സൂക്ഷ്മപരിശോധനയ്ക്കുശേഷം തെരഞ്ഞെടുപ്പ് കമ്മീഷൻ സ്ഥാനാർഥികളുടെ പേര് വിവരങ്ങൾ വെബ്സൈറ്റിലൂടെ പരസ്യപ്പെടുത്തിയിരുന്നു. പ്രസ്തുത തെരഞ്ഞെടുപ്പ് കമ്മിറ്റിയുടെ വെളിപ്പെടുത്തൽ പ്രകാരം പ്രസിഡന്റ് സ്ഥാനത്തേക്ക് മാത്രമേ തെരഞ്ഞെടുപ്പ് ഉണ്ടാവുകയുള്ളൂ.
മറ്റു സ്ഥാനങ്ങളായ സെക്രട്ടറി ലീല ജോസഫ്, ട്രഷറർ ഷൈനി ഹരിദാസ്, വനിതാ പ്രതിനിധകളായ ഡോ. സിബിൾ ഫിലിപ്പ്, ക്രിസ് റോസ്, ഷൈനി തോമസ്, സീനിയർ സിറ്റിസണ് പ്രതിനിധികളായ തോമസ് മാത്യു, ഫിലിപ്പ് പുത്തൻപുര, യൂത്ത് പ്രതിനിധികളായ സാറ അനിൽ, ജോബിൻ ജോർജ്, ബോർഡംഗങ്ങളായ അനിൽ ശ്രീനിവാസൻ, സിജോയ് കാപ്പൻ, ഷെവലിയാർ ജെയ്മോൻ സ്കറിയ, ജയൻ മുളങ്കാട്, ലെജി പട്ടരുമഠത്തിൽ, മനോജ് തോമസ്, രവീന്ദ്രൻ കുട്ടപ്പൻ, സാബു കട്ടപ്പുറ, സജി തോമസ്, സെബാസ്റ്റ്യൻ വാഴേപ്പറന്പിൽ,സൂസൻ ചാക്കോ, തോമസ് പുതുക്കര, വിവീഷ് ജേക്കബ് എന്നീ പതിമൂന്ന് ബോർഡംഗങ്ങളും എതിരില്ലാതെ തെരഞ്ഞെടുക്കപ്പെട്ടു. പ്രസിഡന്റ് സ്ഥാനത്തേക്ക് രണ്ടു പേരുടെ നോമിനേഷൻ വന്നിരിക്കുന്ന സാഹചര്യത്തിൽ പ്രസ്തുതസ്ഥാനത്തേക്ക് ഓഗസ്റ്റ് 22 ഞായറാഴ്ച രാവിലെ 9 മുതൽ വൈകുന്നേരം 8 വരെ അസോസിയേഷൻ അംഗങ്ങൾ തങ്ങളുടെ സമ്മതിദാനാവകാശം രേഖപ്പെടുത്തി വിജയിയെ കണ്ടെത്തേണ്ടതാണ്.
വോട്ടവകാശം
2021 ജനുവരി 31നു മുൻപ് അസോസിയേഷൻ അംഗത്വമെടുത്തവർക്കെല്ലാം തന്നെ വോട്ടു രേഖപ്പെടുത്താവുന്നതാണ്. മറ്റു പാരലൽ ഓർഗനൈസേഷനിൽ അംഗത്വമോ സ്ഥാനമാനങ്ങളോ എടുത്തവർക്ക് വോട്ടവകാശം ഉണ്ടായിരിക്കുന്നതല്ല. ഒരാൾക്കുപകരം മറ്റൊരാൾ വോട്ടു ചെയ്യുന്നതിന് അനുവദനീയമല്ല. ഓണ്ലൈനിലൂടെയോ ഏർലി വോട്ടിംഗ് സംവിധാനമോ ഉണ്ടായിരിക്കുന്നതല്ല. വോട്ടു രേഖപ്പെടുത്താനായി എത്തുന്നവർ തങ്ങളുടെ ഗവണ്മെന്റ് ഐഡിന്റഷിക്കേഷൻ കാർഡുമായി അസോസിയേഷൻ ഹാളായ 834 Rand Rd, mount prospect, IL60056 തങ്ങളുടെ വോട്ടവകാശം രേഖപ്പെടുത്താവുന്നതാണ്.
കൂടുതൽ വിവരങ്ങൾക്ക് ഇലക്ഷൻ കമ്മിറ്റി ചെയർമാൻ റോയി നെടുങ്കേട്ടിൽ(6302905613), വൈസ് ചെയർമാൻ ജോസഫ് നെല്ലുവേലിൽ(8473340456), കമ്മിറ്റിയംഗങ്ങളായ ജോയി വാച്ചാച്ചിറ(630202002), ജയചന്ദ്രൻ(8473617653), പ്രസിഡന്റ് ജോണ്സണ് കണ്ണൂക്കാടൻ(8474770564)
റിപ്പോർട്ട് ജോഷി വള്ളിക്കളം