പ​ശു​ക്കൂ​ട്ടി​ലെ പ​വ​ർ​ഹൗ​സ്
വൈ​ദ്യു​തി​ച്ചാ​ർ​ജി​നെ​ച്ചൊ​ല്ലി പ​ല​രും ആ​ശ​ങ്ക​യി​ലും ആ​ശ​യ​ക്കു​ഴ​പ്പ​ത്തി​ലും ക​ഴി​യു​ന്പോ​ൾ ദേ ​ഇ​വി​ടൊ​രാ​ൾ ത​ന്‍റെ പ​ശു​ക്കൂ​ട്ടി​ൽ​നി​ന്നു ക​റ​ന്‍റ് ഉ​ണ്ടാ​ക്കി നാ​ട്ടു​കാ​രെ വി​സ്മ​യി​പ്പി​ക്കു​ന്നു. പ​ശു​ത്തൊ​ഴു​ത്തി​ലെ പ​വ​ർ പ്ലാ​ന്‍റ് കാ​ണ​ണ​മെ​ങ്കി​ൽ നേ​രേ എ​റ​ണാ​കു​ള​ത്തി​നു പോ​രൂ. തൊ​ഴു​ത്തി​നോ​ടു ചേ​ർ​ന്നു ഗോ​ബ​ർ ഗ്യാ​സ് മി​നി​വൈ​ദ്യു​തി നി​ല​യം സ്വ​ന്തം നി​ല​യി​ൽ ത​യാ​റാ​ക്കി കാ​ഴ്ച​ക്കാ​രെ അ​ദ്ഭു​ത​പ്പെ​ടു​ത്തു​ക​യാ​ണ് ഈ ​ക്ഷീ​ര​ക​ർ​ഷ​ക​ൻ.

വൈ​ദ്യു​തി ചാ​ർ​ജ് കു​തി​ച്ചു​ക​യ​റി​ക്കൊ​ണ്ടി​രി​ക്കു​ന്ന കാ​ല​മാ​ണ്. ഇ​നി എ​ല്ലാ വ​ർ​ഷ​വും വൈ​ദ്യു​തി​ച്ചാ​ർ​ജ് വ​ർ​ധ​ന​യു​ണ്ടാ​കു​മെ​ന്ന മു​ന്ന​റി​യി​പ്പും വ​ന്നു​ക​ഴി​ഞ്ഞു. പ​ല​രും വീ​ടു​ക​ളി​ൽ സോ​ളാ​ർ സം​വി​ധാ​നം സ്ഥാ​പി​ച്ച് എ​ങ്ങ​നെ​യും വൈ​ദ്യു​തി​ച്ചാ​ർ​ജ് ഭാ​രം കു​റ​ച്ചു​നി​ർ​ത്താ​ൻ പ​രി​ശ്ര​മി​ക്കു​ന്നു. എ​ന്നാ​ൽ, തു​ട​ക്ക​ത്തി​ൽ കാ​ര്യ​മാ​യൊ​രു മു​ത​ൽ മു​ട​ക്ക് വ​രു​ന്ന​തി​നാ​ൽ പ​ല സാ​ധാ​ര​ണ കു​ടും​ബ​ങ്ങ​ൾ​ക്കും അ​തു താ​ങ്ങാ​നാ​വി​ല്ല എ​ന്ന​ത് ഒ​രു കാ​ര്യം.

മാ​ത്ര​മ​ല്ല, ഇ​ത്ര​യും തു​ക മു​ട​ക്കി സോ​ളാ​ർ സം​വി​ധാ​നം സ്ഥാ​പി​ച്ചാ​ൽ അ​തു ലാ​ഭ​ക​ര​മാ​ണോ​യെ​ന്ന സം​ശ​യം മ​റ്റു ചി​ല​ർ​ക്ക്. സോ​ളാ​ർ വ​ച്ചാ​ലും വൈ​ദ്യു​തി ബോ​ർ​ഡി​നു വൈ​ദ്യു​തി ന​ൽ​കു​ന്ന​താ​ണോ അ​തോ ബാ​റ്റ​റി വ​ച്ചു സ്റ്റോ​റേ​ജ് സം​വി​ധാ​നം ഒ​രു​ക്കു​ന്ന​താ​ണോ ന​ല്ല​തെ​ന്ന ചി​ന്ത​യി​ൽ വേ​റെ ചി​ല​ർ. ഇ​ങ്ങ​നെ വൈ​ദ്യു​തി കാ​ര്യ​ങ്ങ​ളെ​ക്കു​റി​ച്ചു പ​ല​രും ആ​ശ​ങ്ക​യി​ലും ആ​ശ​യ​ക്കു​ഴ​പ്പ​ത്തി​ലും ക​ഴി​യു​ന്പോ​ൾ ദേ ​ഇ​വി​ടൊ​രു ക്ഷീ​ര​ക​ർ​ഷ​ക​ൻ ത​ന്‍റെ പ​ശു​ക്കൂ​ട്ടി​ൽ​നി​ന്നു ക​റ​ന്‍റ് ഉ​ണ്ടാ​ക്കി നാ​ട്ടു​കാ​രെ വി​സ്മ​യി​പ്പി​ക്കു​ന്നു.

പ​ശു​ത്തൊ​ഴു​ത്തി​ലെ പ​വ​ർ പ്ലാ​ന്‍റ് കാ​ണ​ണ​മെ​ങ്കി​ൽ നേ​രേ എ​റ​ണാ​കു​ള​ത്തി​നു പോ​രൂ. ഗോ​ശ്രീ പാ​ല​ത്തി​ന​ക്ക​രെ വ​ല്ലാ​ർ​പാ​ട​ത്തി​നു സ​മീ​പം മു​ള​വു​കാ​ട് പ​ഞ്ചാ​യ​ത്തി​ലെ ബ്ലാ​വ​ത്തു​പ​റ​ന്പി​ൽ ബി.​എ. ഷാ​ജ​ഹാ​ന്‍റെ വീ​ട്ടി​ലെ​ത്തി​യാ​ൽ ഈ ​കാ​ഴ്ച​കാ​ണാം. വീ​ട്ടി​ൽ വെ​ളി​ച്ചം പ​ക​രാ​നും അ​ടു​ക്ക​ള​യി​ൽ ഇ​ന്ധ​നം ന​ൽ​കാ​നും ഒ​രു പ​ശു മ​തി​യെ​ന്നാ​ണ് ഷാ​ജ​ഹാ​ൻ പ​റ​യു​ന്ന​ത്. തൊ​ഴു​ത്തി​നോ​ടു ചേ​ർ​ന്നു ഗോ​ബ​ർ ഗ്യാ​സ് മി​നി​വൈ​ദ്യു​തി നി​ല​യം സ്വ​ന്തം നി​ല​യി​ൽ ത​യാ​റാ​ക്കി കാ​ഴ്ച​ക്കാ​രി​ൽ കൗ​തു​കം പ​ക​രു​ക​യാ​ണ് ഈ ​ക്ഷീ​ര​ക​ർ​ഷ​ക​ൻ.

ഗോ​ബ​ർ ഗ്യാ​സ്

വെ​റും ഒ​ൻ​പ​തു സെ​ന്‍റി​ലാ​ണ് ഷാ​ജ​ഹാ​ന്‍റെ വീ​ടും ഫാ​മും പ​വ​ർ റൂ​മും. അ​ഞ്ചു പ​ശു​ക്ക​ൾ ചു​ര​ത്തു​ന്ന 80 ലി​റ്റ​ർ പാ​ൽ മാ​ത്ര​മ​ല്ല ഇ​ദ്ദേ​ഹ​ത്തി​നു നേ​ട്ടം. വൈ​ദ്യു​തി​ക്കും പാ​ച​ക​വാ​ത​ക​ത്തി​നും ഇ​ദ്ദേ​ഹം കാ​ര്യ​മാ​യി പ​ണം മു​ട​ക്കു​ന്നി​ല്ല. ഈ ​തൊ​ഴു​ത്ത് മ​ലി​നീ​ക​ര​ണ​മു​ണ്ടാ​ക്കു​ന്നി​ല്ലെ​ന്നു മാ​ത്ര​മ​ല്ല, ആ​ഗോ​ള​താ​പ​ന​ത്തെ പ്ര​തി​രോ​ധി​ക്കു​ക​യും ജൈ​വ​സ​മൃ​ദ്ധി ഉ​റ​പ്പാ​ക്കു​ക​യും ചെ​യ്യു​ന്നു.

പ്രീ​ഡി​ഗ്രി പ​ഠ​ന ശേ​ഷം പ​ശു വ​ള​ർ​ത്ത​ൽ തൊ​ഴി​ലാ​ക്കി​യ ഷാ​ജ​ഹാ​ൻ പ​ശു​വി​ന്‍റെ​യും പാ​ലി​ന്‍റെ​യും തൊ​ഴു​ത്തി​ന്‍റെ​യും കാ​ര്യ​ത്തി​ൽ എ​ക്കാ​ല​വും ഗ​വേ​ഷ​ക​നാ​ണ്. 25 പ​ശു​ക്ക​ളെ വ​രെ വ​ള​ർ​ത്തി 500 ലി​റ്റ​ർ പാ​ൽ വി​റ്റ കാ​ല​മു​ണ്ടാ​യി​രു​ന്നു. പ്രാ​യം 62 ക​ട​ന്നി​രി​ക്കെ പ​ശു​ക്ക​ളു​ടെ എ​ണ്ണം അ​ഞ്ചാ​യി കു​റ​ച്ചു. ചാ​ണ​ക​വാ​ത​ക​ത്തി​ൽ​നി​ന്ന് അ​ടു​പ്പു ക​ത്തി​ക്കാ​മെ​ങ്കി​ൽ എ​ന്തു​കൊ​ണ്ട് അ​തു വൈ​ദ്യു​തി​യാ​യി മാ​റ്റി​ക്കൂ​ടാ എ​ന്ന ചി​ന്ത​യി​ൽ​നി​ന്നാ​ണ് ഗോ​ബ​ർ ഗ്യാ​സ് പ​വ​ർ ഹൗ​സി​ന്‍റെ തു​ട​ക്കം.

വൈ​ദ്യു​തി​മു​ട​ക്കം തു​ട​ക്കം!

അ​തി​രാ​വി​ലെ പ​ത്തു കി​ലോ​മീ​റ്റ​ർ അ​ക​ലെ പെ​രു​ന്പ​ള്ളി ക്ഷീ​ര​സം​ഘ​ത്തി​ലേ​ക്കു പാ​ലു​മാ​യി വ​ള്ള​ത്തി​ലും സ്കൂ​ട്ട​റി​ലും ഷാ​ജ​ഹാ​ൻ പോ​യി​രു​ന്ന കാ​ല​മു​ണ്ട്. അ​ന്നു കൊ​ച്ചി​ക്ക് അ​ക്ക​രെ വ​ല്ലാ​ർ​പാ​ട​വും മു​ള​വു​കാ​ടു​മൊ​ക്കെ ഒ​റ്റ​പ്പെ​ട്ട തു​രു​ത്തു​ക​ളാ​യി​രു​ന്നു. ഗോ​ശ്രീ പാ​ല​വും വ​ല്ലാ​ർ​പാ​ടം ടെ​ർ​മി​ന​ലു​മൊ​ക്കെ വ​ന്ന് ഗ്രാ​മം ന​ഗ​ര​ത്തോ​ടു കൈ​കോ​ർ​ത്ത​തോ​ടെ യാ​ത്ര സു​ഗ​മ​മാ​യി.

വി​ക​സ​നം വ​ന്ന് അ​യ​ൽ​ക്കാ​ർ ഏ​റെ​യും കാ​ലി​വ​ള​ർ​ത്ത​ൽ നി​ർ​ത്തി ന​ഗ​ര​ത്തി​ൽ ജോ​ലി തേ​ടി പോ​യ​തോ​ടെ ഗ്രാ​മ​ത്തി​ൽ ശു​ദ്ധ​മാ​യ പാ​ൽ കി​ട്ടാ​നി​ല്ലാ​താ​യി. അ​ക്കാ​ല​ത്തും പ​ശു​ക്ക​ളെ കൈ​വി​ടാ​തി​രു​ന്ന ഷാ​ജ​ഹാ​ൻ ക്ഷീ​ര​സം​ഘ​ത്തി​ലേ​ക്കു പോ​കു​ന്പോ​ൾ സ്കൂ​ട്ട​ർ ത​ട​ഞ്ഞ് അ​യ​ൽ​ക്കാ​ർ പാ​ൽ ആ​വ​ശ്യ​പ്പെ​ട്ട​തോ​ടെ നാ​ട്ടി​ൽ ചി​ല്ല​റ വി​ല്പ​ന തു​ട​ങ്ങി.

പാ​ൽ കേ​ടു​വ​രാ​തെ സീ​ൽ ചെ​യ്ത പ്ലാ​സ്റ്റി​ക് ക​വ​റു​ക​ളി​ലാ​ക്കി വേ​ണം വീ​ടു​ക​ളി​ൽ കൊ​ടു​ക്കാ​ൻ. എ​ന്നാ​ൽ, പ​ല​പ്പോ​ഴും വൈ​ദ്യു​തി​മു​ട​ക്കം വി​ല്ല​നാ​യെ​ത്തി. പാ​ലും പാ​യ്ക്കിം​ഗ് മെ​ഷീ​നു​മാ​യി വൈ​പ്പി​നി​ലെ ബ​ന്ധു​വീ​ട്ടി​ലേ​ക്കു പു​ല​ർ​ച്ചെ പ​ല​പ്പോ​ഴും പാ​യേ​ണ്ടി​വ​ന്നു. മാ​ത്ര​മ​ല്ല ക​റ​വ​യ​ന്ത്രം പ്ര​വ​ർ​ത്തി​പ്പി​ക്കാ​നും ഹൈ​ഡ്രോ​പോ​ണി​ക്സ് ഫോ​ഡ​ർ ഉ​ത്പാ​ദി​പ്പി​ക്കു​ന്ന​തി​നു​മൊ​ക്കെ വൈ​ദ്യു​തി കൂ​ടി​യേ തീ​രൂ.

ഗ​വേ​ഷ​ക മ​ന​സ്

ഇ​ങ്ങ​നെ ദു​രി​ത​പ്പെ​ടു​ന്ന​തി​നി​ട​യി​ലാ​ണ് ആ​ത്മ പ​ദ്ധ​തി​യു​ടെ ഭാ​ഗ​മാ​യി തു​ന്പൂ​ർ​മു​ഴി​യി​ലെ ക​ന്നു​കാ​ലി പ്ര​ജ​ന​ന​കേ​ന്ദ്രം സ​ന്ദ​ർ​ശി​ക്കാ​നി​ട​യാ​യ​ത്. അ​വി​ടെ ചാ​ണ​ക​ത്തി​ൽ​നി​ന്നു ബ​യോ​ഗ്യാ​സ് ഉ​ത്പാ​ദി​പ്പി​ക്കു​ന്ന​തു ക​ണ്ട​പ്പോ​ൾ ഈ ​ഇ​ന്ധ​നം വൈ​ദ്യു​തി​യാ​ക്കി​ക്കൂ​ടേ എ​ന്നാ​യി ചി​ന്ത. പ്ര​കൃ​തി​വാ​ത​ക​ത്തി​ൽ വാ​ഹ​നം ഓ​ടി​ക്കു​ക​യും വൈ​ദ്യു​തി ഉ​ത്പാ​ദി​പ്പി​ക്കു​ക​യും ചെ​യ്യാ​മെ​ങ്കി​ൽ ഗോ​ബ​ർ ഗ്യാ​സും സാ​ധ്യ​ത​ത​ന്നെ.

വാ​യി​ച്ചും നി​രീ​ക്ഷി​ച്ചും ഇ​തി​നു​ള്ള പ്രാ​യോ​ഗി​ക സാ​ധ്യ​ത​ക​ൾ ഷാ​ജ​ഹാ​ൻ പ​ഠി​ച്ചു​കൊ​ണ്ടി​രു​ന്നു. ആ​ത്മ​യും വെ​റ്റ​റി​ന​റി വ​കു​പ്പി​ലെ വി​ദ​ഗ്ധ​രും പി​ന്തു​ണ ഉ​റ​പ്പാ​ക്കി​യ​തോ​ടെ വീ​ട്ടി​ലൊ​രു പ്ലാ​ന്‍റ് നി​ർ​മി​ച്ചു. അ​തി​ന് ഏ​ഴ​ര ല​ക്ഷ​ത്തോ​ളം രൂ​പ ചെ​ല​വു​ണ്ടാ​യി. ഒ​ന്ന​ര ല​ക്ഷം രൂ​പ സ​ബ്സി​ഡി ല​ഭി​ച്ചു. അ​ങ്ങ​നെ ആ​ത്മ പ്ല​സ് പ​ദ്ധ​തി​യു​ടെ സാ​ന്പ​ത്തി​ക സ​ഹാ​യ​ത്തോ​ടെ ഗോ​ബ​ർ ഗ്യാ​സ് ത​യാ​റാ​ക്കി​ത്തു​ട​ങ്ങി. ഈ ​വാ​ത​കം സം​ഭ​രി​ച്ചു​വ​യ്ക്കാ​നാ​യി അ​ടു​ത്ത ശ്ര​മം.

പ​രീ​ക്ഷ​ണം

അ​ങ്ങ​നെ​യാ​ണ് റ​ബ​ർ ബ​ലൂ​ൺ കൊ​ണ്ടു​വ​രു​ന്ന​ത്. വ​ലി​യ റ​ബ​ർ ബ​ലൂ​ണി​നു​ള്ളി​ലാ​യി​രു​ന്നു ബ​യോ​ഗ്യാ​സ് സം​ഭ​ര​ണം. ഫാ​മി​ന്‍റെ പി​ൻ​വ​ശ​ത്തു​ള്ള പ്ലാ​ന്‍റി​ൽ​നി​ന്നു കു​ഴ​ൽ വ​ഴി ബ​ലൂ​ണി​നു​ള്ളി​ൽ വാ​ത​കം സം​ഭ​രി​ക്കു​ന്നു. ബ​യോ​ഗ്യാ​സ് നി​റ​യു​ന്ന​തി​ന​നു​സ​രി​ച്ചു പ​തി​ന​യ്യാ​യി​രം ലി​റ്റ​ർ സം​ഭ​ര​ണ​ശേ​ഷി​യു​ള്ള ബ​ലൂ​ണ്‍ മു​റി​യു​ടെ മേ​ൽ​ത്ത​ട്ട് വ​രെ വി​ക​സി​ക്കും. അ​ള​വ് പ​രി​ധി ക​ട​ന്നാ​ൽ പു​റ​ന്ത​ള്ളാ​നും ഇ​തി​ൽ സം​വി​ധാ​ന​മു​ണ്ടാ​യി​രു​ന്നു. എ​ന്നാ​ൽ, എ​ലി വി​ല്ല​നാ​യ​തോ​ടെ ബ​ലൂ​ൺ പ​രി​പാ​ടി അ​വ​സാ​നി​പ്പി​ക്കേ​ണ്ടി വ​ന്നു. ഇ​പ്പോ​ൾ നേ​രി​ട്ടു ഗ്യാ​സ് ടാ​ങ്കി​ൽ​നി​ന്നു ജ​ന​റേ​റ്റ​റി​ലേ​ക്കു വാ​ത​കം ക​ട​ത്തി​വി​ട്ടാ​ണ് വൈ​ദ്യു​തി ഉ​ത്പാ​ദ​നം.

ഇ​തി​ന് ഒ​രു സാ​ധാ​ര​ണ ഡീ​സ​ൽ ജ​ന​റേ​റ്റ​റും അ​നു​ബ​ന്ധ സം​വി​ധാ​ന​ങ്ങ​ളും ഒ​രു​ക്കു​ന്ന ചെ​ല​വേ​യു​ള്ളു​വെ​ന്നാ​ണ് ഷാ​ജ​ഹാ​ന്‍റെ അ​നു​ഭ​വം. വൈ​ദ്യു​തി നി​ർ​മാ​ണ പ​രീ​ക്ഷ​ണം വി​ജ​യി​ക്കു​മോ എ​ന്നു തു​ട​ക്ക​ത്തി​ൽ ആ​ശ​ങ്ക​യു​ണ്ടാ​യി​രു​ന്ന​തി​നാ​ൽ അ​ഞ്ച​ര എ​ച്ച്പി​യു​ടെ പ​ഴ​യൊ​രു ഡീ​സ​ൽ ജ​ന​റേ​റ്റ​ർ എ​ണ്‍​പ​തി​നാ​യി​രം രൂ​പ​യ്ക്കു വാ​ങ്ങു​ക​യാ​യി​രു​ന്നു. പ​ഴ​യ ജ​ന​റേ​റ്റ​റി​നു ര​ണ്ടു കു​ഴ​പ്പ​ങ്ങ​ളു​ണ്ടെ​ന്ന് ഇ​ദ്ദേ​ഹം പ​റ​യു​ന്നു. പ​ഴ​യ​തി​ന് വൈ​ദ്യു​തി ഉ​ത്പാ​ദ​ന​ശേ​ഷി കു​റ​വാ​ണ്. അ​തു​പോ​ലെ പ്ര​വ​ർ​ത്തി​പ്പി​ക്കു​ന്പോ​ൾ വ​ലി​യ ശ​ബ്ദ​വും.

പു​തി​യ ജ​ന​റേ​റ്റ​ർ ആ​ണെ​ങ്കി​ൽ ഈ ​ര​ണ്ടു പ്ര​ശ്ന​വും പ​രി​ഹ​രി​ക്കാം. ചാ​ണ​ക​ത്തി​ലെ മീ​തെ​യ്ൻ അ​ള​വ് കൂ​ടു​ന്ന​തി​ന​നു​സ​രി​ച്ച് ഇ​ന്ധ​ന​ത്തി​ന്‍റെ കാ​ര്യ​ക്ഷ​മ​ത കൂ​ടും. ബ​യോ​ഗ്യാ​സി​ൽ കാ​ർ​ബ​ണ്‍ ഡ​യോ​ക്സൈ​ഡ്, നീ​രാ​വി എ​ന്നി​വ​യു​ടെ അം​ശം കൂ​ടി​യാ​ൽ കാ​ര്യ​ക്ഷ​മ​ത കു​റ​യും. അ​തി​നാ​ൽ ഈ ​തൊ​ഴു​ത്തി​ൽ ഫി​ൽ​ട്ട​ർ ഉ​പ​യോ​ഗി​ച്ചാ​ണ് ബ​യോ​ഗ്യാ​സ് ജ​ന​റേ​റ്റ​റു​ക​ൾ ഘ​ടി​പ്പി​ച്ചി​രി​ക്കു​ന്ന​ത്. വീ​ട്ടി​ലേ​ക്ക് ആ​വ​ശ്യ​മാ​യ വൈ​ദ്യു​തി ഉ​ത്പാ​ദി​പ്പി​ക്കാ​ൻ ഈ ​പ്ലാ​ന്‍റി​നു ശേ​ഷി​യു​ണ്ട്. അ​തേ​സ​മ​യം, ക​രു​ത​ൽ എ​ന്ന നി​ല​യി​ൽ വൈ​ദ്യു​തി, പാ​ച​ക​വാ​ത​ക ക​ണ​ക്‌​ഷ​നു​ക​ൾ നി​ല​നി​ർ​ത്തി​യി​ട്ടു​ണ്ട്.

ചെ​റു​ത​ല്ല സാ​ധ്യ​ത

പ​ശു​ക്ക​ൾ ഇ​ത്ര വ​ലി​യ ഉ​പ​കാ​രി​ക​ളാ​യി മാ​റി​യ​തി​ൽ ഷാ​ജ​ഹാ​ന് ആ​ശ്വാ​സം, ഒ​പ്പം വൈ​ദ്യു​തി​ച്ചെ​ല​വ് മി​ണ്ടാ​പ്രാ​ണി​ക​ൾ വ​ഹി​ക്കു​മെ​ന്ന സ​ന്തോ​ഷ​വും. വീ​ട്ടി​ലെ മൂ​ന്നു മു​റി​ക​ളി​ലേ​ക്കും അ​ടു​ക്ക​ള​യി​ലേ​ക്കും തൊ​ഴു​ത്തി​ലേ​ക്കും ഈ ​വൈ​ദ്യു​തി ധാ​രാ​ളം. നി​ന്നു​തി​രി​യാ​നു​ള്ള സ്ഥ​ല​മേ​യു​ള്ളെ​ങ്കി​ലും പ​ശു​ക്ക​ൾ ഇ​ദ്ദേ​ഹ​ത്തി​നു ഭാ​ര​മാ​കു​ന്നി​ല്ല. പ​ക​ൽ വ​ഴി​യോ​ര​ത്തും പു​ൽ​ക്കാ​ട്ടി​ലു​മൊ​ക്കെ മേ​യാ​ൻ വി​ടും. അ​തി​നാ​ൽ രാ​ത്രി​യി​ൽ തൊ​ഴു​ത്തി​ൽ വീ​ഴു​ന്ന ചാ​ണ​കം മാ​ത്ര​മാ​ണ് പ്ലാ​ന്‍റി​ൽ പ്ര​യോ​ജ​ന​പ്പെ​ടു​ന്ന​ത്.

ജ​ന​റേ​റ്റ​ർ സ്റ്റാ​ർ​ട്ടാ​ക്കാ​ൻ വേ​ണ്ട ഏ​ഴെ​ട്ടു ലി​റ്റ​ർ ഡീ​സ​ൽ മാ​ത്ര​മേ ചെ​ല​വാ​യി വ​രു​ന്നു​ള്ളു. ഫാം ​വി​പു​ല​മാ​ക്കി​യാ​ൽ ചാ​ണ​ക വൈ​ദ്യു​തി അ​യ​ൽ​വാ​സി​ക​ൾ​ക്കു​കൂ​ടി ന​ൽ​കാ​മെ​ന്ന സാ​ധ്യ​ത​യും ഇ​ദ്ദേ​ഹം ത​ള്ളി​ക്ക​ള​യു​ന്നി​ല്ല. വൈ​ദ്യു​തി​നി​ര​ക്കും പാ​ച​ക​വാ​ത​ക വി​ല​യും ഭീ​ഷ​ണി​യാ​കു​ന്ന സാ​ഹ​ച​ര്യ​ത്തി​ൽ ഒ​ന്നു ര​ണ്ടു പ​ശു​ക്ക​ളെ വ​ള​ർ​ത്തു​ന്ന​വ​ർ​ക്കെ​ല്ലാം ഇ​തു പ​രീ​ക്ഷി​ക്കാ​മെ​ന്ന് അ​ദ്ദേ​ഹം പ​റ​യു​ന്നു. പ്ര​ത്യേ​കി​ച്ച് നി​ല​വി​ൽ ഗ്യാ​സ് പ്ലാ​ന്‍റ് ഉ​ള്ള​വ​ർ​ക്ക്.

പ​വ​ർ​ക​ട്ടും പ്ര​സ​ര​ണ പ്ര​ശ്ന​ങ്ങ​ളു​മൊ​ന്നും ഈ ​കു​ടും​ബ​ത്തെ ബാ​ധി​ക്കു​ന്നി​ല്ല. തൊ​ഴു​ത്തി​ൽ രാ​ത്രി ലൈ​റ്റും വേ​ന​ലി​ൽ കാ​ലി​ക​ൾ​ക്കു കു​ളി​ർ​മ ന​ൽ​കാ​ൻ ഫാ​നു​മൊ​ക്കെ പ്ര​വ​ർ​ത്തി​പ്പി​ക്കു​ന്ന​വ​ർ നി​ര​വ​ധി. ഇ​തു വൈ​ദ്യു​തി​ച്ചാ​ർ​ജ് കൂ​ട്ടും. സാ​ങ്കേ​തി​ക വി​ദ്യ ഇ​ത്ര​യൊ​ന്നും പ​രി​ചി​ത​മ​ല്ലാ​ത്ത വ​ട​ക്കേ ഇ​ന്ത്യ​ൻ ഗ്രാ​മ​ങ്ങ​ളി​ൽ ക​ർ​ഷ​ക​ർ ബ​യോ​ഗ്യാ​സ് ജ​ന​റേ​റ്റ​റു​ക​ൾ ഇ​ക്കാ​ല​ത്തു വ്യാ​പ​ക​മാ​യി ഉ​പ​യോ​ഗി​ക്കു​ന്ന​താ​യി ഷാ​ജ​ഹാ​ൻ ചൂ​ണ്ടി​ക്കാ​ട്ടു​ന്നു.

അ​ടു​ക്ക​ള വാ​ത​ക​വും വൈ​ദ്യു​തി​യും തൊ​ഴു​ത്തി​ൽ​നി​ന്ന് ഉ​ത്പാ​ദി​പ്പി​ക്കു​ന്ന ല​ക്ഷ​ക്ക​ണ​ക്കി​നാ​ളു​ക​ൾ ഇ​ത​ര സം​സ്ഥാ​ന​ങ്ങ​ളി​ലു​ണ്ട്. അ​വി​ടൊ​ക്കെ ഇ​ത്ത​രം പ്ലാ​ന്‍റ് നി​ർ​മി​ക്കാ​ൻ സ​ർ​ക്കാ​ർ ലോ​ണും സ​ബ്സി​ഡി​യും ല​ഭ്യ​മാ​ണു​താ​നും. ക്ഷീ​ര​ക​ർ​ഷ​ക​ർ​ക്കു വ്യാ​പ​ക​മാ​യി ഉ​പ​യോ​ഗ​പ്പെ​ടു​ത്താ​വു​ന്ന സാ​ധ്യ​ത​യാ​യി തൊ​ഴു​ത്തു വൈ​ദ്യു​തി കേ​ര​ള​ത്തി​ൽ പ്ര​ചാ​ര​ത്തി​ലെ​ത്തി​ക്ക​ണ​മെ​ന്നാ​ണ് അ​ദ്ദേ​ഹ​ത്തി​ന്‍റെ അ​ഭി​പ്രാ​യം. ഷാ​ജ​ഹാ​നെ സ​ഹാ​യി​ക്കാ​ൻ ഭാ​ര്യ ര​ജി​ത​യും സ്റ്റാ​ർ​ട്ട​പ് മി​ഷ​നി​ൽ ജോ​ലി ചെ​യ്യു​ന്ന മ​ക​ൻ രാ​ഹു​ൽ​ഷാ​യും മ​രു​മ​ക​ൾ ഗോ​പി​ക​യും ഒ​പ്പ​മു​ണ്ട്. ബി.​എ. ഷാ​ജ​ഹാ​ൻ: 9495559616.

പ​ല​തു​ണ്ട് ഗു​ണ​ങ്ങ​ൾ

കേ​ര​ള​ത്തി​ൽ 9.5 ല​ക്ഷ​ത്തോ​ളം ക്ഷീ​ര ക​ർ​ഷ​ക​രു​ണ്ട്. ദി​വ​സം 14 ല​ക്ഷം ലി​റ്റ​റോ​ളം ശ​രാ​ശ​രി പാ​ൽ ഉ​ത്പാ​ദ​ന​വും. 16 ല​ക്ഷം ലി​റ്റ​ർ ഉ​പ​യോ​ഗ​മു​ള്ള കേ​ര​ള​ത്തി​ൽ ക്ഷീ​ര​മേ​ഖ​ല​യ്ക്ക് ഇ​നി​യും സാ​ധ്യ​ത ബാ​ക്കി. പാ​ൽ​വി​ല ഉ​യ​ര​ണ​മെ​ന്നും കൂ​ടു​ത​ൽ ലാ​ഭം ല​ഭി​ക്ക​ണ​മെ​ന്നും എ​ല്ലാ ക്ഷീ​ര ക​ർ​ഷ​ക​ർ​ക്കും ആ​ഗ്ര​ഹ​മു​ണ്ട്. പ​ക്ഷേ, തീ​റ്റ​ച്ചെ​ല​വാ​ണ് പ​രി​മി​തി.

ഈ ​നി​ല​യി​ൽ വൈ​ദ്യു​തി​ച്ചെ​ല​വ് തൊ​ഴു​ത്തി​ൽ​നി​ന്നു ല​ഭി​ച്ചാ​ൽ​ത്ത​ന്നെ മാ​സം ന​ല്ലൊ​രു തു​ക ലാ​ഭി​ക്കാ​മെ​ന്നു ഷാ​ജ​ഹാ​ൻ പ​റ​യു​ന്നു. ഗോ​ബ​ർ​ഗ്യാ​സ് ഉ​ത്പാ​ദ​ന​ത്തി​നു ശേ​ഷം ടാ​ങ്കി​ൽ അ​വ​ശേ​ഷി​ക്കു​ന്ന സ്ല​റി ഒ​ന്നാം ത​രം ജൈ​വ​വ​ള​വു​മാ​ണ്. ദി​വ​സം 150 ലി​റ്റ​ർ സ്ല​റി പ്ലാ​ന്‍റി​ൽ​നി​ന്നു ല​ഭി​ക്കു​ന്ന​ത് സ​മീ​പ​വാ​സി​ക​ൾ പ്ര​യോ​ജ​ന​പ്പെ​ടു​ത്തു​ക​യാ​ണ്. ഒ​രാ​ളോ​ടും ഇ​തി​നു പ​ണം വാ​ങ്ങാ​റി​ല്ല.

ഇ​തു കൃ​ഷി​യി​ട​ങ്ങ​ളി​ൽ ഉ​പ​യോ​ഗി​ക്കു​ന്ന​വ​ർ രാ​സ​വ​ള​ത്തി​നോ മ​റ്റ് വ​ള​ങ്ങ​ൾ​ക്കോ ന​യാ പൈ​സ ചെ​ല​വ​ഴി​ക്കു​ന്നു​മി​ല്ല. മാ​ത്ര​മ​ല്ല സ​മീ​പ പ്ര​ദേ​ശ​ങ്ങ​ളി​ലെ കൃ​ഷി​യി​ട​ങ്ങ​ൾ അ​പ്പാ​ടെ ജൈ​വ​സ​ന്പു​ഷ്ട​മാ​യി മാ​റു​ക​യും ചെ​യ്തി​രി​ക്കു​ന്നു.

വ​ലി​യ സാ​ധ്യ​ത; സ​ർ​ക്കാ​ർ മു​ൻ​കൈ​യെ​ടു​ക്ക​ണം

പ​രി​ഷ്കാ​ര​ങ്ങ​ളും മെ​ച്ച​പ്പെ​ടു​ത്ത​ലു​ക​ളും ഇ​നി​യും ആ​വ​ശ്യ​മു​ള്ള സം​വി​ധാ​ന​മാ​ണ് ത​ന്‍റേ​തെ​ന്നു സ​മ്മ​തി​ക്കു​ന്പോ​ൾ​ത്ത​ന്നെ തൊ​ഴു​ത്തു​വൈ​ദ്യു​തി വ​ലി​യ സാ​ധ്യ​ത​യാ​ണെ​ന്നു ഷാ​ജ​ഹാ​ൻ പ​റ​യു​ന്നു. സൗ​രോ​ർ​ജം പോ​ലും മ​ഴ​ക്കാ​റും മ​ഴ​യു​മു​ള്ള​പ്പോ​ൾ പ​ണി​മു​ട​ക്കാം എ​ന്നാ​ൽ, ഗോ​ബ​ർ ഗ്യാ​സി​നെ അ​തും ബാ​ധി​ക്കി​ല്ല. ശാ​സ്ത്ര​പ്ര​തി​ഭ​ക​ളും സ്റ്റാ​ർ​ട്ട​പ്പ് സം​രം​ഭ​ക​രും ഈ ​സാ​ധ്യ​ത​യെ ജ​ന​കീ​യ​മാ​ക്കാ​ൻ ഗ​വേ​ഷ​ണം ന​ട​ത്ത​ണം.

മൂ​ന്നു മെ​ഗാ​വാ​ട്ട് ജ​ല​വൈ​ദ്യു​ത പ​ദ്ധ​തി​ക്ക് ഇ​ക്കാ​ല​ത്ത് 20 കോ​ടി രൂ​പ​യോ​ളം ചെ​ല​വു വ​രു​മെ​ന്നി​രി​ക്കെ എ​ല്ലാ തൊ​ഴു​ത്തു​ക​ളോ​ടു ചേ​ർ​ന്നും ഗോ​ബ​ർ വൈ​ദ്യു​തി യൂ​ണി​റ്റ് തു​ട​ങ്ങാ​ൻ സ​ർ​ക്കാ​ർ സ​ബ്സി​ഡി ന​ൽ​കു​മെ​ങ്കി​ൽ അ​തു വ​ലി​യ സാ​ധ്യ​ത​യാ​ണ്.

പ​ക്ഷേ, വീ​ഴ്ച​യി​ല്ലാ​ത്ത സാ​ങ്കേ​തി​ക​മി​ക​വ് ഉ​ണ്ടാ​വ​ണ​മെ​ന്നു മാ​ത്രം. പ​ണ​ച്ചെ​ല​വി​ല്ലാ​ത്ത വൈ​ദ്യു​തി യാ​ഥാ​ർ​ഥ്യ​മാ​യാ​ൽ ക​റ​വ​യ​ന്ത്ര​വും പ്ര​ഷ​ർ​വാ​ഷ​റും ഹൈ​ഡ്രോ​പോ​ണി​ക്സ് ഫോ​ഡ​ർ മെ​ഷീ​നും ചി​ല്ല​റു​മൊ​ക്കെ ക​ർ​ഷ​ക​ർ​ക്ക് ഉ​പ​യോ​ഗി​ക്കാം. പാ​ൽ ഫ്രീ​സ​റി​ൽ സൂ​ക്ഷി​ച്ചു​വ​ച്ചു കൂ​ടു​ത​ൽ ആ​ദാ​യ​ക​ര​മാ​യി വി​പ​ണി​യി​ലെ​ത്തി​ക്കു​ക​യും ചെ​യ്യാം.

റെ​ജി ജോ​സ​ഫ്


Copyright @ 2022 , Rashtra Deepika Ltd.