കു​ട്ട​നാ​ടി​ന്‍റെ ഡോ​ക്ട​റ​മ്മ​യും മ​ക​നും
പ​ഞ്ച​ന​ക്ഷ​ത്ര ആ​ശു​പ​ത്രി​ക​ളി​ലെ ഗ്ലാ​മ​ർ ജോ​ലി​യും സൗ​ക​ര്യ​ങ്ങ​ളും വ​ൻ പ്ര​തി​ഫ​ല​വും വേ​ണ്ടെ​ന്നു വ​ച്ചു സ്വ​ന്തം കൈ​യി​ലെ പ​ണം മു​ട​ക്കി ഒ​രു സ​ർ​ക്കാ​ർ ആ​ശു​പ​ത്രി​യി​ൽ വ​ന്നു തി​ക​ച്ചും സൗ​ജ​ന്യ​മാ​യി സേ​വ​നം ചെ​യ്യു​ക... ഇ​ങ്ങ​നെ​യും ഡോ​ക്ട​ർ​മാ​രു​ണ്ടോ​യെ​ന്നു സം​ശ​യ​മു​ണ്ടെ​ങ്കി​ൽ നേ​രേ ആ​ല​പ്പു​ഴ പു​ളി​ങ്കു​ന്ന് താ​ലൂ​ക്ക് ആ​ശു​പ​ത്രി​യി​ലേ​ക്കു പോ​ന്നോ​ളൂ... അ​വി​ടെ ഡോ. ​ഗ്രേ​സ് ജോ​ർ​ജും മ​ക​ൻ ഡോ. ​മാ​ത്യു ജോ​ർ​ജും സ്നേ​ഹ​ത്തി​ന്‍റെ സ്റ്റെ​ത​സ്കോ​പ്പു​മാ​യി നി​ങ്ങ​ളെ കാ​ത്തി​രി​ക്കു​ന്നു. ആ​ശു​പ​ത്രി​യി​ൽ മാ​ത്ര​മ​ല്ല ഇ​വ​രു​ടെ സൗ​ജ​ന്യ സേ​വ​നം...

പു​ളി​ങ്കു​ന്ന് താ​ലൂ​ക്ക് ആ​ശു​പ​ത്രി... രോ​ഗി​ക​ളു​ടെ തി​ര​ക്ക് കൂ​ടി​വ​രു​ന്നു. കു​ട്ട​നാ​ട്ടി​ൽ പു​ളി​ങ്കു​ന്ന് മേ​ഖ​ല​യി​ൽ നൂ​റു​ക​ണ​ക്കി​നു ജ​ന​ങ്ങ​ളു​ടെ ആ​ശ്ര​യ​മാ​ണ് ഈ ​താ​ലൂ​ക്ക് ആ​ശു​പ​ത്രി. രാ​വി​ലെ​ത​ന്നെ രോ​ഗി​ക​ളു​ടെ തി​ര​ക്കാ​ണ്. തി​ക്കി​ത്തി​ര​ക്കു​ന്ന രോ​ഗി​ക​ൾ​ക്കി​ട​യി​ൽ ക്ഷ​മ​യോ​ടെ അ​വ​രെ പ​രി​ശോ​ധി​ക്കു​ക​യും മ​രു​ന്നു​കു​റി​ക്കു​ക​യും ഉ​പ​ദേ​ശ​ങ്ങ​ൾ ന​ൽ​കു​ക​യു​മാ​ണ് എ​ഴു​പ​തു​കാ​രി ഡോ. ​ഗ്രേ​സ് ജോ​ർ​ജ്.

കു​ട്ട​നാ​ട്ടു​കാ​രു​ടെ പ്രി​യ​പ്പെ​ട്ട ഡോ​ക്ട​റ​മ്മ. പ്രാ​യ​മാ​യ പ​ല​ർ​ക്കും ഡോ​ക്ട​റ​മ്മ​യെ ക​ണ്ടു മ​രു​ന്നു​വാ​ങ്ങി​ച്ചി​ല്ലെ​ങ്കി​ൽ തൃ​പ്തി​യി​ല്ല. കാ​ര​ണം, മ​രു​ന്നു​മാ​ത്ര​മ​ല്ല മ​ന​സു​കൂ​ടി ത​ന്നാ​ണ് ഡോ​ക്‌​ട​റ​മ്മ ഒാ​രോ രോ​ഗി​യെ​യും യാ​ത്ര​യാ​ക്കു​ന്ന​ത്. ഡോ. ​ഗ്രേ​സ് ജോ​ർ​ജ് ഇ​വി​ടെ രോ​ഗി​ക​ളെ പ​രി​ശോ​ധി​ക്കു​ന്പോ​ൾ അ​പ്പു​റ​ത്തെ മു​റി​യി​ൽ മ​ക​ൻ ഡോ. ​മാ​ത്യു ജോ​ർ​ജ് വാ​ച്ചാ​പ​റ​ന്പി​ലും രോ​ഗി​ക​ളു​ടെ ന​ടു​വി​ലാ​യി​രി​ക്കും. രോ​ഗി​ക​ളെ പ​രി​ശോ​ധി​ക്കു​ന്നു, ചി​കി​ത്സ നി​ശ്ച​യി​ക്കു​ന്നു...

ഇ​ങ്ങ​നെ​യും ഡോ​ക്ട​ർ

എ​ഴു​പ​തു​കാ​രി എ​ങ്ങ​നെ​യാ​ണ് സ​ർ​ക്കാ​രി​ന്‍റെ താ​ലൂ​ക്ക് ആ​ശു​പ​ത്രി​യി​ൽ ഡോ​ക്ട​റാ​യി ജോ​ലി ചെ​യ്യു​ന്ന​തെ​ന്നാ​യി​രി​ക്കും ഇ​പ്പോ​ൾ പ​ല​രു​ടെ​യും മ​ന​സി​ൽ ഉ​യ​രു​ന്ന ചോ​ദ്യം. എ​ന്നാ​ൽ, ഇ​നി പ​റ​യു​ന്ന​തു കേ​ട്ടാ​ൽ നി​ങ്ങ​ൾ അ​ദ്ഭു​ത​പ്പെ​ടും... ഒ​രു​നി​മി​ഷം മ​ന​സു​കൊ​ണ്ടെ​ങ്കി​ലും ഡോ​ക്ട​ർ ഗ്രേ​സ് ജോ​ർ​ജി​നെ​യും ഡോ. ​മാ​ത്യു​വി​നെ​യും ചേ​ർ​ത്തു​പി​ടി​ക്കും.

കാ​ര​ണം, ഒ​റ്റ പൈ​സ പോ​ലും പ്ര​തി​ഫ​ലം വാ​ങ്ങാ​തെ​യാ​ണ് ക​ഴി​ഞ്ഞ ഒ​രു വ​ർ​ഷ​മാ​യി ഡോ. ​ഗ്രേ​സും മ​ക​ൻ ഡോ. ​മാ​ത്യു​വും പു​ളി​ങ്കു​ന്ന് താ​ലൂ​ക്ക് ആ​ശു​പ​ത്രി​യി​ൽ സേ​വ​നം ചെ​യ്തു​കൊ​ണ്ടി​രി​ക്കു​ന്ന​ത്. പ്ര​തി​ഫ​ലം വാ​ങ്ങു​ന്നി​ല്ലെ​ന്നു മാ​ത്ര​മ​ല്ല, പാ​വ​പ്പെ​ട്ട രോ​ഗി​ക​ൾ​ക്കു മ​രു​ന്നു വാ​ങ്ങി​ന​ൽ​കി​യും വീ​ട്ടി​ലെ​ത്തി ചി​കി​ത്സി​ച്ചു​മൊ​ക്കെ അ​വ​ർ പ​ല​ർ​ക്കും മാ​ലാ​ഖ​മാ​രാ​യി മാ​റു​ക​യും​ചെ​യ്യു​ന്നു.

കേ​ട്ടി​ട്ട് അ​വി​ശ്വ​സ​നീ​യ​മെ​ന്നു തോ​ന്നു​ന്നു​ണ്ടോ? സ​ർ​ക്കാ​ർ ത​രു​ന്ന ശ​ന്പ​ളം പോ​രാ​ഞ്ഞ് രോ​ഗി​ക​ളോ​ടു കൈ​ക്കൂ​ലി വാ​ങ്ങു​ന്ന ഡോ​ക്ട​ർ​മാ​രു​ടെ ക​ഥ പ​ല​പ്പോ​ഴും ന​മ്മ​ൾ കേ​ട്ടി​ട്ടു​ണ്ട്. സ​ർ​ക്കാ​ർ ആ​ശു​പ​ത്രി​യി​ൽ ജോ​ലി ചെ​യ്യാ​ൻ മ​ടി​ച്ച് രാ​ജി​വ​ച്ചു സ്വ​കാ​ര്യ ആ​ശു​പ​ത്രി​ക​ളി​ലേ​ക്കു പോ​കു​ന്ന ഡോ​ക്ട​ർ​മാ​രു​ടെ ക​ഥ ന​മ്മ​ൾ കേ​ട്ടി​ട്ടു​ണ്ട്... കൂ​ടി​യ പ്ര​തി​ഫ​ല​ത്തി​നു​വേ​ണ്ടി ആ​ശു​പ​ത്രി​ക​ളി​ൽ​നി​ന്ന് ആ​ശു​പ​ത്രി​ക​ളി​ലേ​ക്കു പ​റ​ക്കു​ന്ന ഡോ​ക്ട​ർ​മാ​രു​ടെ ക​ഥ​ക​ൾ​ക്കും പ​ഞ്ഞ​മി​ല്ല... അ​തി​നി​ട​യി​ൽ മു​ൻ​നി​ര ആ​ശു​പ​ത്രി​ക​ളി​ലെ ഗ്ലാ​മ​ർ ജോ​ലി​യും സൗ​ക​ര്യ​ങ്ങ​ളും വ​ന്പ​ൻ പ്ര​തി​ഫ​ല​വും വേ​ണ്ടെ​ന്നു​വ​ച്ചു സ്വ​ന്തം കൈ​യി​ലെ പ​ണം മു​ട​ക്കി ഒ​രു സ​ർ​ക്കാ​ർ ആ​ശു​പ​ത്രി​യി​ൽ വ​ന്നു തി​ക​ച്ചും സൗ​ജ​ന്യ സേ​വ​നം ചെ​യ്യു​ക... ഇ​ന്ന​ത്തെ ത​ല​മു​റ​യി​ൽ അ​ധി​ക​മാ​ർ​ക്കും ചി​ന്തി​ക്കാ​നാ​വാ​ത്ത കാ​ര്യം.

സ്വ​ന്തം കാ​ര്യ​മെ​ല്ലാം ക​ഴി​ഞ്ഞ് ഇ​ട​വേ​ള​യോ സ​മ​യ​മോ കി​ട്ടു​ന്പോ​ൾ നേ​രം​പോ​ക്കി​നു ചെ​യ്യു​ന്ന ജോ​ലി​യാ​ണെ​ന്നു ധ​രി​ച്ചേ​ക്ക​രു​ത്. ഡോ. ​മാ​ത്യു ആ​ഴ്ച​യി​ൽ എ​ല്ലാ ദി​വ​സ​വും താ​ലൂ​ക്ക് ആ​ശു​പ​ത്രി​യി​ൽ കൃ​ത്യ​മാ​യെ​ത്തി രോ​ഗി​ക​ളെ പ​രി​ശോ​ധി​ക്കു​ന്നു​ണ്ട്. ഡോ. ​ഗ്രേ​സ് ജോ​ർ​ജ് ആ​ഴ്ച​യി​ൽ മൂ​ന്നു ദി​വ​സ​മാ​ണ് ആ​ശു​പ​ത്രി​യി​ൽ രോ​ഗി​ക​ളെ പ​രി​ശോ​ധി​ച്ചി​രു​ന്ന​ത്.

ഇ​പ്പോ​ൾ അ​തി​നൊ​പ്പം അ​ല്പം​കൂ​ടി ബു​ദ്ധി​മു​ട്ടു​ള്ള ഒ​രു ജോ​ലി​കൂ​ടി ചോ​ദി​ച്ചു​വാ​ങ്ങി​യി​രി​ക്കു​ക​യാ​ണ് ഈ ​ഡോ​ക്ട​റ​മ്മ. താ​ലൂ​ക്ക് ആ​ശു​പ​ത്രി​യു​മാ​യി ബ​ന്ധ​പ്പെ​ട്ടു​ള്ള പാ​ലി​യേ​റ്റീ​വ് കെ​യ​റി​ന്‍റെ ചു​മ​ത​ല​യാ​ണ് ഡോ. ​ഗ്രേ​സ് സൂ​പ്ര​ണ്ടി​നോ​ടു ചോ​ദി​ച്ചു​വാ​ങ്ങി​യ​ത്. രോ​ഗി​ക​ളെ​യും പാ​വ​ങ്ങ​ളെ​യും സ്നേ​ഹി​ക്കു​ക, പ​ണ​വും സൗ​ക​ര്യ​വു​മി​ല്ലാ​ത്ത​തി​ന്‍റെ പേ​രി​ൽ ചി​കി​ത്സ കി​ട്ടാ​ത്ത​വ​ർ​ക്കു സാ​ന്ത്വ​ന​മാ​വു​ക... ഇ​തി​ന​പ്പു​റം ഒ​ന്നു​മി​ല്ല ഈ ​സൗ​ജ​ന്യ സേ​വ​ന​ത്തി​നു പി​ന്നി​ൽ.

ആ ​പ​ര​സ്യം ക്ലി​ക്കാ​യി!

ഒ​രു വ​ർ​ഷം മു​ന്പ് പു​ളി​ങ്കു​ന്ന് താ​ലൂ​ക്ക് ആ​ശു​പ​ത്രി​യി​ലെ സൂ​പ്ര​ണ്ട് പ​ത്ര​ത്തി​ൽ ഒ​രു പ​ര​സ്യം കൊ​ടു​ത്തു. ആ​ശു​പ​ത്രി​യി​ൽ സൗ​ജ​ന്യ​മാ​യി സേ​വ​നം ചെ​യ്യാ​ൻ താ​ത്പ​ര്യ​മു​ള്ള​വ​ർ സ​മീ​പി​ക്കു​ക എ​ന്ന​താ​യി​രു​ന്നു പ​ര​സ്യം. ന​ഴ്സു​മാ​ർ, അ​റ്റ​ൻ​ഡ​ർ​മാ​ർ എ​ന്നി​ങ്ങ​നെ ആ​രെ​യെ​ങ്കി​ലും കു​റ​ച്ചു സ​മ​യ​ത്തേ​ക്ക് എ​ങ്കി​ലും കി​ട്ടി​യാ​ലോ എ​ന്ന​താ​യി​രു​ന്നു ഡോ​ക്ട​റു​ടെ ചി​ന്ത.

ഇ​ങ്ങ​നെ സൗ​ജ​ന്യ സേ​വ​ന​ത്തി​ന് ആ​രെ​ങ്കി​ലും വ​രു​മോ​യെ​ന്നു ചോ​ദി​ച്ച് അ​ന്നു സ​ഹ​പ്ര​വ​ർ​ത്ത​ക​ർ പ​ല​രും സൂ​പ്ര​ണ്ടി​നെ ക​ളി​യാ​ക്കി. എ​ന്നാ​ൽ, ര​ണ്ടു ദി​വ​സം ക​ഴി​ഞ്ഞ​പ്പോ​ൾ സൂ​പ്ര​ണ്ടി​നെ തേ​ടി ര​ണ്ടു പേ​രെ​ത്തി. ആ​രെ​ന്ന​റി​ഞ്ഞ​പ്പോ​ൾ സൂ​പ്ര​ണ്ട് പോ​ലും ഞെ​ട്ടി. ര​ണ്ടു ഡോ​ക്ട​ർ​മാ​ർ! ഡോ​ക്ട​ർ​മാ​ർ ആ​രെ​ങ്കി​ലും സൗ​ജ​ന്യ​സേ​വ​ന​ത്തി​നു വ​രു​മെ​ന്നു സ്വ​പ്ന​ത്തി​ൽ പോ​ലും അ​ദ്ദേ​ഹം ക​രു​തി​യി​രു​ന്നി​ല്ല.

സ്നേ​ഹം വീ​ടു​ക​ളി​ലേ​ക്ക്

ഇ​നി ന​മ്മ​ൾ പു​ളി​ങ്കു​ന്ന് താ​ലൂ​ക്ക് ആ​ശു​പ​ത്രി​യി​ൽ​നി​ന്നു പു​ളി​ങ്കു​ന്ന് പ​ഞ്ചാ​യ​ത്തി​ന്‍റെ ഊ​ടു​വ​ഴി​ക​ൾ താ​ണ്ടി ഹ​രി​യു​ടെ ഓ​ട്ടോ​റി​ക്ഷ​യ്ക്കു പി​ന്നാ​ലെ പോ​വു​ക​യാ​ണ്. ആ​ടി​യും ഉ​ല​ഞ്ഞും ആ ​ഒാ​ട്ടോ​റി​ക്ഷ ചെ​ന്നു​നി​ന്ന​ത് ഒ​രു ഇ​ടു​ങ്ങി​യ വ​ഴി​യി​ൽ. നി​ർ​ധ​ന​രാ​യ കി​ട​പ്പു​രോ​ഗി​ക​ളെ തേ​ടി​യാ​ണ് യാ​ത്ര. വ​ർ​ഷ​ങ്ങ​ളാ​യി ഒ​രേ കി​ട​പ്പ് കി​ട​ക്കു​ന്ന​വ​ർ, പ​ര​സ​ഹാ​യ​മി​ല്ലാ​തെ എ​ഴു​ന്നേ​ൽ​ക്കാ​ൻ ക​ഴി​യാ​ത്ത​വ​ർ, വീ​ടി​നു പു​റ​ത്തേ​ക്കു യാ​ത്ര ചെ​യ്യാ​നാ​വാ​ത്ത​വ​ർ, ചി​ല വീ​ടു​ക​ളി​ൽ വൃ​ദ്ധ​ദ​ന്പ​തി​ക​ൾ...

ഇ​ങ്ങ​നെ​യു​ള്ള​വ​രെ തേ​ടി​യാ​ണ് പ​ഞ്ചാ​യ​ത്തി​ന്‍റെ പാ​ലി​യേ​റ്റീ​വ് കെ​യ​ർ വാ​ഹ​നം എ​ത്തി​യി​രി​ക്കു​ന്ന​ത്. രോ​ഗി​യു​ടെ വീ​ട്ടി​ലേ​ക്കു ന​ട​പ്പു​വ​ഴി മാ​ത്ര​മേ​യു​ള്ളൂ. നി​റ​ഞ്ഞ ചി​രി​യു​മാ​യെ​ത്തു​ന്ന ഗ്രേ​സ് ഡോ​ക്ട​റെ കാ​ണു​ന്പോ​ൾ​ത്ത​ന്നെ പ​ല​ർ​ക്കും വ​ലി​യ ആ​ശ്വാ​സം. ആ ​മു​ഖ​ങ്ങ​ളി​ൽ തെ​ളി​യു​ന്ന സ​ന്തോ​ഷ​ത്തി​നും ആ​ശ്വാ​സ​ത്തി​നു​മ​പ്പു​റം മ​റ്റൊ​രു പ്ര​തി​ഫ​ല​മി​ല്ലെ​ന്നാ​ണ് ഡോ​ക്ട​റ​മ്മ​യു​ടെ പ​ക്ഷം.

പു​ളി​ങ്കു​ന്ന് പ​ഞ്ചാ​യ​ത്ത് ഏ​ഴാം വാ​ർ​ഡി​ലെ ക​റു​ക​പ്പ​റ​ന്പ് സാ​റാ​മ്മ​യു​ടെ വീ​ട്ടി​ലേ​ക്ക് ഇ​നി​യും അ​ര കി​ലോ​മീ​റ്റ​റോ​ള​മു​ണ്ട്. എ​ന്നാ​ൽ, അ​വി​ടേ​ക്കു ന​ട​പ്പു​വ​ഴി മാ​ത്ര​മേ​യു​ള്ളൂ. ഡോ. ​ഗ്രേ​സും പാ​ലി​യേ​റ്റീ​വ് കെ​യ​ർ ന​ഴ്സ് അ​ഞ്ജു​മോ​ളും ആ​ശാ​വ​ർ​ക്ക​ർ റ്റാ​റ്റാ​മ്മ​യും ഇ​ടു​ങ്ങി​യ ന​ട​പ്പാ​ത​യി​ലൂ​ടെ വ​ള്ളി​പ്പ​ട​ർ​പ്പും പു​ല്ലു​ക​ളും വ​ക​ഞ്ഞു​മാ​റ്റി ന​ട​ന്നു. തൊ​ണ്ണൂ​റു വ​യ​സു​കാ​രി സാ​റാ​മ്മ​യും മ​ക്ക​ളാ​യ മാ​ന​സി​ക​വൈ​ക​ല്യ​മു​ള്ള 65കാ​ര​നും അ​വി​വാ​ഹി​ത​നാ​യ 45കാ​ര​നു​മ​ട​ങ്ങു​ന്ന​താ​ണ് സാ​റാ​മ്മ​യു​ടെ കു​ടും​ബം. ആ​ളു​ക​ളെ ക​ണ്ട​പ്പോ​ൾ സാ​റാ​മ്മ നി​വ​ർ​ന്നു​നി​ൽ​ക്കാ​ൻ പ​രി​ശ്ര​മി​ച്ചു.

ഇ​ത്ര​യും നാ​ൾ ന​ഴ്സു​മാ​ർ മാ​ത്ര​മാ​ണ് ഇ​ട​യ്ക്കി​ടെ വ​ന്നി​രു​ന്ന​ത്. കൂ​ടെ ഒ​രാ​ളെ​കൂ​ടി ക​ണ്ട​തോ​ടെ സാ​റാ​മ്മ സൂ​ക്ഷി​ച്ചു​നോ​ക്കി. കൂ​ടെ​യു​ള്ള​ത് ഡോ​ക്ട​റാ​ണെ​ന്നും പ​രി​ശോ​ധി​ക്കാ​ൻ വ​ന്ന​താ​ണെ​ന്നും പ​റ​ഞ്ഞ​പ്പോ​ൾ സാ​റാ​മ്മ​യ്ക്ക് അ​ദ്ഭു​തം. ഡോ​ക്ട​ർ വീ​ട്ടി​ലേ​ക്കോ? ഇ​ന്നേ​വ​രെ ഒ​രു ഡോ​ക്ട​റും ത​ന്നെ തേ​ടി വീ​ട്ടി​ലെ​ത്തി​യി​ട്ടി​ല്ല. എ​ന്നാ​ൽ, ഇ​ട​യ്ക്കി​ടെ ഇ​നി താ​ൻ വ​രു​മെ​ന്നും പ​രി​ശോ​ധി​ക്കു​മെ​ന്നും പ​റ​ഞ്ഞ​പ്പോ​ൾ സാ​റാ​മ്മ​യ്ക്കും കു​ടും​ബ​ത്തി​നും വ​ലി​യ സ​ന്തോ​ഷം.

അ​വ​ർ​ക്കൊ​പ്പ​മി​രു​ന്നു രോ​ഗ​വി​വ​ര​ങ്ങ​ൾ മു​ഴു​വ​ൻ ചോ​ദി​ച്ച​റി​ഞ്ഞു. വേ​ണ്ട മ​രു​ന്നു​ക​ളും നി​ർ​ദേ​ശ​ങ്ങ​ളും ന​ൽ​കി. രോ​ഗ​വി​വ​ര​ങ്ങ​ളേ​ക്കാ​ൾ കൂ​ടു​ത​ൽ സാ​റാ​മ്മ​യ്ക്കു വീ​ട്ടി​ലെ ദാ​രി​ദ്ര്യ​ത്തി​ന്‍റെ​യും ക​ഷ്ട​പ്പാ​ടി​ന്‍റെ​യും മ​ക്ക​ളു​ടെ രോ​ഗ​വി​വ​ര​ങ്ങ​ളു​ടെ​യു​മെ​ല്ലാം ക​ഥ​ക​ളാ​ണ് പ​റ​യാ​നു​ണ്ടാ​യി​രു​ന്ന​ത്. ക്ഷ​മ​യോ​ടെ കേ​ട്ട് ഡോ​ക്ട​ർ അ​വ​രെ ആ​ശ്വ​സി​പ്പി​ക്കു​ന്നു, ചേ​ർ​ത്തു​പി​ടി​ച്ചു ത​ലോ​ടു​ന്നു. സാ​റാ​മ്മ​യ്ക്കും കു​ടും​ബ​ത്തി​നും സ്വ​ർ​ഗം കി​ട്ടി​യ സം​തൃ​പ്തി.

ഏ​ഴാം വാ​ർ​ഡി​ൽ​നി​ന്നു നാ​ലാം വാ​ർ​ഡി​ലെ ന​ല്ല​വീ​ട്ടി​ൽ ക​രു​ണാ​ക​ര​ന്‍റെ വീ​ട്ടി​ലേ​ക്കാ​ണ് അ​ടു​ത്ത യാ​ത്ര. മൂ​ത്ര​സം​ബ​ന്ധ​മാ​യ രോ​ഗ​ത്താ​ൽ അ​വ​ശ​നാ​യ ക​രു​ണാ​ക​ര​ൻ കി​ട​ക്ക​യി​ൽ​നി​ന്ന് എ​ഴു​ന്നേ​ൽ​ക്കാ​ൻ​ത​ന്നെ ക​ഷ്ട​പ്പെ​ട്ടു. ഡോ​ക്ട​ർ അ​ദ്ദേ​ഹ​ത്തെ താ​ങ്ങി​യി​രു​ത്തി. ഡോ​ക്ട​റാ​ണ് രോ​ഗ​വി​വ​ര​ങ്ങ​ൾ ചോ​ദി​ച്ച് അ​റി​യു​ന്ന​തെ​ന്നു മ​ന​സി​ലാ​യ ക​രു​ണാ​ക​ര​ന്‍റെ ക​ണ്ണു​ക​ൾ നി​റ​ഞ്ഞു.

മ​രു​ന്നു​ക​ൾ കു​റി​ച്ചു​കൊ​ടു​ത്ത​പ്പോ​ൾ അ​തു വാ​ങ്ങാ​ൻ പ​ണ​മി​ല്ലെ​ന്നും മാ​സ​ങ്ങ​ളാ​യി വാ​ർ​ധ​ക്യ പെ​ൻ​ഷ​ൻ ത​നി​ക്കും ഭാ​ര്യ​ക്കും കി​ട്ടു​ന്നി​ല്ലെ​ന്നും ക​രു​ണാ​ക​ര​ന്‍റെ സ​ങ്ക​ടം. വി​ഷ​മി​ക്കേ​ണ്ടെ​ന്നും മ​രു​ന്നു താ​ൻ​ത​ന്നെ വാ​ങ്ങി ന​ൽ​കാ​മെ​ന്നും ഡോ​ക്ട​റ​മ്മ. അ​വ​ർ​ക്കു മ​രു​ന്നു​വാ​ങ്ങി ന​ൽ​കാ​നു​ള്ള ക്ര​മീ​ക​ര​ണം ചെ​യ്ത ശേ​ഷ​മാ​ണ് ഡോ.​ഗ്രേ​സ് അ​വി​ടെ​നി​ന്ന് ഇ​റ​ങ്ങി​യ​ത്. ആ​രോ​ഗ്യ​മു​ള്ളി​ട​ത്തോ​ളം കാ​ലം താ​ൻ ഈ ​രോ​ഗി​ക​ളെ തേ​ടി​യെ​ത്തു​മെ​ന്ന് ഡോ. ​ഗ്രേ​സ് പ​റ​യു​ന്നു.

വീ​ട്ടി​ലും സൗ​ജ​ന്യ ക്ലി​നി​ക്

പു​ളി​ങ്കു​ന്ന് പ​ഞ്ചാ​യ​ത്തി​ൽ 374 പാ​ലി​യേ​റ്റീ​വ് കെ​യ​ർ രോ​ഗി​ക​ളു​ണ്ട്. ഒ​രു ദി​വ​സം എ​ട്ടു വീ​ടു​ക​ൾ വീ​തം ഡോ​ക്ട​ർ ക​യ​റി​യി​റ​ങ്ങും. ഇ​തു​കൊ​ണ്ടും തീ​രു​ന്നി​ല്ല ഡോ. ​ഗ്രേ​സ് ജോ​ർ​ജി​ന്‍റെ സാ​മൂ​ഹ്യ​പ്ര​വ​ർ​ത്ത​നം. പു​ളി​ങ്കു​ന്നി​ലെ വാ​ച്ചാ​പ​റ​ന്പി​ൽ (മം​ഗ​ല​പ്പ​ള്ളി) വീ​ട്ടി​ൽ 24 മ​ണി​ക്കൂ​റും പ്ര​വ​ർ​ത്തി​ക്കു​ന്ന സൗ​ജ​ന്യ ക്ലി​നി​ക്കു​ണ്ട്. ഡോ​ക്ട​റു​ള്ള സ​മ​യ​ത്ത് ആ​ർ​ക്കും ക്ലി​നി​ക്കി​ൽ എ​ത്താം. പ​രി​ശോ​ധ​ന​ക​ൾ ന​ട​ത്തി അ​ത്യാ​വ​ശ്യ മ​രു​ന്നു​ക​ൾ ന​ല്കും. മൂ​ന്നു വ​ർ​ഷ​മാ​യി വീ​ടി​നോ​ടു ചേ​ർ​ന്നു​ള്ള ഔ​ട്ട്ഹൗ​സി​ൽ ക്ലി​നി​ക് തു​ട​ങ്ങി​യി​ട്ട്.

ഇ​തി​നും പു​റ​മേ​യാ​ണ് പു​ളി​ങ്കു​ന്ന് താ​ലൂ​ക്ക് ആ​ശു​പ​ത്രി​യി​ലെ ഒ​പി സേ​വ​ന​വും പാ​ലി​യേ​റ്റീ​വ് കെ​യ​ർ പ​രി​ച​ര​ണ​വും. ആ​ദ്യ​കാ​ല​ത്ത് ഡോ​ക്ട​റാ​യി ഏ​താ​നും ആ​ശു​പ​ത്രി​ക​ളി​ലും വി​ദേ​ശ​ത്തും ജോ​ലി ചെ​യ്ത​തി​നു ശേ​ഷ​മാ​ണ് ത​ന്‍റെ നാ​ട്ടി​ലെ സ​ർ​ക്കാ​ർ ആ​ശു​പ​ത്രി​യി​ൽ സൗ​ജ​ന്യ സേ​വ​നം ചെ​യ്യാ​ൻ മാ​ത്യു തീ​രു​മാ​നി​ച്ച​ത്. ഡോ​ക്ട​റാ​യ അ​മ്മ​യും ഒ​പ്പം ചേ​ർ​ന്ന​തോ​ടെ ഇ​തൊ​രു സ്നേ​ഹ​വി​പ്ല​വ​മാ​യി മാ​റു​ക​യാ​ണ്. താ​ലൂ​ക്ക് ആ​ശു​പ​ത്രി​യി​ൽ​നി​ന്ന് ഇ​രു​വ​രു​ടെ​യും ചി​ത്രം പ​ക​ർ​ത്താ​ൻ ഒ​രു​ങ്ങി​യ ഞ​ങ്ങ​ളെ ഡോ. ​മാ​ത്യു സ്നേ​ഹ​ത്തോ​ടെ വി​ല​ക്കി. അ​തു രോ​ഗി​ക​ൾ​ക്കു ബു​ദ്ധി​മു​ട്ടാ​കു​മെ​ന്നാ​യി​രു​ന്നു അ​ദ്ദേ​ഹ​ത്തി​ന്‍റെ പ​ക്ഷം.

സാ​മൂ​ഹ്യ​സേ​വ​നം

അ​മ്മ​യും മ​ക​നും മാ​ത്ര​മ​ല്ല ഈ ​കു​ടും​ബം മു​ഴു​വ​ൻ സാ​മൂ​ഹ്യ​പ്ര​വ​ർ​ത്ത​ന​ത്തി​ൽ സ​ജീ​വ​മാ​ണെ​ന്നു പ​റ​യാം. ഏ​റെ​ക്കാ​ലം മ​സ്ക​റ്റി​ലാ​യി​രു​ന്നു ഡോ​ക്ട​റും കു​ടും​ബ​വും. ഏ​താ​നും വ​ർ​ഷം മു​ന്പാ​ണ് പ്ര​വാ​സ​ജീ​വി​തം അ​വ​സാ​നി​പ്പി​ച്ചു നാ​ട്ടി​ൽ തി​രി​ച്ചെ​ത്തി​യ​ത്. അ​പ്പോ​ഴേ ഡോ. ​ഗ്രേ​സി​ന്‍റെ മ​ന​സി​ൽ നാ​ട്ടു​കാ​ർ​ക്കു​വേ​ണ്ടി സൗ​ജ​ന്യ സേ​വ​നം ചെ​യ്യ​ണ​മെ​ന്ന മോ​ഹം മു​ള​പൊ​ട്ടി​യി​രു​ന്നു. ഭ​ർ​ത്താ​വ് ജോ​ർ​ജ് മാ​ത്യു എ​ന്ന വാ​ച്ചാ​പ​റ​ന്പി​ൽ വ​ക്ക​ച്ച​നും മ​ക്ക​ളും അ​തി​നു പി​ന്തു​ണ ന​ല്കി​യ​തോ​ടെ വീ​ട്ടി​ൽ സൗ​ജ​ന്യ ക്ലി​നി​ക് എ​ന്ന ആ​ശ​യ​ത്തി​നു വ​ഴി​യൊ​രു​ങ്ങി.

ക്ലി​നി​ക് കൂ​ടാ​തെ വീ​ടി​നോ​ടു ചേ​ർ​ന്നു റോ​ഡ് അ​രി​കി​ൽ 24 മ​ണി​ക്കൂ​റും ത​ണു​ത്ത ശു​ദ്ധ​ജ​ലം ല​ഭി​ക്കു​ന്ന ടാ​പ്പും ഒ​രു​ക്കി​യി​ട്ടു​ണ്ട്. നി​ത്യേ​ന നൂ​റു​ക​ണ​ക്കി​നാ​ളു​ക​ൾ ദാ​ഹ​മ​ക​റ്റാ​ൻ വെ​ള്ളം ഉ​പ​യോ​ഗി​ക്കു​ന്നു​ണ്ട്. പു​ളി​ങ്കു​ന്നി​ലെ മൂ​ന്നു നാ​ലു സ്കൂ​ളു​ക​ളി​ലെ വി​ദ്യാ​ർ​ഥി​ക​ൾ ഇ​വി​ടെ​നി​ന്നു ശു​ദ്ധീ​ക​രി​ച്ച കു​ടി​വെ​ള്ളം ഉ​പ​യോ​ഗി​ക്കു​ന്നു​ണ്ട്.

മ​റ്റു വ​ഴി​യാ​ത്ര​ക്കാ​രും സ​മീ​പ​മു​ള്ള ഓ​ട്ടോ​റി​ക്ഷ ഡ്രൈ​വ​ർ​മാ​രും കെ​എ​സ്ആ​ർ​ടി​സി ഡ്രൈ​വ​ർ​മാ​രും അ​ട​ക്കം നി​ര​വ​ധി​പ്പേ​ർ ക​ന​ത്ത​ചൂ​ടി​ൽ ദാ​ഹ​മ​ക​റ്റാ​ൻ വെ​ള്ളം കു​പ്പി​ക​ളി​ൽ ശേ​ഖ​രി​ക്കു​ന്നു. മ​സ്ക​റ്റി​ൽ ജോ​ലി ചെ​യ്യു​ന്പോ​ൾ ഏ​ഷ്യ​ക്കാ​രാ​യ തൊ​ഴി​ലാ​ളി ക​ൾ​ക്കു വേ​ണ്ടി ചി​ല വീ​ടു​ക​ളു​ടെ പു​റ​ത്തു കൊ​ടും ചൂ​ടി​നെ പ്ര​തി​രോ​ധി​ക്കാ​ൻ ത​ണു​ത്ത വെ​ള്ളം വ​യ്ക്കാ​റു​ണ്ടെ​ന്നും അ​ന്നേ മ​ന​സി​ൽ ക​യ​റി​യ​താ​ണ് നാ​ട്ടി​ൽ വ​രു​ന്പോ​ൾ പൊ​തു​ജ​ന​ങ്ങ​ൾ​ക്കു ദാ​ഹ​മ​ക​റ്റാ​ൻ കു​ടി​വെ​ള്ളം ന​ല്ക​ണ​മെ​ന്ന ചി​ന്ത​യെ​ന്നും വ​ക്ക​ച്ച​ൻ പ​റ​യു​ന്നു.

നെ​ഞ്ചോ​ടു ചേ​ർ​ത്തു കൃ​ഷി

മ​സ്ക​റ്റി​ൽ എ​ൻ​ജി​നി​യ​റാ​യി​രു​ന്നു ജോ​ർ​ജ് മാ​ത്യു. 4,500 തൊ​ഴി​ലാ​ളി​ക​ൾ ജോ​ലി ചെ​യ്യു​ന്ന എ​ച്ച്എ​ഫ്പി ക​ന്പ​നി​യു​ടെ മാ​നേ​ജിം​ഗ് ഡ​യ​റ​ക്ട​റാ​യി​രി​ക്കു​ന്പോ​ഴാ​ണ് 2018ൽ ​നാ​ട്ടി​ലേ​ക്കു മ​ട​ങ്ങി​യ​ത്. കു​ട്ട​നാ​ട്ടി​ലെ അ​റി​യ​പ്പെ​ടു​ന്ന ക​ർ​ഷ​ക​പ്ര​മാ​ണി​യും സാ​മൂ​ഹ്യ​പ്ര​വ​ർ​ത്ത​ക​നു​മാ​ണ് വ​ക്ക​ച്ച​ൻ. കാ​യ​ൽ​നി​ല ക​ർ​ഷ​ക​നാ​യി​രു​ന്ന മം​ഗ​ല​പ്പ​ള്ളി​ൽ (വാ​ച്ചാ​പ​റ​ന്പി​ൽ) മാ​ത്ത​മ്മ എ​ന്ന ക​ർ​ഷ​ക പ്ര​മു​ഖ​ന്‍റെ മ​ക​നാ​ണ് ജോ​ർ​ജ് മാ​ത്യു.

നേ​ര​ത്തേ 700 ഏ​ക്ക​ർ വ​രെ കൃ​ഷി ചെ​യ്തി​രു​ന്നു. ജോ​ർ​ജ് മാ​ത്യു​വും സ്വ​ന്ത​മാ​യു​ള്ള 200 ഏ​ക്ക​ർ കൂ​ടാ​തെ ഏ​ക്ക​റു ക​ണ​ക്കി​നു പാ​ട്ട​ത്തി​നെ​ടു​ത്തും കൃ​ഷി ചെ​യ്യു​ന്നു. കൃ​ഷി​യോ​ടു​ള്ള ഇ​ഷ്ടം​കൊ​ണ്ടാ​ണ് പാ​ട്ട​ത്തി​നു ന​ൽ​കാ​തെ കൃ​ഷി ന​ട​ത്തു​ന്ന​തെ​ന്ന് ഇ​ദ്ദേ​ഹം പ​റ​യു​ന്നു. പാ​ട്ട​ത്തി​നു കൊ​ടു​ത്താ​ൽ വ​ർ​ഷം 50 ല​ക്ഷം കി​ട്ടാ​വു​ന്ന സ്ഥ​ല​മാ​ണ് അ​ദ്ദേ​ഹം സ്വ​ന്തം നി​ല​യ്ക്കു കൃ​ഷി​യി​റ​ക്കു​ന്ന​ത്.

സ്നേ​ഹ​ഗാ​ഥ

പൗ​രാ​ണി​ക പ്രൗ​ഢി വി​ളി​ച്ചോ​തു​ന്ന വീ​ടി​നോ​ട​നു​ബ​ന്ധി​ച്ച് 40 സെ​ന്‍റ് സ്ഥ​ല​ത്തു നി​ര​വ​ധി ഇ​നം പ​ഴ​വ​ർ​ഗ​ച്ചെ​ടി​ക​ളും അ​ദ്ദേ​ഹം പ​രി​പാ​ലി​ക്കു​ന്നു​ണ്ട്. റം​ബൂ​ട്ടാ​ൻ, മാം​ഗ​സ്റ്റീ​ൻ, നെ​ല്ലി, നാ​ര​കം, പ​നി​നീ​ർ ചാ​ന്പ, സ​പ്പോ​ട്ട, ഇ​രി​ന്പ​ൻ പു​ളി, ക​ട​പ്ലാ​വ് തു​ട​ങ്ങി​യ​വ ഇ​വി​ടെ​യു​ണ്ട്. വ​ലി​യ പ്രാ​വി​ൻ കൂ​ടും ഗാ​ർ​ഹി​ക ആ​വ​ശ്യ​ങ്ങ​ൾ​ക്കു​ള്ള വൈ​ദ്യു​തി ഉ​ത്പാ​ദി​പ്പി​ക്കാ​ൻ സോ​ളാ​ർ പാ​ന​ലു​ക​ളും ഈ ​ഫ​ല​വൃ​ക്ഷ​ത്തോ​ട്ട​ത്തി​ലു​ണ്ട്. വെ​ച്ചൂ​ർ പ​ശു​ക്ക​ളെ​യും ആ​ടു​ക​ളെ​യും വ​ള​ർ​ത്തു​ണ്ട്. കാ​ർ​ഷി​ക രം​ഗ​ത്തെ പ്ര​വ​ർ​ത്ത​ന​മി​ക​വ് മു​ൻ​നി​ർ​ത്തി നി​ര​വ​ധി പു​ര​സ്കാ​ര​ങ്ങ​ളും അ​ദ്ദേ​ഹ​ത്തെ തേ​ടി​യെ​ത്തി​യി​ട്ടു​ണ്ട്. തൃ​ശൂ​ർ നെ​ടും​പ​റ​ന്പി​ൽ കു​ടും​ബാം​ഗ​മാ​ണ് ഡോ. ​ഗ്രേ​സ് ജോ​ർ​ജ്.

ഡോ. ​മാ​ത്യു​വി​നെ കൂ​ടാ​തെ ഡോ. ​ഗ്രേ​സ്- ജോ​ർ​ജ് മാ​ത്യു ദ​ന്പ​തി​ക​ൾ​ക്ക് ജോ​സ​ഫ് (ചാ​ർ​ട്ടേ​ഡ് അ​ക്കൗ​ണ്ട​ന്‍റ്, അ​മേ​രി​ക്ക), തോ​മ​സ് (എ​ൻ​ജി​നി​യ​ർ, മ​സ്ക​റ്റ്), ആ​നി (എ​ൻ​ജി​നി​യ​ർ, സിം​ഗ​പ്പു​ർ), കു​ഞ്ഞു​മേ​രി (സൈ​ക്കോ​ള​ജി​സ്റ്റ്, ബം​ഗ​ളൂ​രൂ) എ​ന്നി​വ​രും മ​ക്ക​ളാ​യു​ണ്ട്. ജോ​സ​ഫി​ന്‍റെ ഭാ​ര്യ ഡോ. ​അ​ഞ്ജു മേ​ളാം​പ​റ​ന്പി​ൽ കു​ടും​ബാം​ഗ​മാ​ണ്. മൂ​വാ​റ്റു​പു​ഴ കാ​ക്ക​നാ​ട് കു​ടും​ബാം​ഗ​മാ​യ ഡോ. ​ദി​വ്യ​യാ​ണ് തോ​മ​സി​ന്‍റെ ഭാ​ര്യ. സിം​ഗ​പ്പു​രി​ൽ ഇ​ന്‍റ​ർ​പോ​ളി​ൽ ഉ​ദ്യോ​ഗ​സ്ഥ​നാ​യ അ​നൂ​പ് ഐ​പി​എ​സ് തൊ​ടു​പു​ഴ വാ​ഴ​ക്കു​ളം ന​ന്പ്യാ​പ​റ​ന്പി​ൽ കു​ടും​ബാം​ഗ​വും ആ​നി​യു​ടെ ഭ​ർ​ത്താ​വു​മാ​ണ്.

അ​ർ​ഹ​ത​പ്പെ​ട്ട​വ​രെ ക​രു​തു​ന്ന​തി​ലൂ​ടെ​യും ചേ​ർ​ത്തു​പി​ടി​ക്കു​ന്ന​തി​ലൂ​ടെ​യും വാ​ച്ചാ​പ​റ​ന്പി​ൽ കു​ടും​ബം കു​ട്ട​നാ​ട്ടി​ൽ സ്നേ​ഹ​ത്തി​ന്‍റെ ക​ഥ​യെ​ഴു​തു​ക​യാ​ണ്. കു​ട്ട​നാ​ടി​നെ കൂ​ടു​ത​ൽ സു​ന്ദ​ര​മാ​ക്കു​ന്ന ജീ​വ​ത​ക​ഥ.


ജോ​ബി ക​ണ്ണാ​ടി


Copyright @ 2022 , Rashtra Deepika Ltd.