മു​പ്പ​തു വ​യ​സു വ​രെ വെ​ള്ള​ത്തി​ലി​റ​ങ്ങാ​ൻ പേ​ടി​യാ​യി​രു​ന്ന ഒ​രു യു​വാ​വ്. 32-ാം വ​യ​സി​ൽ നി​ർ​ബ​ന്ധ​ത്താ​ൽ നീ​ന്ത​ൽ പ​ഠി​ക്കു​ന്നു. പി​ന്നെ പ​ത്തു​വ​ർ​ഷം​കൊ​ണ്ട് തു​ഴ​ഞ്ഞെ​ടു​ത്ത​തെ​ല്ലാം വി​സ്മ​യ​ങ്ങ​ൾ. ക​യാ​ക്കിം​ഗി​ലും സ്കൂ​ബാ ഡൈ​വിം​ഗി​ലു​മെ​ല്ലാം അ​ന്താ​രാ​ഷ്‌​ട്ര ലൈ​സ​ൻ​സ്, ഇ​ന്ത്യ​യി​ലെ​ത​ന്നെ അ​റി​യ​പ്പെ​ടു​ന്ന കോ​ച്ച്, കേ​ര​ള ടീം ​മാ​നേ​ജ​ർ, ഇ​പ്പോ​ൾ ക​യാ​ക്കിം​ഗ് ആ​ൻ​ഡ് ക​നോ​യിം​ഗ് അ​സോ​സി​യേ​ഷ​ന്‍റെ എ​റ​ണാ​കു​ളം ജി​ല്ലാ വൈ​സ് പ്ര​സി​ഡ​ന്‍റ് ആ​യി മാ​റി​യി​രി​ക്കു​ന്നു ഈ ​യു​വ​വൈ​ദി​ക​ൻ.

മു​പ്പ​തു വ​യ​സ് പി​ന്നി​ടു​വോ​ളം പു​ഴ​യി​ലി​റ​ങ്ങാ​ന്‍ പോ​ലും പേ​ടി. ക​ട​ലി​ലും പു​ഴ​യി​ലു​മൊ​ക്കെ കൂ​ട്ടു​കാ​ർ നീ​ന്തി​ത്തു​ടി​ക്കു​ന്പോ​ഴും പേ​ടി​യോ​ടെ ക​ര​യ്ക്കു നി​ൽ​ക്കു​ക​യേ​യു​ള്ളൂ. കാ​ര​ണം നീ​ന്ത​ൽ അ​റി​യി​ല്ല. ഒ​ടു​വി​ൽ പ​ല​രു​ടെ​യും നി​ര്‍​ബ​ന്ധ​ങ്ങ​ള്‍​ക്കു വ​ഴ​ങ്ങി സ്വി​മ്മിം​ഗ് പൂ​ളി​ല്‍ ഇ​റ​ങ്ങി. കൂ​ട്ടു​കാ​ര​ൻ വ​ലി​ച്ചി​റ​ക്കി​യ​ത് നീ​ന്ത​ല്‍ പ​ഠി​പ്പി​ക്കാ​ൻ, അ​തും 32 -ാം വ​യ​സി​ൽ.

എ​ന്നാ​ൽ, അ​തോ​ടെ ക​ഥ മാ​റി. വെ​ള്ളം പേ​ടി​ച്ചു മാ​റി​നി​ന്നി​രു​ന്ന​യാ​ൾ വെ​ള്ള​ത്തി​ലെ സൂ​പ്പ​ർ സ്റ്റാ​റാ​യി മാ​റു​ന്ന കാ​ഴ്ച. 30 വ​യ​സു​വ​രെ വെ​ള്ള​ത്തി​ലി​റ​ങ്ങാ​ൻ പോ​ലും പേ​ടി​യാ​യി​രു​ന്ന ആ ​യു​വാ​വി​നെ 10 വ​ര്‍​ഷ​ങ്ങ​ള്‍​ക്കി​പ്പു​റം ജ​ല​കാ​യി​ക​ലോ​കം അ​ഭി​മാ​ന​ത്തോ​ടെ വി​ളി​ക്കു​ന്നൊ​രു പേ​രു​ണ്ട് - ദ ​ക​യാ​ക്കിം​ഗ് പ്രീ​സ്റ്റ് ഓ​ഫ് ഏ​ഷ്യ.

ഇ​തു ഫാ. ​റെ​ക്‌​സ് ജോ​സ​ഫ്. ക​യാ​ക്കിം​ഗി​ലും സ്‌​കൂ​ബാ ഡൈ​വിം​ഗി​ലും ക​ഠി​നാ​ധ്വാ​നം​കൊ​ണ്ട് മി​ന്ന​ൽ വേ​ഗ​ത്തി​ൽ ഉ​ന്ന​ത നേ​ട്ട​ങ്ങ​ള്‍ സ്വ​ന്ത​മാ​ക്കി​യ ഏ​ഷ്യ​യി​ലെ ആ​ദ്യ വൈ​ദി​ക​ന്‍. നൂ​റു​ക​ണ​ക്കി​നാ​ളു​ക​ള്‍​ക്കു ക​യാ​ക്കിം​ഗി​ല്‍ പ​രി​ശീ​ല​നം ന​ല്‍​കി​യ ഇ​ദ്ദേ​ഹം, ഇ​ന്ന് അ​ഡ്വാ​ന്‍​സ്ഡ് ഓ​പ്പ​ണ്‍ വാ​ട്ട​ര്‍ സ്‌​കൂ​ബാ ഡൈ​വ​റാ​ണ്.

മ​ല​യാ​ളി​ക​ള്‍ പൊ​തു​വേ​യും വൈ​ദി​ക​ര്‍ വി​ശേ​ഷി​ച്ചും മ​ടി​ച്ചു​നി​ന്ന ക​യാ​ക്കിം​ഗ്, ഡൈ​വിം​ഗ് രം​ഗ​ങ്ങ​ളി​ലേ​ക്കു ന​ന​ഞ്ഞി​റ​ങ്ങാ​ന്‍ ത​യാ​റാ​യ ഫാ. ​റെ​ക്‌​സ്, നേ​ട്ട​ങ്ങ​ളു​ടെ നി​റ​വി​ല്‍ വി​ദേ​ശ​ത്തു ഫ്രീ ​ഡൈ​വിം​ഗി​ല്‍ അ​ന്താ​രാ​ഷ്‌​ട്ര പ​രി​ശീ​ല​ന​ത്തി​നു​ള്ള ത​യാ​റെ​ടു​പ്പി​ലാ​ണ്.

അ​ന്ന​ത്തെ പേ​ടി​ക്കാ​ര​ൻ

വ​രാ​പ്പു​ഴ അ​തി​രൂ​പ​ത​യ്ക്കാ​യി 2013ല്‍ ​പൗ​രോ​ഹി​ത്യം സ്വീ​ക​രി​ച്ചു സ​ഹ​വി​കാ​രി​യാ​യി ര​ണ്ടാ​മ​ത്തെ പ​ള്ളി​യി​ല്‍ എ​ത്തു​മ്പോ​ഴും ഫാ. ​റെ​ക്‌​സ് വെ​ള്ള​ത്തി​ലി​റ​ങ്ങാ​നു​ള്ള പേ​ടി വി​ട്ടി​രു​ന്നി​ല്ല. മ​ക്ക​ള്‍ വെ​ള്ള​ത്തി​ലി​റ​ങ്ങി​യാ​ല്‍ അ​പ​ക​ട​മു​ണ്ടാ​കു​മെ​ന്ന അ​പ്പ​ന്‍റെ ക​രു​ത​ലാ​യി​രു​ന്നു ഫാ. ​റെ​ക്‌​സി​ല്‍ പേ​ടി​യാ​യി പ​ട​ര്‍​ന്ന​ത്. കു​ഞ്ഞു​നാ​ള്‍ മു​ത​ല്‍ അ​വ​നെ അ​പ്പ​ന്‍ പു​ഴ​യി​ല്‍​നി​ന്ന് അ​ക​റ്റി​നി​ര്‍​ത്തി​യി​രു​ന്നു.

വ​രാ​പ്പു​ഴ മു​ട്ടി​ന​കം അ​റ​യ്ക്ക​പ​റ​ന്പി​ൽ സെ​ബാ​സ്റ്റ്യ​ന്‍റെ​യും റോ​സി​യു​ടെ​യും ഇ​ള​യ മ​ക​നാ​ണ് ഫാ. ​റെ​ക്സ്. ബി​ജു സേ​വ്യ​ർ സ​ഹോ​ദ​ര​നാ​ണ്. പു​ഴ​ക​ളും തോ​ടു​ക​ളു​മു​ള്ള വ​രാ​പ്പു​ഴ മു​ട്ടി​ന​കം സ്വ​ദേ​ശി​ക്കു നീ​ന്ത​ല​റി​യി​ല്ലെ​ന്നു പ​റ​യു​ന്ന​ത് മോ​ശ​മാ​ണെ​ന്നു പ​റ​ഞ്ഞു​പ​റ​ഞ്ഞ് അ​ച്ച​നെ ആ​ദ്യം വെ​ള്ള​ത്തി​ലി​റ​ക്കി​യ​ത് സ​ലേ​ഷ്യ​ന്‍ വൈ​ദി​ക​നാ​യ ഫാ. ​ലി​ജോ. വ​ടു​ത​ല ഡോ​ണ്‍​ബോ​സ്‌​കോ അ​ക്വാ​ട്ടി​ക് കോം​പ്ല​ക്‌​സി​ലെ നീ​ന്ത​ല്‍​ക്കു​ള​ത്തി​ലേ​ക്കു ഫാ. ​റെ​ക്‌​സി​നെ അ​ദ്ദേ​ഹം ബ​ല​മാ​യി പി​ടി​ച്ചി​റ​ക്കി. ച​രി​ത്ര​നേ​ട്ട​ങ്ങ​ളി​ലേ​ക്കു​ള്ള ആ​ദ്യ​ചു​വ​ടു​വ​യ്പു​കൂ​ടി​യാ​യി​രു​ന്നു അ​ത്.

ആ​ദ്യം മ​ടി​ച്ചു​നി​ന്ന ഫാ.​റെ​ക്സി​നു നീ​ന്ത​ല്‍ പ​ഠി​ക്കാ​ന്‍ ഏ​റെ സ​മ​യം വേ​ണ്ടി​വ​ന്നി​ല്ല. നാ​വി​ക​രെ മു​ങ്ങാം​കു​ഴി​യി​ടാ​ന്‍ പ​ഠി​പ്പി​ച്ച അ​പ്പൂ​പ്പ​ന്‍റെ കൊ​ച്ചു​മ​ക​ന്, അ​നാ​യാ​സം പു​ഴ നീ​ന്തി​ക്ക​ട​ന്ന അ​പ്പ​ന്‍റെ മ​ക​ന്, വെ​ള്ള​ത്തി​ല്‍ ക​വി​ത വി​രി​യി​ക്കാ​നു​ള്ള വൈ​ഭ​വം സ്വാ​ഭാ​വി​ക​സി​ദ്ധി​യ​ല്ലാ​തെ മ​റ്റെ​ന്ത്? ഇ​തു​വ​രെ റെ​ക്‌​സ​ച്ച​ന്‍ നീ​ന്ത​ലി​ലും ക​യാ​ക്കിം​ഗി​ലും ഡൈ​വിം​ഗി​ലും പ​രി​ശീ​ല​നം ന​ല്‍​കി​യ​വ​രു​ടെ എ​ണ്ണം അ​ഞ്ഞൂ​റു ക​ട​ന്നു.



ക​യാ​ക്കിം​ഗ് താ​രം

2016ല്‍ ​ഓ​ച്ച​ന്തു​രു​ത്ത് കു​രി​ശി​ങ്ക​ല്‍ പ​ള്ളി​യി​ല്‍ സ​ഹ​വി​കാ​രി​യാ​യി​രി​ക്കു​മ്പോ​ഴാ​ണ്, കേ​ര​ള​ത്തി​ന്‍റെ വി​വി​ധ ഭാ​ഗ​ങ്ങ​ളി​ല്‍ ​നി​ന്നെ​ത്തി​യ ക​യാ​ക്കിം​ഗ് സം​ഘ​ത്തെ പ​രി​ച​യ​പ്പെ​ട്ട​ത്. പ്ര​കൃ​തി സം​ര​ക്ഷ​ണ, ബോ​ധ​വ​ത്ക​ര​ണ, പ​ഠ​ന പ്ര​വ​ര്‍​ത്ത​ന​ങ്ങ​ളു​ടെ ഭാ​ഗ​മാ​യി കൊ​ല്ലം മു​ത​ല്‍ ക​ണ്ണൂ​ര്‍ വ​രെ ക​യാ​ക്കിം​ഗ് പ​ര്യ​ട​നം ന​ട​ത്തു​ന്ന​തി​ന്‍റെ ഭാ​ഗ​മാ​യാ​ണ് ഇ​വ​ര്‍ പ​ള്ളി​യി​ലെ​ത്തി​യ​ത്.

ഇ​വ​രു​ടെ പ്ര​ചോ​ദ​ന​ത്തി​ല്‍ ക​യാ​ക്കി​ലേ​റാ​ന്‍ അ​ച്ച​നും തീ​രു​മാ​നി​ച്ചു. അ​ങ്ങ​നെ കൊ​ച്ചി​യി​ലെ പാ​ഡി​ല്‍ ക്ല​ബ്ബി​ൽ‍ ക​യാ​ക്കിം​ഗ് ന​ട​ത്തു​ന്ന​വ​രെ പ​രി​ച​യ​പ്പെ​ട്ടു. കൊ​ച്ചി കാ​യ​ലി​ല്‍ മെ​ല്ലെ മെ​ല്ലെ തു​ഴ​യെ​റി​ഞ്ഞു. അ​ങ്ങ​നെ റെ​ക്‌​സ​ച്ച​ന്‍ ആ​ദ്യ​ത്തെ ക​യാ​ക്കിം​ഗ് പ്രീ​സ്റ്റാ​യി.

ക​യാ​ക്കിം​ഗ് പ​രി​ശീ​ല​ക​രാ​യ കൗ​ശി​ക് കൊ​ടി​ത്തോ​ടി​ക, ജ​ര്‍​മ​ന്‍ വം​ശ​ജ​ന്‍ കാ​ള്‍ ഡാം​ഷ്യ​ന്‍ എ​ന്നി​വ​ര്‍​ക്കൊ​പ്പം പ​രി​ശീ​ല​ന​ത്തി​ന് അ​വ​സ​രം ല​ഭി​ച്ചു. 2018ല്‍ ​മു​സി​രി​സ് പാ​ഡി​ലി​ന്‍റെ ഭാ​ഗ​മാ​യ ദീ​ര്‍​ഘ​ദൂ​ര ക​യാ​ക്കിം​ഗി​ല്‍ മ​ത്സ​രാ​ര്‍​ഥി​യാ​യ​തോ​ടെ ത​ന്‍റെ ക​യാ​ക്കിം​ഗ് മി​ക​വി​ന് ഫാ. ​റെ​ക്‌​സ് അ​ടി​വ​ര​യി​ട്ടു.

ക​ട​ലി​ന​ടി​യി​ലും

ക​ട​ലി​ന​ടി​യി​ല്‍ ഏ​റെ നേ​രം ഒ​ഴു​കി​ന​ട​ക്കു​ക​യെ​ന്ന സ്വ​പ്‌​നം നെ​ഞ്ചേ​റ്റി​യാ​ണു ഫാ. ​റെ​ക്‌​സ് സ്‌​കൂ​ബാ ഡൈ​വിം​ഗി​ല്‍ പ​രി​ശീ​ല​നം നേ​ടി​യ​ത്. തീ​വ്ര​പ​രി​ശീ​ല​ന​ത്തി​ലൂ​ടെ ക​ട​ലി​ന​ടി​യി​ല്‍ മു​പ്പ​തു മീ​റ്റ​റോ​ളം താ​ഴ്ച​യി​ലേ​ക്കു സ്‌​കൂ​ബാ ഡൈ​വിം​ഗി​ലൂ​ടെ ചാ​ടു​ക​യെ​ന്ന മോ​ഹം പൂ​വ​ണി​ഞ്ഞു.

ഡി​സ്‌​ക​വ​ര്‍ സ്‌​കൂ​ബാ ഡൈ​വിം​ഗ് (ഡി​എ​സ്ഡി) പ​രി​ശീ​ല​ന​ത്തി​നു ശേ​ഷ​മാ​ണ് ഓ​പ്പ​ണ്‍ വാ​ട്ട​ര്‍ സ്‌​കൂ​ബാ ഡൈ​വ​ര്‍ ലൈ​സ​ന്‍​സും ക​ട​ലി​ന​ടി​യി​ല്‍ 30 മീ​റ്റ​റോ​ളം പോ​കാ​നു​ള്ള, അ​മേ​രി​ക്ക​യി​ല്‍​നി​ന്നു​ള്ള അ​ഡ്വാ​ന്‍​സ്ഡ് ഓ​പ്പ​ണ്‍ വാ​ട്ട​ര്‍ സ്‌​കൂ​ബാ ഡൈ​വിം​ഗ് ലൈ​സ​ന്‍​സും നേ​ടി​യ​ത്.

പ്ര​മു​ഖ ഡൈ​വിം​ഗ് സെ​ന്‍റ​റാ​യ സ്‌​കൂ​ബാ കൊ​ച്ചി​നി​ലാ​യി​രു​ന്നു പ​രി​ശീ​ല​നം. പ്ര​ഫ​ഷ​ണ​ല്‍ അ​സോ​സി​യേ​ഷ​ന്‍ ഫോ​ര്‍ ഡൈ​വിം​ഗ് ഇ​ന്‍​സ്ട്ര​ക്‌​ടേ​ഴ്സി​ന്‍റെ (പി​എ​ഡി​ഐ) സ​ര്‍​ട്ടി​ഫി​ക്കേ​ഷ​നും ഈ ​വൈ​ദി​ക​ന്‍ സ്വ​ന്ത​മാ​ക്കി​യി​ട്ടു​ണ്ട്. ഓ​ക്‌​സി​ജ​ന്‍ സ​പ്പോ​ര്‍​ട്ട് ഇ​ല്ലാ​തെ ക​ട​ലി​ന​ടി​യി​ലേ​ക്കു ഫ്രീ ​ഡൈ​വിം​ഗ് ന​ട​ത്താ​നു​ള്ള പ​രി​ശീ​ല​ന​ത്തി​നു മാ​ലി​ദ്വീ​പി​ലേ​ക്കു പോ​കാ​നു​ള്ള ഒ​രു​ക്ക​ത്തി​ലാ​ണ് ഇ​ദ്ദേ​ഹം.

വെ​ള്ള​ത്തി​ൽ വെ​റു​തെ​യ​ല്ല !

ക​യാ​ക്കിം​ഗ് ഫാ. ​റെ​ക്‌​സി​ന് ക​ട​ലി​ലും കാ​യ​ലി​ലു​മു​ള്ള ഒ​രു കാ​യി​ക​വി​നോ​ദം മാ​ത്ര​മ​ല്ല. ഒ​രു സാ​മൂ​ഹ്യ​പ്ര​വ​ര്‍​ത്ത​നം കൂ​ടി​യാ​ണ്. കാ​യ​ലി​ല്‍ നി​ക്ഷേ​പി​ക്കു​ന്ന പ്ലാ​സ്റ്റി​ക് മാ​ലി​ന്യ​ങ്ങ​ള്‍ ശേ​ഖ​രി​ക്കാ​നു​ള്ള ദൗ​ത്യം കൂ​ടി​യാ​ണ് അ​ദ്ദേ​ഹ​ത്തി​ന്‍റെ ക​യാ​ക്കിം​ഗ് യാ​ത്ര​ക​ള്‍.

കൊ​ടു​ങ്ങ​ല്ലൂ​ര്‍ മു​സി​രി​സ് മു​ത​ല്‍ എ​റ​ണാ​കു​ളം മ​റൈ​ന്‍ ഡ്രൈ​വ് വ​രെ 40 കി​ലോ​മീ​റ്റ​ര്‍ നീ​ളു​ന്ന ആ​ദ്യ​ത്തെ ദീ​ര്‍​ഘ​ദൂ​ര ക​യാ​ക്കിം​ഗി​ല്‍ വ​ലി​യ തോ​തി​ലു​ള്ള പ്ലാ​സ്റ്റി​ക് മാ​ലി​ന്യ​ങ്ങ​ളാ​ണ് ഇ​ദ്ദേ​ഹ​ത്തി​ന്‍റെ നേ​തൃ​ത്വ​ത്തി​ല്‍ ശേ​ഖ​രി​ച്ചു ശാ​സ്ത്രീ​യ​മാ​യി സം​സ്‌​ക​രി​ക്കാ​ന്‍ ന​ല്‍​കി​യ​ത്.

മാ​ലി​ന്യ​വി​മു​ക്ത ചാ​ലി​യാ​ര്‍ പു​ഴ എ​ന്ന ല​ക്ഷ്യ​ത്തോ​ടെ സം​ഘ​ടി​പ്പി​ച്ച രാ​ജ്യ​ത്തെ ഏ​റ്റ​വും ദൈ​ര്‍​ഘ്യ​മേ​റി​യ ക​യാ​ക്കിം​ഗ് യ​ത്‌​ന​മാ​യ 2019ലെ ​ചാ​ലി​യാ​ര്‍ റി​വ​ര്‍ പാ​ഡി​ല്‍ ക​യാ​ക്കിം​ഗി​ലും അ​ച്ച​ന്‍ ഉ​ണ്ടാ​യി​രു​ന്നു. നി​ല​മ്പൂ​ര്‍ മു​ത​ല്‍ ബേ​പ്പൂ​രി​ടു​ത്ത് ചെ​റു​വ​ണ്ണൂ​ര്‍ വ​രെ അ​ദ്ദേ​ഹം ത​ന്‍റെ ക​യാ​ക്കി​ല്‍ തു​ഴ​ഞ്ഞ​ത് 68 കി​ലോ​മീ​റ്റ​ര്‍.

കേ​ര​ള ടൂ​റി​സം വ​കു​പ്പും കേ​ര​ള അ​ഡ്വ​ഞ്ച​ര്‍ ടൂ​റി​സം പ്ര​മോ​ഷ​ന്‍ സൊ​സൈ​റ്റി​യും ജെ​ല്ലി​ഫി​ഷ് വാ​ട്ട​ര്‍ സ്‌​പോ​ര്‍​ട്‌​സ് ആ​ന്‍​ഡ് ഔ​ട്ട്‌​ഡോ​ര്‍ അ​ഡ്വെ​ഞ്ച​ര്‍ ക്ല​ബ്ബും ചേ​ര്‍​ന്നാ​ണു പ​രി​പാ​ടി ഒ​രു​ക്കി​യ​ത്. അ​നേ​ക​ര്‍ അ​ശ്ര​ദ്ധ​മാ​യി പു​ഴ​യി​ലേ​ക്കു വ​ലി​ച്ചെ​റി​ഞ്ഞ പ്ലാ​സ്റ്റി​ക് മാ​ലി​ന്യ​ങ്ങ​ള്‍ അ​ന്നും അ​ദ്ദേ​ഹം ശേ​ഖ​രി​ച്ചു.

കൊ​ച്ചി പ​ന​ങ്ങാ​ട് ചാ​ത്ത​മ്മ​യി​ലെ ഗ്ലോ​ബ​ല്‍ സെ​യ്‌​ലിം​ഗ് ക്ല​ബ്ബി​ന്‍റെ ഗ്രീ​ന്‍ പാ​ഡ്‌​ലേ​ഴ്‌​സ് എ​ന്ന കാ​യ​ല്‍ മാ​ലി​ന്യ വി​മു​ക്ത യ​ത്‌​ന​ത്തി​ല്‍ കൈ​കോ​ര്‍​ക്കാ​ന്‍ റെ​ക്‌​സ​ച്ച​നു​മു​ണ്ട്. സ്‌​കൂ​ള്‍ വി​ദ്യ​ര്‍​ഥി​ക​ള്‍​ക്കും യു​വ​ജ​ന​ങ്ങ​ള്‍​ക്കും പ്ര​കൃ​തി സം​ര​ക്ഷ​ണ, ആ​രോ​ഗ്യ ബോ​ധ​വ​ത്ക​ര​ണ ക്ലാ​സു​ക​ളും അ​ച്ച​ന്‍റെ നേ​തൃ​ത്വ​ത്തി​ല്‍ ന​ല്‍​കു​ന്നു​ണ്ട്.

കോ​ച്ചാ​ണ് കൊ​ച്ച​ച്ച​ന്‍

ഇ​ന്ത്യ​ന്‍ ക​യാ​ക്കിം​ഗ് ആ​ന്‍​ഡ് ക​നോ​യിം​ഗ് അ​സോ​സി​യേ​ഷ​ന്‍റെ (ഐ​കെ​സി​എ) ക​യാ​ക്കിം​ഗ് ദേ​ശീ​യ ചാം​പ്യ​ന്‍​ഷി​പ്പി​ല്‍ പ​ങ്കെ​ടു​ത്ത കേ​ര​ള ടീ​മി​ന്‍റെ മാ​നേ​ജ​രാ​യി​രു​ന്നു ഫാ. ​റെ​ക്‌​സ്. ഒ​ളി​മ്പി​ക്‌​സി​ല്‍ ഇ​ന്ത്യ​യെ പ്ര​തി​നി​ധീ​ക​രി​ച്ച താ​ര​ങ്ങ​ളും പ​രി​ശീ​ല​ക​രു​മൊ​ത്തു​ള്ള ചാം​പ്യ​ന്‍​ഷി​പ് അ​വി​സ്മ​ര​ണീ​യ അ​നു​ഭ​വ​മാ​യി​രു​ന്നു​വെ​ന്നു ഫാ. ​റെ​ക്‌​സ്. ക​യാ​ക്കിം​ഗി​നു പു​റ​മേ വെ​ല്‍​നെ​സ്, ഓ​ഡി​യോ സ​യ​ന്‍​സ് എ​ന്നി​വ​യി​ലും ഫാ. ​റെ​ക്‌​സ് പ​രി​ശീ​ല​നം ന​ല്‍​കു​ന്നു​ണ്ട്.

ഇ​ല​ക്‌​ട്രോ​ണി​ക്‌​സ് മെ​ക്കാ​നി​ക്കി​ല്‍ ലെ​വ​ല്‍ ഫൈ​വും തൃ​ശൂ​ര്‍ ചേ​ത​ന ഇ​ന്‍​സ്റ്റി​റ്റ്യൂ​ട്ടി​ല്‍ സൗ​ണ്ട് എ​ന്‍​ജി​നി​യ​റിം​ഗും വി​ജ​യ​ക​ര​മാ​യി പൂ​ര്‍​ത്തി​യാ​ക്കി​യ ഫാ. ​റെ​ക്‌​സ് ഇ​പ്പോ​ള്‍ ക​ള​മ​ശേ​രി ലി​റ്റി​ല്‍ ഫ്ല​വ​ര്‍ എ​ന്‍​ജി​നി​യ​റിം​ഗ് ഇ​ന്‍​സ്റ്റി​റ്റ്യൂ​ട്ടി​ല്‍ അ​സോ​സി​യേ​റ്റ് ഡ​യ​റ​ക്ട​റാ​ണ്. കേ​ര​ള ക​യാ​ക്കിം​ഗ് ആ​ന്‍​ഡ് ക​നോ​യിം​ഗ് അ​സോ​സി​യേ​ഷ​ന്‍റെ എ​റ​ണാ​കു​ളം ജി​ല്ലാ വൈ​സ് പ്ര​സി​ഡ​ന്‍റ് പ​ദ​വി​യി​ലെ​ത്തു​ന്ന ആ​ദ്യ വൈ​ദി​ക​ന്‍ കൂ​ടി​യാ​ണ് ഫാ. ​റെ​ക്‌​സ് ജോ​സ​ഫ്.

വൈ​ദി​ക​ര്‍ മാ​റി​നി​ന്ന ക​യാ​ക്കിം​ഗി​ല്‍ എ​ന്താ​ണി​ത്ര താ​ത്പ​ര്യം എ​ന്നു ചോ​ദി​ച്ചാ​ല്‍ അ​ദ്ദേ​ഹ​ത്തി​നു കൃ​ത്യ​മാ​യ ഉ​ത്ത​ര​മു​ണ്ട്- "ഞാ​ന്‍ ഓ​ള​പ്പ​ര​പ്പി​ല്‍ തു​ഴ​യെ​റി​യു​മ്പോ​ള്‍, അ​തു​വ​ഴി പൗ​രോ​ഹി​ത്യ​ത്തി​ന്‍റെ മ​ഹി​ത​സ​ന്ദേ​ശം കൂ​ടി​യാ​ണ് അ​നേ​ക ഹൃ​ദ​യ​ങ്ങ​ളി​ലേ​ക്ക് അ​ല​യ​ടി​ച്ചെ​ത്തു​ന്ന​ത്. അ​പ​ര​നെ ശ​രി​യാ​യി സ്വ​ന്ത​മാ​ക്കാ​നാ​വു​ന്ന എ​ല്ലാ മേ​ഖ​ല​യി​ലു​മെ​ത്ത​ട്ടെ പൗ​രോ​ഹി​ത്യ​ത്തി​ന്‍റെ ന​ന്മ.'

സിജോ പൈനാടത്ത്<യb>