സെൻട്രൽ ഹെൽത്ത് സർവീസിലും റെയിൽവേയിലും ഉൾപ്പെടെ മെഡിക്കൽ നിയമനത്തിനായി യൂണിയൻ പബ്ലിക് സർവീസ് കമ്മീഷൻ നടത്തുന്ന കംബൈൻഡ് മെഡിക്കൽ സർവീസസ് പരീക്ഷയ്ക്ക് അപേക്ഷിക്കാം. 1,358 ഒഴിവുണ്ട്.
ഒഴിവിന്റെ എണ്ണത്തിൽ മാറ്റം വരാം. ഓഗസ്റ്റ് രണ്ടിനു പരീക്ഷ നടത്തും. തിരുവനന്തപുരത്തും കൊച്ചിയിലും കേന്ദ്രമുണ്ട്. ഓൺലൈൻ അപേക്ഷ മാർച്ച് 31 വരെ.
കാറ്റഗറി, തസ്തിക, ഒഴിവ്:
കാറ്റഗറി-1: സെൻട്രൽ ഹെൽത്ത് സർവീസിൽ മെഡിക്കൽ ഓഫീസർ ഗ്രേഡ് (ജനറൽ ഡ്യൂട്ടി മെഡിക്കൽ ഓഫീസേഴ്സ് സബ് കേഡർ)-864.
കാറ്റഗറി-2: റെയിൽവേയിൽ അസിസ്റ്റന്റ് ഡിവിഷണൽ മെഡിക്കൽ ഓഫീസർ 450. ഡൽഹി മുനിസിപ്പൽ കോർപറേഷനിൽ ജനറൽ ഡ്യൂട്ടി മെഡിക്കൽ ഓഫീസർ ഗ്രേഡ് 2-30. ഡൽഹി മുനിസിപ്പൽ കൗൺസിലിൽ ജനറൽ ഡ്യൂട്ടി മെഡിക്കൽ ഓഫീസർ-14.
യോഗ്യത: എംബിബിഎസ് ജയം. അവസാന വർഷ പരീക്ഷ എഴുതുന്നവരെയും പരിഗണിക്കും. പ്രായം: 2026 ഓഗസ്റ്റ് ഒന്നിനു 32 തികയരുത്. പട്ടികവിഭാഗക്കാർക്ക് അഞ്ചും ഒബിസി വിഭാഗത്തിനു മൂന്നും ഭിന്നശേഷിക്കാർക്കു പത്തും വർഷം ഇളവു ലഭിക്കും.
വിമുക്തഭടന്മാർക്കും ഇളവുണ്ട്. ഫീസ്: 200 രൂപ. ഓൺലൈനായി ഫീസ് അടയ്ക്കാം. സ്ത്രീകൾക്കും പട്ടികവിഭാഗക്കാർക്കും ഭിന്നശേഷിക്കാർക്കും ഫീസില്ല.
അപേക്ഷിക്കേണ്ട വിധം: www.upsconline. nic.in എന്ന വെബ്സൈറ്റ് മുഖേന ഓൺലൈൻ അപേക്ഷ സമർപ്പിക്കാം.
വിവരങ്ങൾക്ക്: www.upsc.gov.in
E-paper LOGIN
LOGIN