സിപിഎമ്മിനു ബോംബ് നിർമിക്കേണ്ട ആവശ്യമില്ല: എം.വി. ഗോവിന്ദൻ : Deepika.com Kerala News |

Click here for detailed news of all items

സിപിഎമ്മിനു ബോംബ് നിർമിക്കേണ്ട ആവശ്യമില്ല: എം.വി. ഗോവിന്ദൻ

Tuesday, April 9, 2024 1:32 AM IST

കൊച്ചി: സിപിഎമ്മിനു ബോംബ് നിർമിക്കേണ്ട ആവശ്യമില്ലെന്നു സംസ്ഥാന സെക്രട്ടറി എം.വി. ഗോവിന്ദൻ. പാനൂർ സ്ഫോടനവുമായി പാർട്ടിക്കു യാതൊരു ബന്ധവുമില്ല.

സ്ഫോടനത്തിൽ മരിച്ചയാളുടെ വീട്ടിൽ പാർട്ടി പ്രവർത്തകർ പോയതു മനുഷ്യത്വത്തിന്‍റെ പേരിലാണെന്നും എം.വി. ഗോവിന്ദൻ കൊച്ചിയിൽ പത്രസമ്മേളനത്തിൽ പറഞ്ഞു. ‌സ്ഫോടനത്തിന്‍റെ പേരിൽ അറസ്റ്റിലായ ഡിവൈഎഫ്ഐ പ്രവർത്തകൻ, പരിക്കേറ്റയാളെ ആശുപത്രിയിലെത്തിക്കാനാണു സ്ഥലത്തെത്തിയത്. പോലീസ് അതെല്ലാം പരിശോധിക്കട്ടെ. ബോംബുണ്ടാക്കിയവർ ക്രിമിനൽ കുറ്റമാണു ചെയ്തത്.

ഇടതുപക്ഷ സർക്കാർ അധികാരത്തിൽ വന്ന 2016നുശേഷം 27 പ്രവർത്തകർ കൊല്ലപ്പെട്ടിട്ടും സംയമനം പാലിച്ച പാർട്ടിയാണു സിപിഎം. ഞങ്ങളെ ആക്രമിച്ചാലും തിരിച്ച് ആക്രമിക്കില്ല. ജനങ്ങളെ അണിനിരത്തിയാണ് പാർട്ടി പ്രതിരോധമൊരുക്കുന്നത്.

ഈ നിലപാടിലൂടെ പലയിടത്തും സംഘർഷങ്ങൾ ഒഴിവായി. ഇക്കാര്യത്തിൽ സിപിഎമ്മിനെ അഭിനന്ദിക്കുകയാണ് മാധ്യമങ്ങൾ ചെയ്യേണ്ടത്. മാധ്യമങ്ങൾ വലതുപക്ഷ താത്പര്യങ്ങൾ സംരക്ഷിക്കാൻ കള്ളപ്രചാരണങ്ങൾ നടത്തുകയാണ്.- എം.വി. ഗോവിന്ദൻ പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.