പ്രസവം നിർത്തൽ ശസ്ത്രക്രിയയ്ക്കു വിധേയയായ യുവതി മരിച്ചു : Deepika.com Kerala News |

Click here for detailed news of all items

പ്രസവം നിർത്തൽ ശസ്ത്രക്രിയയ്ക്കു വിധേയയായ യുവതി മരിച്ചു

Thursday, April 11, 2024 2:02 AM IST

ചാലക്കുടി: പ്രസവം നിർത്തൽ ശസ്ത്രക്രിയയെ തുടർന്ന് യുവതി മരിച്ചു. മാള പാറപ്പുറം ചക്യേത്ത് സിജോയുടെ ഭാര്യ നീതു (31) ആണ് മരിച്ചത്. ചികിത്സപ്പിഴവാണ് മരണകാരണമെന്ന വീട്ടുകാരുടെ പരാതിയിൽ പോലീസ് അസ്വാഭാവികമരണത്തിനു കേസെടുത്തു.

ഏപ്രിൽ ഒന്നിനു നീതു കുഴിക്കാട്ടുശേരി ആശുപത്രിയിൽ ‌മൂന്നാമത്തെ കുഞ്ഞിനെ പ്രസവിച്ചു. ഞായറാഴ്ച പോട്ടയിലെ പാലസ് ആശുപത്രിയിൽ പ്രസവം നിർത്താനായി അഡ്മിറ്റ് ചെയ്തു. തിങ്കളാഴ്ച പ്രസവം നിർത്തൽ ശസ്ത്രക്രിയയ്ക്കു വിധേയയായ നീതുവിന്‍റെ നില ഗുരുതരമായി. തുടർന്ന് പാലസ് ഹോസ്പിറ്റലിൽനിന്നും തൃശൂർ ജൂബിലി ആശുപത്രിയിലേക്കു റഫർ ചെയ്തു. ചികിത്സയിലിരിക്കേ ഇന്നലെ പുലർച്ചെ നാലുമണിയോടെ നീതു മരിച്ചു.

പാലസ് ആശുപത്രിയിൽ ശസ്ത്രക്രിയയ്ക്കായി അനസ്തേഷ്യ നൽകിയതിലെ അപാകതയാണു മരണകാരണം എന്നാരോപിച്ച് ബന്ധുക്കൾ ചാലക്കുടി പോലീസിൽ പരാതി നൽകി. തുടർന്ന് പോലീസ് അസ്വാഭാവികമരണത്തിനു കേസെടുത്തു. മൃതദേഹം തൃശൂർ മെഡിക്കൽ കോളജിലേക്കു പോസ്റ്റുമോർട്ടത്തിനായി മാറ്റി.

സംസ്കാരം ഇന്നു തെക്കൻ താണിശേരി പള്ളിയിൽ നടത്തും. ഭർത്താവ് സിജോ അപ്പോളോ ടയേഴ്സ് ജീവനക്കാരനാണ്. മറ്റു മക്കൾ: ഇസാ തെരേസ, എമിലി. പുത്തൻചിറ പിണ്ടാണി ഉദയനഗർ താഴത്തുപുറം കുടുംബാംഗമാണ് നീതു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.