നോർത്ത് ഈസ്റ്റ് ഡൽഹിയിൽ കനയ്യ കുമാർ കോണ്‍ഗ്രസ് സ്ഥാനാർഥി : Deepika.com National News |

Click here for detailed news of all items

നോർത്ത് ഈസ്റ്റ് ഡൽഹിയിൽ കനയ്യ കുമാർ കോണ്‍ഗ്രസ് സ്ഥാനാർഥി

Tuesday, April 16, 2024 2:08 AM IST

ന്യൂഡൽഹി: ജെഎൻയു മുൻ വിദ്യാർഥി നേതാവ് കനയ്യ കുമാർ, പഞ്ചാബ് മുൻ മുഖ്യമന്ത്രി ചരണ്‍ജിത് സിംഗ് ഛന്നി എന്നിവരുൾപ്പെടെ പത്ത് പേരടങ്ങുന്ന പുതിയ സ്ഥാനാർഥി പട്ടിക കോണ്‍ഗ്രസ് പ്രഖ്യാപിച്ചു.

ഡൽഹിയിൽ മൂന്ന്, പഞ്ചാബിൽ ആറ്, ഉത്തർപ്രദേശിൽ ഒന്ന് സീറ്റുകളിലേക്കാണ് സ്ഥാനാർഥികളെ പ്രഖ്യാപിച്ചത്. ബിജെപി സിറ്റിംഗ് എംപി മനോജ് തിവാരി മത്സരിക്കുന്ന നോർത്ത് ഈസ്റ്റ് ഡൽഹിയിലാണ് കനയ്യ കുമാറിനെ കോണ്‍ഗ്രസ് രംഗത്തിറക്കിയിരിക്കുന്നത്. ചാന്ദിനി ചൗക്കിൽ ജെ.പി. അഗർവാൾ, നോർത്ത് വെസ്റ്റ് ഡൽഹിയിൽ ഉദിത് രാജ് എന്നിവർ മത്സരിക്കും.

പഞ്ചാബിലെ ജലന്ധർ മണ്ഡലത്തിൽ മുൻ മുഖ്യമന്ത്രി ചരണ്‍ജിത് സിംഗ് ഛന്നിയെയാണ് കോണ്‍ഗ്രസ് അവതരിപ്പിച്ചിരിക്കുന്നത്.

അമൃത്സറിൽ ഗുർജീത് സിങ് ഔജ്‌ല, ഫത്തേഗഡ് സാഹിബിൽ അമർ സിംഗ്, ബട്ടിൻഡയിൽ ജീത് മൊഹീന്ദർ സിംഗ് സിദ്ദു, സംഗ്രൂരിൽ സുഖ്പാൽ സിംഗ് ഖൈറ, പാട്യാലയിൽ ധരംവീർ ഗാന്ധി എന്നിവരാണ് സ്ഥാനാർഥികൾ. ഉത്തർപ്രദേശിലെ അലഹബാദിൽ ഉജ്വൽ രേവതി രമൻ സിംഗ് മത്സരിക്കും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.