കാന്‍സര്‍ ചികിത്സയ്ക്കുള്ള ഇവോസിഡെനിബ് മരുന്നുമായി സെര്‍വിയര്‍ ഇന്ത്യ
Saturday, June 14, 2025 12:56 AM IST
തിരുവനന്തപുരം: ഫ്രഞ്ച് ഫാര്‍മസ്യൂട്ടിക്കല്‍ സ്ഥാപനമായ സെര്‍വിയര്‍ ഗ്രൂപ്പിന്‍റെ അനുബന്ധ സ്ഥാപനമായ സെര്‍വിയര്‍ ഇന്ത്യ, അക്യൂട്ട് മൈലോയിഡ് ലുക്കീമിയ, ചോലാഞ്ചിയോ കാര്‍സിനോമ എന്നീ കാന്‍സറുകള്‍ ബാധിച്ച രോഗികളെ ചികില്‍സിക്കുന്നതിനുള്ള അംഗീകൃത ഓറല്‍ ടാര്‍ഗെറ്റഡ് തെറാപ്പിയായ ഇവോസിഡെനിബ് വിപണിയിലെത്തിച്ചു.
മരുന്നുകളുടെ ഇറക്കുമതി, വില്‍പ്പന, വിതരണം എന്നിവ നിയന്ത്രിക്കുന്ന സെന്‍ട്രല്‍ ഡ്രഗ്സ് സ്റ്റാന്‍ഡേര്‍ഡ് കണ്ട്രോള് ഓര്‍ഗനൈസേഷനില്‍ നിന്ന് സെര്‍വിയര്‍ ഇന്ത്യക്ക് അനുമതി ലഭിച്ചതായി സെര്‍വിയര്‍ ഇന്ത്യ മാനേജിംഗ് ഡയറക്ടര്‍ ഔറലീന്‍ ബ്രെട്ടണ്‍ പറഞ്ഞു.