സിനര്‍ജി ഫുഡ് ബിസിനസ് എക്‌സ്പോ ജൂലൈ രണ്ടു മുതല്‍
Tuesday, June 10, 2025 11:42 PM IST
കൊച്ചി: ഫുഡ് ബിസിനസ് മേഖലയിലെ പുതുമകള്‍ പരിചയപ്പെടുത്തുന്നതിനായി സിനര്‍ജി എക്‌സ്‌പോഷേഴ്‌സ് ആന്‍ഡ് ഇവന്‍റ്സ് ഇന്ത്യ പ്രൈവറ്റ് ലിമിറ്റഡ് സംഘടിപ്പിക്കുന്ന ബി2ബി എക്‌സ്‌പോയുടെ രണ്ടാമത് എഡിഷന്‍ ജൂലൈ രണ്ടു മുതല്‍ നാലു വരെ കോയമ്പത്തൂരിലെ കോഡിസിയ ട്രേഡ് ഫെയര്‍ കോംപ്ലക്‌സില്‍ നടക്കും.
രാജ്യത്തെ ഭക്ഷ്യമേഖലയില്‍ പ്രവര്‍ത്തിക്കുന്ന സംഘടനകളുടെ സഹകരണത്തോടെ നടക്കുന്ന എക്‌സ്‌പോയില്‍ ഫുഡ് ആന്‍ഡ് ബിവറേജ് മാനുഫാക്ചറിംഗ്, ബേക്കറി, ഫുഡ് പ്രോസസിംഗ്, ഹോസ്പിറ്റാലിറ്റി, അനുബന്ധ വ്യവസായങ്ങള്‍ തുടങ്ങി 300ലേറെ കമ്പനികള്‍ അവരുടെ ഉത്പന്നങ്ങളും ബ്രാന്‍ഡുകളും പ്രദര്‍ശിപ്പിക്കും.
35ഓളം രാജ്യങ്ങളില്‍നിന്നുള്ള മുന്നൂറോളം എക്‌സിബിറ്റേഴ്‌സ് ഫുഡ് ബസിനസ് എക്‌സ്‌പോയുടെ ഭാഗമാകുമെന്ന് സിനര്‍ജി എക്‌സ്‌പോഷേഴ്‌സ് ആന്‍ഡ് ഇവന്‍റ്സ് ഇന്ത്യ പ്രൈവറ്റ് ലിമിറ്റഡ് വൈസ് പ്രസിഡന്‍റ് ജി. ശശികുമാര്‍ പത്രസമ്മേളനത്തില്‍ പറഞ്ഞു.
പങ്കെടുക്കാന്‍ ആഗ്രഹിക്കുന്നവര്‍ക്ക് www.fdpexpo.com/ visitor-regitsration എന്ന ലിങ്ക് വഴിയോ 6382175231 എന്ന മൊബൈല്‍ നമ്പറിലോ രജിസ്റ്റര്‍ ചെയ്യാം. കൂടുതല്‍ വിവരങ്ങള്‍ക്ക്: ജി. ശശികുമാർ - 95516 65441.