ബിനീഷിന് ആശ്വാസം; ഇഡിയുടെ ആവശ്യം സുപ്രീം കോടതി തള്ളി
Friday, February 2, 2024 3:02 PM IST
കൊച്ചി: ലഹരി ഇടപാടിലെ കള്ളപ്പണം വെളുപ്പിക്കല് കേസില് ബിനീഷ് കോടിയേരിക്ക് അനുവദിച്ച ജാമ്യം റദ്ദാക്കണമെന്ന ഇഡിയുടെ ആവശ്യം സുപ്രീം കോടതി നിരാകരിച്ചു. ബംഗളൂരുവിലെ ഇഡി ഡെപ്യൂട്ടി ഡയറക്ടര് നല്കിയ ഹര്ജിയാണ് തള്ളിയത്.
2021 ഒക്ടോബറിലാണ് ബിനീഷ് കോടിയേരിക്ക് കര്ണാടക ഹൈക്കോടതി ജാമ്യം അനുവദിച്ചത്. ഈ ഉത്തരവ് റദ്ദാക്കണമെന്നാവശ്യപ്പെട്ടാണ് ഇഡി കോടതിയെ സമീപിച്ചത്. ജസ്റ്റീസുമാരായ ബി.ആര്. ഗവായ്, സന്ദീപ് മേത്ത എന്നിവരടങ്ങിയ ബെഞ്ചാണ് ഹര്ജി തള്ളിയത്.
എന്നാല് കേസ് റദ്ദാക്കണമെന്നാവശ്യപ്പെട്ട് കര്ണാടക ഹൈക്കോടതിയെ സമീപിച്ചിട്ടുണ്ടെന്ന് ബിനീഷിനുവേണ്ടി ഹാജരായ അഭിഭാഷകരായ ജി. പ്രകാശും, എം.എല്. ജിഷ്ണുവും കോടതിയെ ബോധിപ്പിച്ചു. ഹൈക്കോടതി ബിനീഷിന് എതിരായ തുടര്നടപടികള് സ്റ്റേ ചെയ്തിട്ടില്ലെന്നും അഭിഭാഷകര് ചൂണ്ടിക്കാട്ടി.
മാത്രമല്ല സ്റ്റേയ്ക്കെതിരേ എന്ഫോഴ്സ്മെന്റ് ഡയറക്ടറേറ്റ് അപ്പീല് നല്കിയിട്ടില്ലെന്നും അഭിഭാഷകര് കോടതിയെ അറിയിച്ചു. തുടര്ന്ന് കോടതി ഇഡിയുടെ ഹര്ജി തള്ളുകയായിരുന്നു.