ഇംഗ്ലണ്ടിനെതിരെ ഏറ്റവും കൂടുതല് വിക്കറ്റ്; റിക്കാർഡു നേട്ടവുമായി അശ്വിൻ
Monday, February 5, 2024 6:35 PM IST
വിശാഖപട്ടണം: ടെസ്റ്റ് ക്രിക്കറ്റില് ഇംഗ്ലണ്ടിനെതിരെ ഏറ്റവും കൂടുതല് വിക്കറ്റ് നേടിയ ഇന്ത്യൻ താരമെന്ന റിക്കാർഡിന് ഉടമയായി ആർ.അശ്വിൻ. മുന് ലെഗ് സ്പിന്നര് ബി.എസ്.ചന്ദ്രശേഖറിന്റെ പേരിലുള്ള റിക്കാർഡാണ് അശ്വിന് സ്വന്തം പേരിലാക്കിയത്.
ടെസ്റ്റിൽ ഇംഗ്ലണ്ടിനെതിരെ 95 വിക്കറ്റാണ് ചന്ദ്രശേഖർ നേടിയിട്ടുള്ളത്. വിശാഖപട്ടണം ടെസ്റ്റിൽ ഒലി പോപ്പിന്റെ വിക്കറ്റ് എടുത്തതോടെ അശ്വിന് 96 വിക്കറ്റ് നേടി.
അനിൽ കുംബ്ലെയാണ് (92) ഈ പട്ടികയിലെ മൂന്നാമൻ. ടെസ്റ്റിൽ ഒരു വിക്കറ്റുകൂടി നേടിയാൽ അശ്വിന് 500 വിക്കറ്റ് ക്ലബിലെത്താനാകും.