മോന്സണ് മാവുങ്കല് കേസ്; ഓലപ്പാമ്പ് കണ്ടാല് പേടിക്കില്ലെന്ന് കെ.സുധാകരൻ
Tuesday, March 5, 2024 7:20 PM IST
തിരുവനന്തപുരം: ജനങ്ങളെ ബാധിക്കുന്ന നിരവധി പ്രശ്നങ്ങള്ക്കെതിരെ കോണ്ഗ്രസ് ശക്തമായ പ്രതിഷേധം തീര്ക്കുമ്പോള് അതില് നിന്നെല്ലാം ഒളിച്ചോടി ജനശ്രദ്ധ തിരിക്കാന് മുഖ്യമന്ത്രി ശ്രമിക്കുന്നതെന്ന് കെപിസിസി പ്രസിഡന്റ് കെ.സുധാകരൻ.
മോന്സണ് മാവുങ്കല് പ്രതിയായ പുരാവസ്തു തട്ടിപ്പുകേസില് കൂട്ടുപ്രതിയാക്കി തന്റെ രാഷ്ട്രീയം ജീവിതം അവസാനിപ്പിക്കാമെന്നത് മുഖ്യമന്ത്രിയുടേയും സിപിഎമ്മിന്റേയും വെറും ദിവാസ്വപ്നമാണെന്നും സുധാകരൻ പറഞ്ഞു. ഓലപ്പാമ്പ് കാട്ടിയാല് ഭയപ്പെടുന്ന ജന്മമല്ല തന്റേതെന്ന് മുഖ്യമന്ത്രി പിണറായി വിജയന് ഓര്ത്താല് നല്ലതാണെന്നും അദ്ദേഹം പറഞ്ഞു.
സിപിഎമ്മിന്റെ ആസൂത്രിത ഗൂഢാലോചനയില് കെട്ടിപ്പൊക്കിയ കേസാണിത്. നേരത്തെ ഇതേ കേസില് തന്നെ അറസ്റ്റ് ചെയ്ത് ജയിലിലടയ്ക്കാന് ശ്രമം നടന്നതാണ്. നിയമപോരാട്ടം തുടരുന്നതോടൊപ്പം തനിക്കാതിരായ വ്യാജക്കേസ് റദ്ദാക്കണമെന്ന് ആവശ്യപ്പെട്ട് ഹൈക്കോടതിയെ സമീപിക്കുമെന്നും സുധാകരന് പറഞ്ഞു.