കോൺഗ്രസിന് തിരിച്ചടി; തിരുവനന്തപുരത്ത് 48 നേതാക്കൾ ബിജെപിയിൽ
Wednesday, March 27, 2024 10:48 PM IST
തിരുവനന്തപുരം: നെയ്യാറ്റിൻകരയിൽ 48 കോൺഗ്രസ് നേതാക്കൾ ബിജെപിയിൽ ചേർന്നു. നെയ്യാറ്റിൻകര കാർഷിക സഹകരണ ബാങ്ക് ഡയറക്ടർ ചന്ദ്രൻ ഉൾപ്പെടെ ഉള്ളവരാണ് കോൺഗ്രസ് വിട്ട് ബിജെപി അംഗത്വം സ്വീകരിച്ചത്.
ബിജെപി സംസ്ഥാന കാര്യലായത്തിൽവച്ചാണ് ഇവർ അംഗത്വം സ്വീകരിച്ചത്. കേന്ദ്ര മന്ത്രി രാജീവ് ചന്ദ്രശേഖറും ബിജെപി ജില്ലാ അദ്ധ്യക്ഷൻ വി.വി. രാജേഷും ചേർന്ന് നേതാക്കളെ ഷാൾ അണിയിച്ച് പാർട്ടിയിലേക്ക് സ്വീകരിച്ചു.
കഴിഞ്ഞദിവസം ആറ്റിങ്ങലിൽ ബിജെപി പ്രവർത്തകർ സിപിഎമ്മിൽ ചേർന്നിരുന്നു. അഞ്ച് ബൂത്ത് ഭാരവാഹികൾ ഉൾപ്പെടെ പത്തു പേരാണ് ബിജെപി വിട്ട് സിപിഎമ്മിൽ ചേർന്നത്.