നികുതി പുനര്നിര്ണയ നടപടി; കോണ്ഗ്രസിന്റെ ഹര്ജി തള്ളി ഡല്ഹി ഹൈക്കോടതി
Thursday, March 28, 2024 12:56 PM IST
ന്യൂഡല്ഹി: നികുതി നിര്ണയത്തില് കോണ്ഗ്രസിന് തിരിച്ചടി. നികുതി പുനര്നിര്ണയ നടപടി നിര്ത്തിവയ്ക്കണമെന്ന് ആവശ്യപ്പെട്ടുള്ള കോണ്ഗ്രസിന്റെ ഹര്ജി ഡല്ഹി ഹൈക്കോടതി തള്ളി. ബാങ്ക് അക്കൗണ്ടുകള് മരവിപ്പിച്ചത് ഉള്പ്പെടെയുള്ള ആദായനികുതി വകുപ്പിന്റെ നടപടികള് കോടതി ശരിവച്ചു.
2014-2017 സാമ്പത്തിക വര്ഷത്തെ നികുതി പുനര്നിര്ണയ നടപടി നിര്ത്തിവയ്ക്കണമെന്ന് ആവശ്യപ്പെട്ടുകൊണ്ടാണ് കോണ്ഗ്രസ് ഡല്ഹി ഹൈക്കോടതി ഡിവിഷന് ബെഞ്ചിനെ സമീപിച്ചത്. നേരത്തേ സിംഗിള് ബെഞ്ചില് നിന്ന് അനൂകൂല വിധി ഉണ്ടാകാതിരുന്നതിനെ തുടര്ന്നാണ് ഡിവിഷന് ബെഞ്ചില് അപ്പീല് നല്കിയത്.
അക്കൗണ്ടുകള് മരവിപ്പിച്ചതോടെ ഇലക്ഷന് പ്രചരണത്തിന് അടക്കം വലിയ പ്രതിസന്ധി നേരിടുന്നുണ്ടെന്ന് കോണ്ഗ്രസ് ഹര്ജിയില് ചൂണ്ടിക്കാട്ടിയിരുന്നു. എന്നാല് പാര്ട്ടി 520-ല് അധികം കോടി രൂപയുടെ നികുതി അടയ്ക്കാനുണ്ടെന്ന് ആദായനികുതി വകുപ്പ് കോടതിയെ അറിയിക്കുകയായിരുന്നു. ഇതോടെ ആദായനികുതി വകുപ്പിന് നടപടി തുടരാമെന്ന് കോടതി വ്യക്തമാക്കി.