അട്ടപ്പാടിയില് പുലി പശുക്കിടാവിനെ കൊന്നു; വീടിന്റെ ജനലും തകര്ത്തു
Monday, April 1, 2024 12:04 PM IST
പാലക്കാട്: അട്ടപ്പാടി അഗളിയില് പുലിയിറങ്ങി പശുക്കിടാവിനെ കൊന്നു. അഗളി സ്വദേശി തങ്കരാജിന്റെ പശുക്കിടാവിനെയാണ് പുലി പിടിച്ചത്. ഇവരുടെ വീടിന്റെ ജനലും പുലി തകര്ത്തിട്ടുണ്ട്.
ഞായറാഴ്ച രാത്രി പന്ത്രണ്ടരയോടെ പൂവാത്ത കോളനിക്ക് സമീപമാണ് സംഭവം. പുറത്ത് വലിയ ശബ്ദം കേട്ടെങ്കിലും ഈ സമയം വീട്ടില് വൈദ്യുതി ഇല്ലാത്തതിനാല് ഇറങ്ങി നോക്കാന് കഴിഞ്ഞില്ല.പിന്നീട് ജനലിലൂടെ നോക്കിയപ്പോള് എന്തോ ഒന്ന് മുറ്റത്ത് പതുങ്ങിനില്ക്കുന്നതായി ശ്രദ്ധയില്പ്പെട്ടു.
ഇതോടെ ആര്ആര്ടിയെ വിവരമറിയിക്കുകയായിരുന്നു. ആര്ആര്ടി സംഘമെത്തി പടക്കം പൊട്ടിച്ചാണ് പുലിയെ തുരത്തിയത്.