വയനാട്ടില് മാവോയിസ്റ്റ്- തണ്ടര്ബോള്ട്ട് ഏറ്റുമുട്ടല്
Tuesday, April 30, 2024 12:45 PM IST
വയനാട്: തലപ്പുഴ കമ്പമലയില് മാവോയിസ്റ്റുകളും തണ്ടര്ബോള്ട്ടും തമ്മില് ഏറ്റുമുട്ടല്. ഇന്ന് പുലര്ച്ചെയാണ് സംഭവം.
മാവോയിസറ്റ് സംഘം വനത്തില് തങ്ങുന്നതായി വിവരം ലഭിച്ചതിനെ തുടർന്ന് തണ്ടര്ബോള്ട്ട് പ്രദേശത്ത് പരിശോധന നടത്തുകയായിരുന്നു. ഇതിനിടെ ഇവർക്കുനേരേ മാവോയിസ്റ്റുകൾ വെടിയുതിർക്കുകയായിരുന്നു.
ഒമ്പത് റൗണ്ട് വെടിവയ്ക്കുന്നതിന്റെ ശബ്ദം കേട്ടെന്ന് നാട്ടുകാര് പറഞ്ഞു. സംഭവത്തിൽ ആര്ക്കും പരിക്കില്ലെന്നാണ് വിവരം.
കഴിഞ്ഞ ബുധനാഴ്ച രാവിലെ രാവിലെ 6.10ന് സി.പി.മൊയ്തീന്റെ നേതൃത്വത്തില് നാല് മാവോയിസ്റ്റുകള് കമ്പമലയില് എത്തിയിരുന്നു. ഇവരിൽ രണ്ട് പേരുടെ കൈയില് ആയുധമുണ്ടായിരുന്നു.
തെരഞ്ഞെടുപ്പില് വോട്ട് ചെയ്തിട്ട് ഒരു കാര്യവുമില്ലെന്നും വോട്ട് ബഹിഷ്കരിക്കണമെന്നും ഇവര് നാട്ടുകാരോട് ആവശ്യപ്പെട്ടു. എന്നാല് നാട്ടുകാരുമായി വാക്കുതര്ക്കമുണ്ടായതോടെ കാട്ടിലേക്ക് മടങ്ങുകയായിരുന്നു.