തെ​ര​ഞ്ഞെ​ടു​പ്പി​നുശേ​ഷം യു​ഡി​എ​ഫിന് വി​റ​ളി​പി​ടി​ച്ചു: പ്ര​ഫ. ലോ​പ്പ​സ് മാ​ത്യു
Sunday, April 28, 2024 11:07 PM IST
പാ​ലാ: പാ​ര്‍​ല​മെ​ന്‍റ് തെ​ര​ഞ്ഞെ​ടു​പ്പി​നു​ശേ​ഷം വി​റ​ളി​പൂ​ണ്ട യു​ഡി​എ​ഫി​നെ​യും നേ​താ​ക്ക​ളെ​യു​മാ​ണു കാ​ണു​ന്ന​തെ​ന്നും പോ​ളിം​ഗ് ബൂ​ത്തി​ല്‍ ത​ങ്ങ​ളു​ടെ വോ​ട്ട​ര്‍​മാ​രെ എ​ത്തി​ക്കാ​ന്‍ പ​രാ​ജ​യ​പ്പെ​ട്ട​തി​ന്‍റെ ജാ​ള്യത മ​റ​യ്ക്കാ​നാ​ണ് ശ്ര​മ​മെ​ന്നും എ​ല്‍​ഡി​എ​ഫ് ജി​ല്ലാ ക​ണ്‍​വീ​ന​ര്‍ പ്ര​ഫ. ലോ​പ്പ​സ് മാത്യു.

മ​ത്സ​രി​ച്ച സ്ഥാ​നാ​ര്‍​ഥി​യു​ടെ പാ​ര്‍​ട്ടി​ക്ക് വോ​ട്ട​ര്‍​മാ​രെ ബൂ​ത്തി​ല്‍ എ​ത്തി​ക്കാ​നു​ള്ള സം​ഘ​ട​നാ സം​വി​ധാ​ന​മി​ല്ലാ​തെ പോ​യ​തും സ്ഥാ​നാ​ര്‍​ഥി നി​ര്‍​ണ​യ​ത്തി​ലു​ണ്ടാ​യ അ​തൃ​പ്തി​യും അ​ണി​ക​ള്‍ കൂ​ട്ട​ത്തോ​ടെ പാ​ര്‍​ട്ടി വി​ട്ട​തും കോ​ണ്‍​ഗ്ര​സി​ലെ വി​വി​ധ ഗ്രൂ​പ്പു​ക​ളു​ടെ യോ​ജി​പ്പി​ല്ലാ​യ്മ​യു​മാ​ണ് പോ​ളിം​ഗ് ശ​ത​മാ​നം കു​റ​യാ​ന്‍ കാ​ര​ണം.

ഭ​ര​ണ​വി​രു​ദ്ധ​വി​കാ​രം ചി​ല ബാ​ഹ്യ​ശ​ക്തി​ക​ളു​ടെ പി​ന്തു​ണ​യോ​ടെ സൃ​ഷ്ടി​ക്കാ​മെ​ന്നു​ള്ള യു​ഡി​എ​ഫ് നേ​താ​ക്ക​ളു​ടെ വ്യാ​മോ​ഹം വോ​ട്ട​ര്‍​മാ​ര്‍ തി​രി​ച്ച​റി​ഞ്ഞു.​യു​ഡി​എ​ഫ് അ​നു​ഭാ​വി​ക​ള്‍ തെ​ര​ഞ്ഞെ​ടു​പ്പി​ല്‍​നി​ന്ന് വി​ട്ടു​നി​ന്ന​ത് മ​ണ്ഡ​ല​ത്തി​ല്‍ ഉ​ട​നീ​ളം പ്ര​ക​ട​മാ​യി​രു​ന്നു.

യു​ഡി​എ​ഫി​ന്‍റെ കൊ​ട്ടി​ക്ക​ലാ​ശം പൊ​ള​ഞ്ഞ​തു മ​റ​ച്ചു​പി​ടി​ക്കാ​നു​ള്ള ശ്ര​മ​മാ​ണ് യു​ഡി​എ​ഫ് തെ​ര​ഞ്ഞെ​ടു​പ്പ് ക​മ്മി​റ്റി ക​ണ്‍​വീ​ന​ര്‍ ന​ട​ത്തു​ന്ന​ത്. എം​എ​ല്‍​എ​യു​ടെ നേ​തൃ​ത്വ​ത്തി​ല്‍ പാ​ലാ​യി​ല്‍ ന​ട​ത്തി​യ യു​ഡി​എ​ഫി​ന്‍റെ കൊ​ട്ടി​ക്ക​ലാ​ശം അ​മ്പേ പ​രാ​ജ​യ​പ്പെ​ട്ടു.

വൈ​ക്കം, ഏ​റ്റു​മാ​നൂ​ര്‍, ക​ടു​ത്തു​രു​ത്തി, പാ​ലാ മ​ണ്ഡ​ല​ങ്ങ​ളി​ല്‍ എ​ല്‍​ഡി​എ​ഫ് വ​ന്‍ ലീ​ഡ് നേ​ടും. പു​തു​പ്പ​ള്ളി​യി​ല്‍ യു​ഡി​എ​ഫി​ന് ല​ഭി​ച്ച ലീ​ഡ് മൂ​ന്നി​ലൊ​ന്നാ​യി കു​റ​യു​മെ​ന്നും വ​ന്‍ ഭൂ​രി​പ​ക്ഷ​ത്തി​ല്‍ തോ​മ​സ് ചാ​ഴി​കാ​ട​ന്‍ വി​ജ​യി​ക്കു​മെ​ന്നും ലോ​പ്പ​സ് മാ​ത്യു പ​റ​ഞ്ഞു.
Copyright @ 2018 , Rashtra Deepika Ltd.