കേന്ദ്ര ആഭ്യന്തര മന്ത്രാലയത്തിനു കീഴിലെ ഇന്‍റലിജൻസ് ബ്യൂറോയുടെ സബ്സിഡിയറികളിൽ സെക്യൂരിറ്റി അസിസ്റ്റന്‍റ്/മോട്ടർ ട്രാൻസ്പോർട്ട്, മൾട്ടി ടാസ്കിംഗ് സ്റ്റാഫ് ജനറൽ തസ്തികകളിലായി 677 ഒഴിവ്. നേരിട്ടുള്ള നിയമനം.
ജനറൽ സെൻട്രൽ സർവീസ്, (ഗ്രൂപ്പ് സി) നോണ് ഗസറ്റഡ്, നോണ് മിനിസ്റ്റീരിയൽ തസ്തികയാണ്. തിരുവനന്തപുരം ഉൾപ്പെട്ട സബ്സിഡിയറി ഇന്‍റലിജൻസ് ബ്യൂറോയിൽ (എസ്ഐബി) 22 ഒഴിവുണ്ട്. ഓണ്‍ലൈൻ അപേക്ഷ നവംബർ 13 വരെ. ഉദ്യോഗാർഥി അപേക്ഷിക്കുന്ന സംസ്ഥാനത്തെ താമസക്കാരനായിരിക്കണം.
സെക്യൂരിറ്റി അസിസ്റ്റന്‍റ് മോട്ടർ ട്രാൻസ്പോർട്ട് തസ്തികയിൽ അപേക്ഷിക്കുന്നവർ എൽഎംവി ഡ്രൈവിംഗ് ലൈസൻസ്, മോട്ടർ മെക്കാനിസത്തിൽ അറിവ്, ഒരു വർഷ ഡ്രൈവിംഗ് പരിചയം എന്നിവകൂടി വേണം. പ്രായം: 27 കവിയരുത്.
മൾട്ടി ടാസ്കിംഗ് സ്റ്റാഫ്/ജനറൽ: 18-25 (അർഹർക്ക് ഇളവ്). സെക്യൂരിറ്റി അസിസ്റ്റന്‍റ് മോട്ടർ ട്രാൻസ്പോർട്ട്: 27 കവിയരുത്. യോഗ്യത: പത്താം ക്ലാസ് ജയം തത്തുല്യം. ഫീസ് 450 രൂപ (അർഹർക്ക് ഇളവ്). ഫീസ് ഓണ്‍ലൈനായും ഓഫ്‌ലൈനായും അടയ്ക്കാം.
തെരഞ്ഞെടുപ്പ് എഴുത്തുപരീക്ഷ അടിസ്ഥാനമാക്കി. രണ്ടു ഘട്ട പരീക്ഷയുണ്ടാകും. ഒഴിവുകളുടെ പത്തിരട്ടിപ്പേരെ മാത്രമാണ് രണ്ടാംഘട്ട പരീക്ഷയിലേക്കു തെരഞ്ഞെടുക്കുക.
www.mha.gov.in\www.ncs.gov.in