ആർമി പ്ലസ് ടു ടെക്നിക്കൽ എൻട്രി സ്കീം (പെർമനന്‍റ് കമ്മീഷൻ) 51-ാം കോഴ്സിലേക്ക് അപേക്ഷ ക്ഷണിച്ചു. 90 ഒഴിവ്.
അവിവാഹിതരായ ആണ്‍കുട്ടികൾക്കാണ് അവസരം. 2024 ജൂലൈയിൽ കോഴ്സ് ആരംഭിക്കും. ഓണ്‍ലൈൻ വഴി നവംബർ 12 വരെ അപേക്ഷിക്കാം.
യോഗ്യത: ഫിസിക്സ്, കെമിസ്ട്രി, മാത്സ് പഠിച്ച് 60% മാർക്കോടെ പ്ലസ് ടു ജയം/തത്തുല്യം. അപേക്ഷകർ ജെഇഇ (മെയിൻസ്) 2023 എഴുതിയവരാകണം.
പ്രായം: 2004 ജൂലൈ രണ്ടിനു മുൻപും 2007 ജൂലൈ ഒന്നിനു ശേഷവും ജനിച്ചവരാകരുത് (രണ്ടു തീയതിയും ഉൾപ്പെടെ).
പരിശീലനം: 4 വർഷം. പൂർത്തിയാക്കുന്നവർക്ക് എൻജിനിയറിംഗ് ബിരുദം ലഭിക്കും. പരിശീലനത്തിനുശേഷം ലഫ്റ്റനന്‍റ് റാങ്കിൽ നിയമനം.
തെരഞ്ഞെടുപ്പ്: ഷോര്‍ട്ട്‌ ലിസ്റ്റ് ചെയ്യപ്പെടുന്നവരെ എസ്എസ്ബി ഇന്‍റർവ്യൂവിനു ക്ഷണിക്കും. രണ്ടു ഘട്ടങ്ങളായാണ് ഇന്‍റർവ്യൂ. സൈക്കോളജിക്കൽ ടെസ്റ്റ്, ഗ്രൂപ്പ് ടെസ്റ്റ് എന്നിവയും വൈദ്യ പരിശോധനയുമുണ്ടാകും. www.joinindianarmy.nic.in