വെഞ്ഞാറമൂട്: എസ്എസ്എൽസി, പ്ലസ്ടു പരീക്ഷകളുടെ പരിഷ്കരിച്ച ചോദ്യപേപ്പർ ഘടന വിദ്യാർഥികൾക്ക് സമ്മർദമുണ്ടാക്കുന്നതാണെന്നും വിദ്യാർഥികൾക്കായി പൊതു വിദ്യാഭ്യാസ വകുപ്പ് തയാറാക്കിയ ഫോക്കസ് ഏരിയ തീർത്തും വികലമാണെന്നും അഡ്വ. അടൂർ പ്രകാശ് എംപി. ഫെബ്രുവരി 18,19,20 തീയതികളിൽ വെഞ്ഞാറമൂട് നടക്കുന്ന കെപിഎസ്ടിഎ തിരുവനന്തപുരം ജില്ലാ സമ്മേളനത്തോടനുബന്ധിച്ചുള്ള സ്വാഗതസംഘം ഓഫീസ് ഉദ്ഘാടനം ചെയ്യുകയായിരുന്നു അദ്ദേഹം.
കെപിഎസ്ടിഎ സംസ്ഥാന പ്രസിഡന്‍റ് എം.സലാഹുദ്ദീൻ, സ്വാഗത സംഘം ചെയർമാൻ ആനക്കുഴി ഷാനവാസ്, ഡിസിസി ജനറൽ സെക്രട്ടറി വെഞ്ഞാറമൂട് സനൽ, ബ്ലോക്ക് കോൺഗ്രസ് പ്രസിഡന്‍റ് പുരുഷോത്തമൻ നായർ, മണ്ഡലം പ്രസിഡന്‍റ് മഹേഷ്, കെപിഎസ്ടിഎ നേതാക്കളായ നെയ്യാറ്റിൻകര പ്രിൻസ്, അനിൽ വെഞ്ഞാറമൂട്, എ.ആർ ഷമീം, എൻ.സാബു, സി.എസ്. വിനോദ്, എ.ആർ. നസീം, രഞ്ജിത്ത് വെള്ളല്ലൂർ, ഒ.ബി. ഷാബു, ടി.യു. സഞ്ജീവ്, എം.ഹാഷിം എന്നിവർ പങ്കെടുത്തു.