കു​ടും​ബ​വ​ഴ​ക്ക്: ജ്യേ​ഷ്ഠ​ന്‍റെ കു​ത്തേ​റ്റ് അ​നു​ജ​ന്‍ മ​രി​ച്ചു
Saturday, July 24, 2021 9:27 PM IST
കാ​സ​ര്‍​ഗോ​ഡ്: കു​ടും​ബ വ​ഴ​ക്കി​നേ​ത്തു​ട​ര്‍​ന്ന് ജ്യേ​ഷ്ഠ​ന്‍റെ കു​ത്തേ​റ്റ് അ​നു​ജ​ന്‍ മ​രി​ച്ചു. പു​ത്തി​ഗെ മു​ഗു​വി​ലെ അ​ബ്ദു​ള്ള മൗ​ല​വി-​ബീ​ഫാ​ത്തി​മ ദ​മ്പ​തി​ക​ളു​ടെ മ​ക​ന്‍ മു​ഹ​മ്മ​ദ് നി​സാ​ര്‍ (33) ആ​ണ് മ​രി​ച്ച​ത്. ജ്യേ​ഷ്ഠ​ന്‍ മു​ഹ​മ്മ​ദ് റ​ഫീ​ഖി(45)​നെ ബ​ദി​യ​ഡു​ക്ക പോ​ലീ​സ് അ​റ​സ്റ്റ് ചെ​യ്തു. ഇ​ന്ന​ലെ ഉ​ച്ച​യ്ക്ക് ഒ​ന്ന​ര​യോ​ടെ​യാ​ണ് സം​ഭ​വം ന​ട​ന്ന​ത്.

നി​ര​വ​ധി മോ​ഷ​ണം, അ​ടി​പി​ടി കേ​സു​ക​ളി​ല്‍ പ്ര​തി​യാ​ണ് കൊ​ല്ല​പ്പെ​ട്ട നി​സാ​ര്‍. റ​ഫീ​ഖു​മാ​യി ശ​ത്രു​ത​യു​മു​ണ്ടാ​യി​രു​ന്നു. അ​ടു​ത്തി​ടെ നി​സാ​ര്‍ റ​ഫീ​ഖി​നെ വീ​ട്ടി​ല്‍​നി​ന്നും ഇ​റ​ക്കി​വി​ട്ടി​രു​ന്നു. ഇ​തി​നു​ശേ​ഷം ഒ​രു കേ​സി​ല്‍ നി​സാ​ര്‍ അ​റ​സ്റ്റി​ലാ​യി റി​മാ​ന്‍​ഡ് ചെ​യ്യ​പ്പെ​ട്ടു. ഈ ​സ​മ​യം റ​ഫീ​ഖ് വീ​ട്ടി​ല്‍ തി​രി​ച്ചെ​ത്തി താ​മ​സ​മാ​രം​ഭി​ച്ചു. ജാ​മ്യ​ത്തി​ലി​റ​ങ്ങി വീ​ട്ടി​ലെ​ത്തി​യ നി​സാ​ര്‍ ഇ​തേ​ച്ചൊ​ല്ലി റ​ഫീ​ഖു​മാ​യി വ​ഴ​ക്കു​ണ്ടാ​ക്കു​ക​യാ​യി​രു​ന്നു. ഇ​തി​നു​ശേ​ഷം ഉ​ച്ച​ഭ​ക്ഷ​ണം ക​ഴി​ച്ച് കി​ട​ന്നു​റ​ങ്ങു​ക​യാ​യി​രു​ന്ന നി​സാ​റി​നെ റ​ഫീ​ഖ് ക​ത്തി​യെ​ടു​ത്ത് കു​ത്തു​ക​യാ​യി​രു​ന്നു. നെ​ഞ്ചി​ലും മു​തു​കി​ലും ആ​ഴ​ത്തി​ല്‍ മു​റി​വേ​റ്റ നി​സാ​റി​നെ അ​യ​ല്‍​വാ​സി​ക​ള്‍ കു​മ്പ​ള​യി​ലെ സ​ഹ​ക​ര​ണ ആ​ശു​പ​ത്രി​യി​ല്‍ എ​ത്തി​ച്ചു​വെ​ങ്കി​ലും അ​പ്പോ​ഴേ​ക്കും മ​രി​ച്ചി​രു​ന്നു. മ​റ്റു സ​ഹോ​ദ​ര​ങ്ങ​ള്‍: മു​നീ​ര്‍, ഇ​ഖ്ബാ​ല്‍, ഷ​ബീ​ര്‍, സ​ലീം.

ഒ​രാ​ഴ്ച​യ്ക്കി​ടെ ജി​ല്ല​യി​ല്‍ കു​ടും​ബ​വ​ഴ​ക്കി​നെ​ത്തു​ട​ര്‍​ന്നു​ണ്ടാ​കു​ന്ന മൂ​ന്നാ​മ​ത്തെ കൊ​ല​പാ​ത​ക​മാ​ണ് ഇ​ത്. ചൊ​വ്വാ​ഴ്ച രാ​വി​ലെ ബേ​ഡ​കം കു​റ​ത്തി​ക്കു​ണ്ടി​ല്‍ മ​ദ്യ​ല​ഹ​രി​യി​ലെ​ത്തി​യ ഭ​ര്‍​ത്താ​വ് ഭാ​ര്യ​യെ പ​ട്ടി​ക​കൊ​ണ്ട് അ​ടി​ച്ച് കൊ​ല​പ്പെ​ടു​ത്തി​യ​തും ക​ഴി​ഞ്ഞ​ദി​വ​സം പി​ലി​ക്കോ​ട് മ​ടി​വ​യ​ലി​ല്‍ കി​ട​പ്പു​രോ​ഗി​യാ​യ ഭ​ര്‍​ത്താ​വി​നെ ഭാ​ര്യ ബ​ന്ധു​ക്ക​ളു​ടെ സ​ഹാ​യ​ത്തോ​ടെ കൊ​ല​പ്പെ​ടു​ത്തി​യ​തു​മാ​ണ് മ​റ്റു ര​ണ്ട് സം​ഭ​വ​ങ്ങ​ള്‍.