3

പാറ്റ്ന: ബങ്കിപ്പൂരിൽ 'ജൻ സുരാജ് പാർട്ടി'യുടെ പ്രശാന്ത് കിഷോർ വിജയം ഉറപ്പിച്ചു. 22 റൗണ്ട് വോട്ടെണ്ണൽ പൂർത്തിയായപ്പോൾ, ബിജെപി സ്ഥാനാർഥി നീരജ് സിൻഹയേക്കാൾ 12,809 വോട്ടുകൾക്കു പ്രശാന്ത് കിഷോർ മുന്നിലാണ്. ഓരോ റൗണ്ട് കഴിയുന്തോറും ഈ ലീഡ് വർധിച്ചുവരികയാണ്.

പാ​ർ​ട്ടി ദേ​ശീ​യ അ​ധ്യ​ക്ഷ​ൻ നി​തി​ൻ ന​ബീ​ൻ രാ​ജ്യ​സ​ഭ​യി​ലേ​ക്കു തെ​ര​ഞ്ഞെ​ടു​ക്ക​പ്പെ​ട്ട​തി​നെ​ത്തു​ട​ർ​ന്ന് രാ​ജി​വ​ച്ച ബി​ഹാ​റി​ലെ ബ​ങ്കി​പ്പു​രി​ൽ അ​ട്ടി​മ​റി​ മണക്കുന്നത്. കഴിഞ്ഞവർഷം അരലക്ഷം വോട്ടിന്‍റെ ഭൂരിപക്ഷത്തിൽ നിതിൻ വിജയിച്ച മണ്ഡലമാണ് അടിമുടി മറിഞ്ഞിരിക്കുന്നത്. നിരവധി വിദ്യാഭ്യാസ സ്ഥാപനങ്ങളുള്ള ബങ്കിപ്പുരിൽ ജെൻസി വോട്ടുകളാണ് നിർണായകമായതെന്നു കരുതുന്നു.

രാ​ജ്യ​ത്തു​ട​നീ​ളം ചോ​ദ്യ​പേ​പ്പ​ർ ചോ​ർ​ച്ച​യ്‌​ക്കെ​തി​രേ വ​ൻ വി​ദ്യാ​ർ​ഥി​പ്ര​ക്ഷോ​ഭ​ങ്ങ​ൾ അ​ര​ങ്ങേ​റി​യ​തി​നു പി​ന്നാ​ലെ ന​ട​ന്ന നി​ർ​ണാ​യ​ക നി​യ​മ​സ​ഭാ ഉ​പ​തെ​ര​ഞ്ഞെ​ടു​പ്പി​ലേറ്റ തിരിച്ചടി ജെൻസി രോഷം പ്രതിഫലിപ്പിക്കുന്നതാണ്. ജെൻസികൾ പ്രശാന്ത് കിഷോറിനു വേണ്ടി സജീവമായി രംഗത്തുണ്ടായിരുന്നു. മൂ​ന്നു പ​തി​റ്റാ​ണ്ടാ​യി ബി​ജെ​പി​യു​ടെ ഉ​റ​ച്ച കോ​ട്ട​യാ​യ ഇ​വി​ടെ പ്ര​ശ​സ്ത തെ​ര​ഞ്ഞെ​ടു​പ്പു ത​ന്ത്ര​ജ്ഞ​നും ജ​ൻ​സു​രാ​ജ് പാ​ർ​ട്ടി നേ​താ​വു​മാ​യ പ്ര​ശാ​ന്ത് കി​ഷോ​റാ​ണു തുടക്കം മുതൽ മു​ന്നി​ൽ.

ബിജെപിക്കു ഞെട്ടൽ

243 അം​ഗ ബി​ഹാ​ർ നി​യ​മ​സ​ഭ​യി​ലെ ഭ​ര​ണ​സ​മ​വാ​ക്യ​ങ്ങ​ളെ ഉ​പ​തെ​ര​ഞ്ഞെ​ടു​പ്പു​ഫ​ലം നേ​രി​ട്ടു ബാ​ധി​ക്കി​ല്ലെ​ങ്കി​ലും ബി​ജെ​പി​യു​ടെ പ​ര​മ്പ​രാ​ഗ​ത വോ​ട്ടു​ബാ​ങ്കി​ൽ വി​ള്ള​ലു​ണ്ടാ​ക്കാ​ൻ പ്ര​ശാ​ന്ത് കി​ഷോ​റി​നു സാ​ധി​ച്ച​ത് വ​ലി​യ രാ​ഷ്‌​ട്രീ​യ ച​ർ​ച്ച​ക​ൾ​ക്കാ​ണ് വ​ഴി​തു​റ​ന്നി​രി​ക്കു​ന്ന​ത്.
ബാ​ങ്കി​പ്പു​രി​ൽ ഇ​ക്കു​റി 34.24 ശ​ത​മാ​നം വോ​ട്ടിം​ഗ് മാ​ത്ര​മാ​ണു രേ​ഖ​പ്പെ​ടു​ത്തി​യ​ത്. ക​ഴി​ഞ്ഞ നി​യ​മ​സ​ഭാ തെ​ര​ഞ്ഞെ​ടു​പ്പി​ലെ 41.45 ശ​ത​മാ​ന​വു​മാ​യി താ​ര​ത​മ്യം ചെ​യ്യു​മ്പോ​ൾ വോ​ട്ടിം​ഗി​ൽ ഏ​ഴു ശ​ത​മാ​ന​ത്തോ​ളം കു​റ​വു​ണ്ടാ​യി.

ബി​ജെ​പി​യി​ലെ ആ​ഭ്യ​ന്ത​ര ആ​ശ​യ​ക്കു​ഴ​പ്പ​ങ്ങ​ളും ജാ​തി-​മ​ത സ​മ​വാ​ക്യ​ങ്ങ​ൾ​ക്ക​തീ​ത​മാ​യി പ്ര​ശാ​ന്ത് കി​ഷോ​ർ ഉ​യ​ർ​ത്തി​യ വി​ക​സ​നനിലപാടുകളുമാണ് ബാ​ങ്കി​പ്പു​രി​നെ ദേ​ശീ​യ ശ്ര​ദ്ധാ​കേ​ന്ദ്ര​മാ​ക്കി​യ​ത്. ജ​ന​പി​ന്തു​ണ​യെ തെ​ര​ഞ്ഞെ​ടു​പ്പു വി​ജ​യ​മാ​ക്കി മാ​റ്റാ​നു​ള്ള ജ​ൻ സൂ​രാ​ജ് പാ​ർ​ട്ടി​യു​ടെ ശേ​ഷി​ക്കു​ള്ള നി​ർ​ണാ​യ​ക പ​രീ​ക്ഷ​ണ​മാ​യാ​ണ് രാ​ഷ്‌​ട്രീ​യനിരീക്ഷകർ ഇ​തി​നെ വീ​ക്ഷി​ക്കു​ന്ന​ത്.

ദാ​തി​യ​യി​ൽ കോ​ൺ​ഗ്ര​സും മ​ഞ്ച​ൽ​പു​രി​ൽ ബി​ജെ​പി​യും

ഉ​പ​തെ​ര​ഞ്ഞെ​ടു​പ്പ് ന​ട​ന്ന മ​ധ്യ​പ്ര​ദേ​ശി​ലെ ദാ​തി​യ​യി​ൽ ഏഴ് റൗണ്ട് വോട്ടെണ്ണൽ കൂടി ബാക്കിനിൽക്കെ, കോൺഗ്രസ് സ്ഥാനാർഥി കുൻവർ ഘനശ്യാം സിംഗ് 6,500ൽ അധികം വോട്ടുകളുടെ ലീഡ് നേടി. ത​ട്ടി​പ്പു കേ​സി​ൽ ശി​ക്ഷി​ക്ക​പ്പെ​ട്ട​തി​നെ​ത്തു​ട​ർ​ന്ന് കോ​ൺ​ഗ്ര​സ് എം​എ​ൽ​എ രാ​ജേ​ന്ദ്ര ഭാ​ര​തി ജ​ന​പ്രാ​തി​നി​ധ്യ നി​യ​മ​പ്ര​കാ​രം അ​യോ​ഗ്യ​നാ​ക്ക​പ്പെ​ട്ട​തി​നാ​ലാ​ണ് ദാ​തി​യ മ​ണ്ഡ​ല​ത്തി​ൽ ഉ​പ​തെ​ര​ഞ്ഞെ​ടു​പ്പ് വേ​ണ്ടി​വ​ന്ന​ത്.

മു​ൻ എം​എ​ൽ​എ​യും രാ​ജ​കു​ടും​ബാം​ഗ​വു​മാ​യ കു​ൻ​വ​ർ ഘ​ൻ​ശ്യാം സിം​ഗ് (കോ​ൺ​ഗ്ര​സ്), പു​തു​മു​ഖ​മാ​യ അ​ശു​തോ​ഷ് തി​വാ​രി (ബി​ജെ​പി) എ​ന്നി​വ​ർ ത​മ്മി​ലാ​ണ് നേ​ർ​ക്കു​നേ​ർ പോ​രാ​ട്ടം. മു​തി​ർ​ന്ന നേ​താ​വും മു​ൻ ആ​ഭ്യ​ന്ത​ര മ​ന്ത്രി​യു​മാ​യ ന​രോ​ത്തം മി​ശ്ര​യ്ക്ക് ബി​ജെ​പി ടി​ക്ക​റ്റ് നി​ഷേ​ധി​ച്ച​തി​നെ​ത്തു​ട​ർ​ന്നു​ണ്ടാ​യ പാ​ർ​ട്ടി​ക്കു​ള്ളി​ലെ അ​മ​ർ​ഷ​വും പ്ര​തി​ഷേ​ധ​ങ്ങ​ളു​മാ​ണ് ബി​ജെ​പി​ക്കു തി​രി​ച്ച​ടി​യാ​യ​ത്.

അതേസമയം, ഗു​ജ​റാ​ത്തി​ലെ മ​ഞ്ച​ൽ​പു​രി​ൽ ത​ങ്ങ​ളു​ടെ പ​ര​മ്പ​രാ​ഗ​ത വോ​ട്ടു​ബാ​ങ്ക് സം​ര​ക്ഷി​ച്ച് ബി​ജെ​പി കൂ​റ്റ​ൻ വി​ജ​യ​ത്തി​ലേ​ക്കു കു​തി​ക്കു​ക​യാ​ണ്. എ​ട്ടു ത​വ​ണ എം​എ​ൽ​എ​യും മു​ൻ മ​ന്ത്രി​യു​മാ​യി​രു​ന്ന ബി​ജെ​പി​യു​ടെ മു​തി​ർ​ന്ന നേ​താ​വ് യോ​ഗേ​ഷ് പ​ട്ടേ​ലി​ന്‍റെ വേ​ർ​പാ​ടി​നെ​ത്തു​ട​ർ​ന്നാ​ണ് ഉ​പ​തെ​ര​ഞ്ഞെ​ടു​പ്പ് വേ​ണ്ടി​വ​ന്ന​ത്. വോ​ട്ടെ​ണ്ണ​ലി​ന്‍റെ തു​ട​ക്കം മു​ത​ൽ ബി​ജെ​പി സ്ഥാ​നാ​ർ​ഥി സ​തീ​ഷ് പ​ട്ടേ​ൽ മു​ന്നി​ലാ​ണ്. കോ​ൺ​ഗ്ര​സ് വൈ​സ് പ്ര​സി​ഡ​ന്‍റ് ഭി​ഖാ​ഭാ​യ് റ​ബാ​രി​യാ​ണു എ​തി​ർ​സ്ഥാ​നാ​ർ​ഥി.

Tags : Prashant‌Kishor Election Victory BJP Deepika DeepikaNewspaper BreakingNews NewsUpdate Headlines CurrentAffairs