ഹാ​രി​സ് കൗ​ണ്ടി (ഹൂ​സ്റ്റ​ൺ) 48 മ​ണി​ക്കൂ​റി​നു​ള്ളി​ൽ ഹാ​രി​സ് കൗ​ണ്ടി ജ​യി​ലി​ൽ മ​രി​ച്ച​ത് മൂ​ന്ന് ത​ട​വു​കാ​ർ. ഇ​തോ​ടെ ഈ ​വ​ർ​ഷം ഇ​തു​വ​രെ ഹാ​രി​സ് കൗ​ണ്ടി ജ​യി​ലി​ൽ ത​ട​വി​ൽ ക​ഴി​യു​ന്ന​തി​നി​ടെ മ​രി​ച്ച​വ​രു​ടെ എ​ണ്ണം പ​ത്താ​യി. ല​ഹ​രി ഉ​പ​യോ​ഗി​ച്ച് 26 വ​യ​സു​കാ​ര​ൻ ജ​യി​ലി​നു​ള്ളി​ൽ മ​രി​ച്ച് ആ​ഴ്ച​ക​ൾ​ക്ക് ശേ​ഷം വീ​ണ്ടും ക​സ്റ്റ​ഡി മ​ര​ണ​ങ്ങ​ൾ റി​പ്പോ​ർ​ട്ട് ചെ​യ്തു.

ജ​യി​ലി​ൽ വ​ച്ച് ആ​രോ​ഗ്യ​പ്ര​ശ്ന​ങ്ങ​ൾ അ​നു​ഭ​വ​പ്പെ​ട്ട അ​ല​ക്സാ​ണ്ട​ർ വി​ൻ​സ്റ്റ​ലി​നെ (43) സെ​ന്റ് ജോ​സ​ഫ് ആ​ശു​പ​ത്രി​യി​ലേ​ക്ക് മാ​റ്റി. ഗു​രു​ത​ര​മാ​യ ആ​രോ​ഗ്യ​പ്ര​ശ്ന​ങ്ങ​ളു​ണ്ടാ​യി ക​ണ്ടെ​ത്തി​യ അ​ദ്ദേ​ഹം ആ​ശു​പ​ത്രി​യി​ൽ വ​ച്ചാ​ണ് മ​രി​ച്ച​ത്.

കു​ട്ടി​യെ പീ​ഡി​പ്പി​ച്ച കേ​സി​ലെ പ്ര​തി​യാ​യ ഫി​ലി​പ്പ് ബ്ര​മ്മെ​റ്റ് (68) 22ാം തീ​യ​തി രാ​ത്രി​യാ​ണ് മ​രി​ച്ച​ത്. ഈ ​മാ​സം 19ന് ​ജ​യി​ലി​ൽ വ​ച്ച് ആ​രോ​ഗ്യ​പ്ര​ശ്ന​ങ്ങ​ൾ അ​നു​ഭ​വ​പ്പെ​ട്ട ബ്ര​മ്മ​റ്റി​നെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​താ​യി​ട്ടാ​ണ് ജ​യി​ൽ അ​ധി​കൃ​ത​ർ അ​റി​യി​ച്ചു. ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​യു​ന്ന​തി​നി​ടെ​യാ​ണ് ബ്ര​മ്മെ​റ്റും മ​രി​ച്ച​ത്.


ല​ഹ​രി​മ​രു​ന്ന് കൈ​വ​ശം വ​ച്ച​തി​ന് പി​ടി​യി​ലാ​യ റൊ​ണാ​ൾ​ഡ് പേ​റ്റ്(35) ആ​ണ് 48 മ​ണി​ക്കൂ​റി​നു​ള്ളി​ൽ ഹാ​രി​സ് കൗ​ണ്ടി ജ​യി​ലി​ൽ മ​രി​ച്ച മൂ​ന്നാ​മ​ൻ. അ​റ​സ്റ്റി​ലാ​യി ദി​വ​സ​ങ്ങ​ൾ​ക്കു​ള്ളി​ലാ​ണ് മ​ര​ണം.

48 മ​ണി​ക്കൂ​റി​നു​ള്ളി​ൽ ഹാ​രി​സ് കൗ​ണ്ടി ജ​യി​ലി​ൽ മൂ​ന്ന് മ​ര​ണം ന​ട​ന്ന​ത് അ​ന്വേ​ഷി​ക്കു​മെ​ന്ന് ഹൂ​സ്റ്റ​ൺ പോ​ലീ​സ് അ​റി​യി​ച്ചു. 2023ൽ 19 ​പേ​രും 2022ൽ 27 ​പേ​രും ഇ​വി​ടെ ക​സ്റ്റ​ഡി​യി​ൽ മ​രി​ച്ചി​ട്ടു​ണ്ട്. തു​ട​ർ​ച്ച​യാ​യ ക​സ്റ്റ​ഡി മ​ര​ണ​ങ്ങ​ൾ അ​ധി​കാ​രി​ക​ൾ​ക്ക് വ​ലി​യ ത​ല​വേ​ദ​ന സൃ​ഷ്ടി​ക്കു​ന്നു​ണ്ട്.