നോ​ർ​ത്ത് ക​രോ​ലി​ന: ഷാ​ർ​ല​റ്റി​ൽ ജൂ​ലൈ മൂ​ന്ന് മു​ത​ൽ ആ​റ് വ​രെ മ​ന്ത്ര​യു​ടെ ദ്വി​തീ​യ ദേ​ശീ​യ ക​ൺ​വ​ൻ​ഷ​ന് (ശി​വോ​ഹം 2025) അ​ര​ങ്ങു​ണ​രു​മ്പോ​ൾ അ​ത് ഹൈ​ന്ദ​വ സ​മൂ​ഹ​ത്തി​ന് ന​വോ​ന്മേ​ഷ​ത്തി​ന്‍റെ പു​ത്ത​ൻ നാ​ളു​ക​ളി​ലേ​ക്കു​ള്ള ചു​വ​ടു​വ​യ്പു​ക​ളാ​യി തീ​രു​ന്നു.

സ​മൂ​ഹ​ത്തി​ന്‍റെ ആ​ത്മീ​യ​വും സാം​സ്കാ​രി​ക​വും ക​ലാ​പ​ര​വു​മാ​യ ചോ​ദ​ന​ക​ളെ തൊ​ട്ടു​ണ​ർ​ത്തു​ന്ന അ​സം​ഖ്യം വി​ഭ​വ​ങ്ങ​ൾ കോ​ർ​ത്തി​ണ​ക്കി​യ മ​ഹ​ത്താ​യ ആ​ഘോ​ഷ ദി​ന​ങ്ങ​ൾ​ക്ക് ശി​വോ​ഹം ക​ൺ​വ​ൻ​ഷ​ൻ സാ​ക്ഷ്യം വ​ഹി​ക്കും.

പൂ​ജ്യ സ്വാ​മി​ജി ചി​ദാ​ന​ന്ദ​പു​രി മു​ഖ്യാ​തി​ഥി ആ​കു​ന്ന ക​ൺ​വ​ൻ​ഷ​നി​ൽ ശി​വ​ഗി​രി മ​ഠ​ത്തി​ൽ നി​ന്നും സ്വാ​മി വീ​രേ​ശ്വ​രാ​ന​ന്ദ, ബ്ര​ഹ്മ​ശ്രീ മ​നോ​ജ് ന​മ്പൂ​തി​രി, ഡോ. ​ശ്രീ​നാ​ഥ് കാ​ര്യാ​ട്ട്, മോ​ഹ​ൻ​ജി, മ​ണ്ണ​ടി ഹ​രി എ​ന്നി​വ​ർ ക​ൺ​വ​ൻ​ഷ​നി​ൽ എ​ത്തു​ന്ന കു​ടും​ബ അം​ഗ​ങ്ങ​ൾ​ക്ക് ജീ​വി​ത​ത്തി​ന്‍റെ ഉ​ൾ​ക്കാ​ഴ്ച​ക​ളി​ലേ​ക്കു വെ​ളി​ച്ചം വീ​ശു​ന്ന പ്ര​ഭാ​ഷ​ണ പ​ര​മ്പ​ര​ക​ൾ ഒ​രു​ക്കും.

മ​ല​യാ​ള ച​ല​ച്ചി​ത്ര സം​ഗീ​ത പി​ന്ന​ണി രം​ഗ​ത്തെ അ​തി​കാ​യ​ൻ ഉ​ണ്ണി മേ​നോ​ന്‍റെ സാ​ന്നി​ധ്യ​വും ഡോ. ​ക​ലാ​മ​ണ്ഡ​ലം ര​ചി​താ ര​വി(​മോ​ക്ഷ, മോ​ഹി​നി​യാ​ട്ടം സെ​ഷ​ൻ), ര​ഞ്ജ​നി സൈ​ഗാ​ൾ (വീ​രാം​ഗ​ന: വ​നി​താ ഫോ​റം സെ​ഷ​ൻ) വി​വി​ധ ന​ഗ​ര​ങ്ങ​ളി​ൽ നി​ന്നും നാ​ട​ക അ​വ​ത​ര​ണം, ഫാ​ഷ​ൻ ഷോ, ​ക​ൾ​ച്ച​റ​ൽ കോ​ന്പ​റ്റീ​ഷ​ൻ, സി​നി​മ, ചെ​ണ്ട​മേ​ളം, ക​ഥ​ക​ളി, മെ​ഗാ തി​രു​വാ​തി​ര തു​ട​ങ്ങി നി​ര​വ​ധി പ​രി​പാ​ടി​ക​ൾ അ​ണി​യ​റ​യി​ൽ ഒ​രു​ങ്ങു​ന്നു.


വ്യ​ക്ത​വും സു​ദൃ​ഡ​വു​മാ​യ കാ​ഴ്ച​പ്പാ​ടോ​ടു കൂ​ടി സ​മാ​രം​ഭി​ച്ച സം​ഘ​ട​ന കു​റ​ഞ്ഞ കാ​ലം കൊ​ണ്ട് ത​ന്നെ അ​മേ​രി​ക്ക​യു​ടെ പ്ര​വാ​സി സം​ഘ​ട​നാ രം​ഗ​ത്ത് ഉ​റ​ച്ച സാ​ന്നി​ധ്യം ആ​യി ക​ഴി​ഞ്ഞു​വെ​ന്നും ഈ ​ക​ൺ​വ​ൻ​ഷ​ൻ അ​തി​ന്‍റെ ദൃ​ഷ്ടാ​ന്ത​മാ​യി മാ​റു​മെ​ന്ന് പ്ര​സി​ഡ​ന്‍റ് ശ്യാം ​ശ​ങ്ക​ർ അ​റി​യി​ച്ചു.

വ​നി​ത​ക​ൾ​ക്കും യു​വ​ജ​ന​ങ്ങ​ൾ​ക്കും മ​ന്ത്ര ന​ൽ​കു​ന്ന പ്രാ​ധാ​ന്യം അ​തി​ന്‍റെ മു​ന്നോ​ട്ടു​ള്ള പ്ര​യാ​ണ​ത്തി​ന് ഊ​ർ​ജം പ​ക​രും എ​ന്നും അ​ദ്ദേ​ഹം അ​റി​യി​ച്ചു.