ന്യൂ‌യോർക്ക്: ലി​റ്റ​റ​റി അ​സോ​സി​യേ​ഷ​ൻ ഓ​ഫ് നോ​ർ​ത്ത് അ​മേ​രി​ക്ക എ​ഴു​ത്ത് അ​നു​ഭ​വ​ങ്ങ​ൾ പ​ങ്കു​വ​യ്ക്കു​ന്ന "എ​ന്‍റെ എ​ഴു​ത്തു​വ​ഴി​ക​ൾ' എ​ന്ന പ​ര​മ്പ​ര സം​ഘ​ടി​പ്പി​ച്ചു. സാ​ഹി​ത്യം ഒ​രു ആ​ർ​ഭാ​ട​മാ​ണെ​ന്ന് തോ​ന്നി​യേ​ക്കാ​വു​ന്ന യു​ദ്ധ​ങ്ങ​ളു​ടെ ലോ​ക​ത്താ​ണ്‌ നാ​മി​ന്ന് ജീ​വി​ക്കു​ന്ന​തെന്ന് വി.ജെ. ജെ​യിം​സ് പറഞ്ഞു.

ഏ​റ്റ​വും പ്ര​ധാ​ന​മാ​യ ജീ​വ​ൻ, പി​ന്നെ പ്ര​ധാ​ന​മാ​യ ഭ​ക്ഷ​ണം, സു​ര​ക്ഷ എ​ന്നി​വ നി​ല​നി​ൽ​ക്കു​മോ എ​ന്ന് ശ​ങ്കി​ച്ച് നി​ല​നി​ൽ​ക്കു​ന്ന​വ​ർ​ക്കി​ട​യി​ൽ ഇ​ങ്ങ​നെ​യൊ​ക്കെ സം​സാ​രി​ക്കാ​ൻ ക​ഴി​യു​ന്ന​ത് ഒ​രു സൗ​ഭാ​ഗ്യ​മാ​ണെന്ന് അദ്ദേഹം കൂട്ടിച്ചേർത്തു.

ലാ​ന​യു​ടെ എ​ഴു​ത്ത് അ​നു​ഭ​വ​ങ്ങ​ൾ പ​ങ്കു​വ​യ്ക്കു​ന്ന "എ​ന്‍റെ എ​ഴു​ത്തു​വ​ഴി​ക​ൾ' എ​ന്ന പ​ര​മ്പ​ര​യി​ൽ മു​ഖ്യാ​തി​ഥി​യാ​യി പ​ങ്കെ​ടു​ത്ത് സം​സാ​രി​ക്കു​ക​യാ​യി​രു​ന്നു വി.ജെ. ജെ​യിം​സ്.

എ​ഴു​ത്ത് എ​ന്ന് പ​റ​യു​ന്ന​ത് ഒ​രാ​ളി​ൽ സം​ഭ​വി​ക്കു​ക​യാ​ണ്‌. മ​ണ്ണി​ന​ടി​യി​ൽ കി​ട​ക്കു​ന്ന വി​ത്ത് അ​തിന്‍റെ സ്വാ​ഭാ​വി​ക ഗു​ണം​കൊ​ണ്ട്, കാ​ല​നു​സൃ​ത​മാ​യി ഒ​രു തു​ള്ളി മ​ഴ​പെ​യ്യു​മ്പോ​ൾ, മ​ണ്ണി​ലേ​ക്ക് ഊ​ർ​ന്ന് ചെ​ന്ന് അ​തി​നെ തൊ​ട്ട് പ്ര​ചോ​ദി​പ്പി​ക്കു​മ്പോ​ൾ, പൊ​ട്ടി​മു​ള​ക്കു​ന്ന​ത് പോ​ലെ​യാ​ണ്‌ അ​ത് സം​ഭ​വി​ക്കു​ന്ന​ത്.

എ​ല്ലാ എ​ഴു​ത്തു​കാ​രു​ടേ​യും ഉ​ള്ളി​ൽ അ​ങ്ങ​നെ​യൊ​രു വി​ത്ത് കി​ട​ക്കു​ന്നു​ണ്ട്. ഏ​ത് വി​ത്തി​നാ​ണോ പൊ​ട്ടി​മു​ള​ക്കാ​ൻ സാ​ഹ​ച​ര്യം ഉ​ണ്ടാ​കു​ന്ന​ത്, അ​ത് പൂ​ത്ത് കാ​യ്ക​ൾ ഉ​ണ്ടാ​കു​ന്ന​തു​പോ​ലെ​യാ​ണ്‌ ത​ന്‍റെ ര​ച​നാ​നു​ഭ​വ​മെ​ന്ന് ജെ​യിം​സ് പ​റ​ഞ്ഞു.


തു​ട​ർ​ന്ന് അ​മേ​രി​ക്ക​ൻ - ക​നേ​ഡി​യ​ൻ എ​ഴു​ത്തു​കാ​രി​യാ​യ നി​ർ​മ​ല​യു​ടെ 'ക​ര​യി​ലെ മീ​നു​ക​ൾ' എ​ന്ന പു​സ്ത​കം അ​ദ്ദേ​ഹം പ​രി​ച​യ​പ്പെ​ടു​ത്തി.

എ​ഴു​ത്തി​ന്‍റെ ഭാ​ഷ എ​ന്നെ ഭ്ര​മി​പ്പി​ക്കും: നി​ർ​മ​ല

എ​ഴു​ത്തി​ൽ ക​ഥ​യേ​ക്കാ​ൾ പ്ര​ധാ​ന്യം ഭാഷ​യ്ക്കാ​ണ്‌ എ​ന്നു ക​രു​തു​ന്ന ഒ​രാ​ളാ​ണ്‌ താ​നെ​ന്ന് ക​ര​യി​ലെ മീ​നു​ക​ൾ എ​ന്ന പു​സ്തക​ത്തി​ന്‍റെ എ​ഴു​ത്തു​കാ​രി നി​ർ​മ​ല എ​ഴു​ത്ത​നു​ഭ​വ​ങ്ങ​ളെ​ക്കു​റി​ച്ച് ഓ​ർ​ത്തു​കൊ​ണ്ട് സൂ​ചി​പ്പി​ച്ചു.

ഭാ​ഷ ത​ന്നെ ഭ്ര​മി​പ്പി​ക്കും. ഭാ​ഷ​യു​ടെ സൗ​ന്ദ​ര്യ​മാ​ണ്‌ ഒ​രു കൃ​തി​യെ ഇ​ഷ്ട​പ്പെ​ടാ​ൻ പ്രേ​രി​പ്പി​ക്കു​ന്ന​ത്. എ​ഴു​തി​യ​തി​നെ പ​ല​വ​ട്ടം എ​ഡി​റ്റ് ചെ​യ്യാ​റു​ണ്ട്. ക​ര​യി​ലെ മീ​നു​ക​ൾ ആറ് പ്രാ​വ​ശ്യം എ​ഡി​റ്റ് ചെ​യ്തെന്ന് അവർ കൂട്ടിച്ചേർത്തു.

ലാ​ന പ്ര​സി​ഡ​ന്‍റ് ശ​ങ്ക​ർ മ​ന അ​ധ്യ​ക്ഷ​ത വ​ഹി​ച്ച​യ് യോ​ഗ​ത്തി​ൽ പ്രോ​ഗ്രാം ക​മ്മി​റ്റി ചെ​യ​ർ ജേ​ക്ക​ബ് ജോ​ൺ സ്വാ​ഗ​തം പ​റ​ഞ്ഞു. ച​ർ​ച്ച​യി​ൽ മീ​നു എ​ലി​സ​ബ​ത്ത്, റ​ഫീ​ക്ക് ത​റ​യി​ൽ, മു​ര​ളി ജെ ​നാ​യ​ർ, ജേ​ക്ക​ബ് ജോ​ൺ, സാ​മു​വ​ൽ യോ​ഹ​ന്നാ​ൻ എ​ന്നി​വ​ർ പ​ങ്കെ​ടു​ത്തു.

ലാ​ന സെ​ക്ര​ട്ട​റി സാ​മു​വ​ൽ യോ​ഹ​ന്നാ​ൻ കൃ​ത​ജ്ഞ​ത പ്ര​കാ​ശി​പ്പി​ച്ചു.