മാർ തോമസ് തറയിലിന് തെക്കൻ മേഖലയുടെ ചുമതല : Deepika.com Special News

നിയമ വിദഗ്ധരുടെയും ഫോറൻസിക് വിദഗ്ധരുടെയും കണ്ടെത്തലുകൾ മനഃസാക്ഷിയെ ഞെട്ടിക്കുന്നു .രാജ്യത്തിന്‍റെ തന്നെ ശ്രദ്ധ നേടിയ ഒരു കേസും വിചാരണയും വിധിയും നമ്മുടെ നിയമസംവിധാനങ്ങളെയും അന്വേഷണ രീതികളെയും നോക്കി പല്ലിളിക്കുകയാണോ? അഭയ കേസിൽ സിബിഐ കോടതി വിധി പുറത്തു വന്നതിനു ശേഷം നടക്കുന്ന ചർച്ചകൾ കടുത്ത അനീതിയുടെയും മനുഷ്യാവകാശ ലംഘനത്തിന്‍റെയും കഥകൾ പുറത്തുകൊണ്ടുവരുന്നു.

മാർ തോമസ് തറയിലിന് തെക്കൻ മേഖലയുടെ ചുമതല

അതിരൂപതയുടെ സഹായമെത്രനും അഗ്രീപ്പിയ രൂപതയുടെ സ്ഥാനിക മെത്രാനുമായി നിയമിതനായ മാർ തോമസ് തറയിലിനു കൊല്ലം, അന്പൂരി, തിരുവന്തപുരം എന്നീ ഫൊറോനകൾ ചേർന്ന തെക്കൻ മേഖലയുടെ അജപാലന ശുശ്രൂഷയ്ക്ക് ചുമതല നൽകിയതായി ആർച്ച്ബിഷപ് മാർ ജോസഫ് പെരുന്തോട്ടം.

മെത്രാഭിഷേക ചടങ്ങുകൾക്കു മുന്പുള്ള സ്വാഗത പ്രഭാഷണത്തിലാണ് ആർച്ച്ബിഷപ്പ് ഇക്കാര്യം അറിയിച്ചത്. അതിരൂപതയിലെ മറ്റ് മേഖലകൾക്കു ലഭിക്കുന്ന വളർച്ചയും പുരോഗതിയും തെക്കൻ മേഖലയ്ക്കും ലഭിക്കുന്നതിനുവേണ്ടിയാണ് ഈ ചുമതല നൽകുന്നതെന്നും മാർ പെരുന്തോട്ടം കൂട്ടിച്ചേർത്തു.

മാർ തോമാശ്ലീഹായുടെ പുതുഞായർ തിരുനാളിൽ തോമസ് നാമധാരിയായ മാർ തോമസ് തറയിലിന്‍റെ മെത്രാഭിഷേകം അതിരൂപതക്കു ധന്യത പകരുന്നതാണെന്നും ആർച്ച്ബിഷപ് ചൂണ്ടിക്കാട്ടി.

സഭയുടെ പൈതൃകവും പാരന്പര്യങ്ങളും കാത്തുപരിപാലിച്ച് അതിരൂപതയിലെ വിശ്വാസികൾക്ക് തീക്ഷ്ണമായ വിശ്വാസ ചൈതന്യം പകരാൻ സഹായമെത്രാനു കഴിയട്ടെയെന്നും മാർ പെരുന്തോട്ടം ആശംസിച്ചു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.