ബ്രിട്ടൺ സീറോ മലബാർ രൂപത സ്‌ഥാപനവും മെത്രാഭിഷേകവും 11 നും 16 നും വിവിധ കമ്മിറ്റികൾ
Tuesday, August 9, 2016 6:34 AM IST
ന്യൂകാസിൽ: ഇംഗ്ലണ്ടിലെ സീറോ മലബാർ വിശ്വാസികൾക്കായി പുതുതായി അനുവദിച്ചു കിട്ടിയ പ്രെസ്റ്റൻ ആസ്‌ഥാനമായ ബ്രിട്ടൺ രൂപതയുടെ സ്‌ഥാപനവും നിയുക്‌ത മെത്രാൻ മാർ ജോസഫ് സ്രാമ്പിക്കലിന്റെ മെത്രാഭിഷേക ചടങ്ങുകൾ എന്നിവയെക്കുറിച്ചു ആലോചിക്കുവാൻ ഓഗസ്റ്റ് 11, 16 തീയതികളിൽ സീറോ മലബാർ വൈദികരുടെയും അല്മായ പ്രതിനിധികളുടെയും യോഗം ചേരും.

11നു ന്യൂകാസിലിൽ നടക്കുന്ന വൈദികരുടെ യോഗത്തിൽ മെത്രാഭിഷേകത്തിന്റെയും രൂപത സ്‌ഥാപനത്തിന്റെയും ചടങ്ങുകൾ ഉൾപ്പടെയുള്ള കാര്യങ്ങൾക്കു യോഗം രൂപ രേഖ തായാറാക്കും.

16നു യുകെയിലെ മുഴുവൻ സീറോ മലബാർ ചാപ്ലെയിന്മാരുടെയും വിവിധ കുർബാന സെന്ററുകളിലെയും അൽമായ പ്രതിനിധികളുടെയും സംയുക്‌ത യോഗം നിയുക്‌ത രൂപതയുടെ ആസ്‌ഥനമായ പ്രെസ്റ്റണിൽ ഫാ. മാത്യു ചൂരപ്പൊയ്കയിലിന്റെ ആതിഥേയത്വത്തിൽ സീറോ മലബാർ കോഓർഡിനേറ്റർ ഫാ. തോമസ് പാറയടിയുടെ അധ്യക്ഷതയിൽ ചേരുമെന്നു ഫാ. ആന്റണി ചുണ്ടെലിക്കാട്ട് അറിയിച്ചു.

<ആ>റിപ്പോർട്ട്: ഷൈമോൻ തോട്ടുങ്കൽ
Copyright @ 2022 , Rashtra Deepika Ltd.