റിപ്പോ നിരക്കില് മാറ്റമില്ല; 6.5 ശതമാനമായി തുടരും
Friday, April 5, 2024 12:07 PM IST
ന്യൂഡല്ഹി: തുടര്ച്ചയായ ഏഴാം തവണയും റിപ്പോ നിരക്കില് മാറ്റം വരുത്താതെ റിസര്വ് ബാങ്ക്. ബാങ്കുകള്ക്ക് റിസര്വ് ബാങ്ക് നല്കുന്ന വായ്പയുടെ പലിശയായ റിപ്പോ നിരക്ക് 6.5ശതമാനത്തില് തന്നെ തുടരും.
വേനലും വരള്ച്ചയും അടക്കമുള്ള സാഹചര്യങ്ങള് പരിഗണിച്ചാണ് തീരുമാനം. ഇഎംഐ, വാഹന, ഭവന വായ്പ അടക്കം ഉള്ളവര്ക്ക് ആശ്വാസം നല്കുന്ന തീരുമാനമാണിത്.
മൂന്ന് ദിസം നീണ്ടുനിന്ന യോഗത്തിന് ശേഷമാണ് ആർബിഐ വായ്പാനയം പ്രഖ്യാപിച്ചത്. ആറംഗ സമിതിയില് അഞ്ച് പേരും തീരുമാനത്തിന് അനുകൂലമായി വോട്ട് ചെയ്തു. നിലവിലെ സാഹചര്യത്തില് നടപ്പ് സാമ്പത്തിക വര്ഷം സെപ്റ്റംബറിന് ശേഷം മാത്രമെ റിപ്പോ നിരക്കില് മാറ്റം വരാന് സാധ്യതയുള്ളൂവെന്നാണ് വിലയിരുത്തല്.